ព័ត៌មានអន្ដរជាតិ
បញ្ហាកង្វះខាតផ្នែកស្បៀងអាហារពិភពលោក ជាឱកាសរបស់វៀតណាម នាំចេញអង្ករ
នៅចុងឆ្នាំ ២០២៣ វៀតណាមបាននាំចេញអង្ករចំនួនជាង ៨លានតោន ជាមួយនឹងចំណូលប្រមាណ ៣.៨ ពាន់លានដុល្លារ ដែលជាចំណូលខ្ពស់បំផុតមិនធ្លាប់មានពីមុនមកនៅក្នុងវិស័យនាំចេញអង្កររបស់ប្រទេសមួយនេះ ។ នេះបើយោងតាមរបាយការណ៍ពី Zingnews ដែលជាសារព័ត៌មានដ៏ធំក្នុងប្រទេសវៀតណាម ។
ជាមួយគ្នានេះ បើយោងតាមមាគមស្បៀងអាហារវៀតណាម (VFA) បានបង្ហាញថា ចាប់តាំងពីខែមិថុនា ឆ្នាំ ២០២៣ ការនាំចេញអង្ករពូជ “គុជខ្យង” របស់វៀតណាមបានកើនឡើងជាបន្តបន្ទាប់ រហូតដល់ចុងឆ្នាំដដែលនោះ តម្លៃអង្ករវៀតណាម បានឈានដល់ចំណុចកំពូលគឺ ៦៦៣ ដុល្លារ ក្នុង ១តោន ដែលវាជាតម្លៃខ្ពស់បំផុតក្នុងរយៈពេលប៉ុន្មានឆ្នាំចុងក្រោយនេះ ។
![](https://www.kampucheathmey.com/wp-content/uploads/2024/02/gao_viet_duoc_cong_nhan_la_gao_ngon_nhat_the_gioi_22395345.webp)
តាមរយៈការព្យាករណ៍របស់អ្នកជំនាញវិភាគតម្លៃស្រូវ-អង្ករ បានឱ្យឃើញថា សម្រាប់ឆ្នាំ ២០២៤ នេះ តម្លៃអង្ករវៀតណាម នៅតែមានស្ថេរភាព មិនអាចធ្លាក់ចុះក្រោម ៦៤០ ឬ ៦៥០ ដុល្លារ ក្នុង១តោន បានឡើយ ។ ហើយសម្រាប់មូលហេតុ គឺដោយសារបញ្ហាកង្វះខាតផ្នែកស្បៀងអាហារពិភពលោក កំពុងកើតមានបណ្ដើៗ ដូច្នេះនេះជាឱកាសរបស់វៀតណាម ក្នុងការនាំចេញអង្កររបស់ខ្លួន ។
នៅក្នុងបទសម្ភាសន៍មួយជាមួយ Zingnews និង លោកសាស្ត្រាចារ្យ Vo Tong Xuan អ្នកជំនាញវិភាគ បានឱ្យដឹងថា “បរិបទបច្ចុប្បន្នបង្ហាញថា ការផ្គត់ផ្គង់ស្បៀងរបស់ពិភពលោកនឹងកាន់តែខ្វះខាតខ្លាំងឡើងៗ។ ជាក់ស្ដែង ឥណ្ឌាមិនបាននាំចេញអង្ករទៀតទេ ហើយប្រទេសថៃក៏បានកាត់បន្ថយបរិមាណអង្ករនាំចេញទៅក្រៅប្រទេសផងដែរ។ ទន្ទឹមនឹងនោះ ចិនតែងតែខ្វះអង្ករដូចប្រទេសមួយចំនួនទៀតដូចជា ហ្វីលីពីន ឥណ្ឌូណេស៊ី ទួរគី ឈីលី… សុទ្ធតែប្រជែងគ្នាទិញអង្ករពីវៀតណាម។ លើសពីនេះ ដោយសារបណ្តាប្រទេសនៅអាស៊ីបានរងផលប៉ះពាល់ដោយ El Nino (បាតុភូតអាកាសធាតុប្រែប្រួលមិនទៀងទាត់រយៈពេលខ្លី) និងការប្រែប្រួលអាកាសធាតុ ទើបនាំឱ្យមានការកាត់បន្ថយផលិតកម្មស្រូវ”។
![](https://www.kampucheathmey.com/wp-content/uploads/2024/02/gia_gao_xuat_khau_dat_ky_luc_du_kien_tiep_tuc_duy_tri_o_muc_cao_thoi_gian_toi_22401126.webp)
លោកសាស្ត្រាចារ្យ Vo Tong Xuan បានមានប្រសាសន៍ទៀតថា តំបន់ដែលនៅជាប់នឹងប្រទេសកម្ពុជា រួមមានភាគខាងជើងនៃខេត្ត Kien Giang, ខេត្ត An Giang, ខេត្ត Dong Thap, ខេត្ត Long An… អាចបង្កបង្កើនផលស្រូវប្រមាណ ១,៥ លានហិកតា និងមិនដែលខ្វះប្រភពទឹកឡើយ ដូច្នេះអាចចាត់ទុកថាទាំងនោះជាតំបន់សន្តិសុខស្បៀងរបស់ប្រទេសវៀតណាម។
លោកបន្តថា ក្នុងរយៈពេលប៉ុន្មានឆ្នាំចុងក្រោយនេះ វៀតណាមបានបន្ថែមពូជស្រូវដ៏ឈ្ងុយឆ្ងាញ់ ព្រមជាមួយគុណភាពកាន់តែប្រសើរ ដូច្នេះអាចធានាបានទាំងស្រុងអំពីការប្រកួតប្រជែង។ តាមរយៈគុណសម្បត្តិខាងលើ លោកសាស្ត្រាចារ្យ Vo Tong Xuan បានសង្កត់ធ្ងន់ថា នេះជាឱកាសដ៏កម្រមួយក្នុងការលើកកម្ពស់អង្ករវៀតណាមទូទាំងពិភពលោក ដែលមិនអាចមើលរំលងបានឡើយ ៕
ប្រែសម្រួលដោយ៖ ប៉ោ កុសល
-
សេដ្ឋកិច្ច៧ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៧ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៦ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានអន្ដរជាតិ២ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ