ព័ត៌មានអន្ដរជាតិ
បុគ្គលមួយរូប ប្រកាសចូលខ្លួនដឹកនាំអាមេរិក ជំនួសលោក បៃដិន បើករណីបន្ទាន់ណាមួយ កើតឡើង
អនុប្រធានាធិបតីសហរដ្ឋអាមេរិកលោកស្រី Kamala Harris បានប្រាប់កាសែត Wall Street Journal ពីការត្រៀមខ្លួនរួចជាស្រេច ដើម្បីចូលជំនួសតំណែងប្រធានាធិបតី ចូ បៃដិន ប្រសិនបើចាំបាច់ ខណៈមានកង្វល់កាន់តែខ្លាំង ជុំវិញបញ្ហាអាយុនិងសុខភាព។
សេចក្តីប្រកាសរបស់លោកស្រី Harris កើតឡើងមួយសប្តាហ៍ បន្ទាប់ពីអនុប្រធានាធិបតីរូបនេះ ត្រូវបានអ្នកសារព័ត៌មានសាកសួរអំពីការត្រៀមខ្លួនដឹកនាំប្រទេសដើម្បីផ្តល់ទំនុកចិត្តដល់ប្រជាជន ក្នុងករណីលោក បៃដិន សម្រាកពីការងារដោយសារបញ្ហាបន្ទាន់ណាមួយ។
តាមការចុះផ្សាយរបស់ Wall Street Journal កាលពីថ្ងៃចន្ទទី១២ខែកុម្ភៈ, លោកស្រីបញ្ជាក់ថា “ខ្ញុំត្រៀមខ្លួនជាស្រេចដើម្បីដឹកនាំប្រទេសបម្រើប្រជាជន។ គ្មានអ្វីត្រូវឆ្ងល់ទេ! អ្នកដែលឃើញការងាររបស់ខ្ញុំ ច្បាស់ជាដឹងអំពីសមត្ថភាពដឹកនាំរបស់ខ្ញុំហើយ”។
ត្បិតលើកសរសើអំពីជំនាញភាពជាអ្នកដឹកនាំរបស់ខ្លួនក៏ដោយ ប៉ុន្តែលោកស្រី Harris នៅតែត្រូវការបញ្ចុះបញ្ចូលអ្នកបោះឆ្នោតមួយចំនួន ព្រោះថាបច្ចុប្បន្ន អត្រាគាំទ្ររបស់លោកស្រី ហាក់ធ្លាក់ចុះខ្លាំងមែនទែន។
យោងតាមការស្ទង់មតិថ្មីដោយ NBC, អត្រាគាំទ្រអនុប្រធានាធិបតីរូបនេះ បានធ្លាក់ចុះដល់កម្រិតទាបថ្មី ដោយមានអ្នកឆ្លើយសំណួរប្រមាណ៥៣% មិនពេញចិត្តលោកស្រី ហើយមានតែ២៨%ប៉ុណ្ណោះ ដែលបង្ហាញថា លោកស្រីមានភាពវិជ្ជមាន។
ទោះទើបផ្សព្វផ្សាយជាសាធារណៈនៅពេលនេះក៏ពិតមែន ប៉ុន្តែការកត់សម្គាល់របស់លោកស្រី Harris ខាងលើ កើតឡើងមុនការទម្លាយឯកសារដែលចងក្រងដោយទីប្រឹក្សាពិសេសសហរដ្ឋអាមេរិក Robert Hur ដែលចោទជាក្តីព្រួយបារម្ភកាន់តែខ្លាំង អំពីសុខភាពរបស់ប្រធានាធិបតី។
របាយការណ៍របស់លោក Hur បានចាត់ទុកលោក បៃដិន អាយុ ៨១ឆ្នាំ ជា “បុរសចំណាស់ដែលមានការចងចាំខ្សោយ” ហើយកត់សម្គាល់ថា ប្រធានាធិបតីបានបង្ហាញឲ្យគេគ្រប់គ្នាឃើញជាសាធារណៈ អំពីផលលំបាករបស់គាត់។
យ៉ាងណាក្តី ការវាយតម្លៃនេះ ត្រូវបានរដ្ឋបាលសហរដ្ឋអាមេរិកចេញមុខបដិសេធយ៉ាងដាច់អហង្ការ ហើយលោក បៃដិន បានរៀបចំសន្និសីទសារព័ត៌មានមិនធម្មតាមួយ ដើម្បីធានាដល់សាធារណជនថា ការចងចាំរបស់គាត់គឺល្អ ថែមទាំងទាត់ចោលការចោទប្រកាន់ផ្សេងទៀតផងដែរ៕
អត្ថបទ៖ សុខ សុវណ្ណ
ចុចអាន៖ អនុប្រធានាធិបតីអាមេរិក ទៅដល់កូរ៉េខាងត្បូង ក្រោយកូរ៉េខាងជើង បាញ់មីស៊ីលបានមួយថ្ងៃ
-
ព័ត៌មានអន្ដរជាតិ៦ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៦ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ១ ថ្ងៃ ago
ណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ
-
ព័ត៌មានជាតិ២ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
កីឡា៤ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានអន្ដរជាតិ៣ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
សន្តិសុខសង្គម២ ថ្ងៃ ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់
-
ព័ត៌មានជាតិ៣ ថ្ងៃ ago
សម្ដេច ហ៊ុន សែន អះអាងច្បាស់ៗថា គ្មានទេកិច្ចព្រមព្រៀងកាត់ដីឱ្យទៅវៀតណាម