ព័ត៌មានអន្ដរជាតិ
អាមេរិក បញ្ជូននាវាយោធា ជាមួយទ័ព១០០០នាក់ទៅហ្គាហ្សា ដើម្បីសង់ផែ
តាមសេចក្តីរាយការណ៍របស់ Reuters កាលពីថ្ងៃអាទិត្យទី១០ខែមីនា, នាវាយោធាអាមេរិកមួយគ្រឿង កំពុងធ្វើដំណើរឆ្ពោះទៅកាន់តំបន់មជ្ឈិមបូព៌ា ដោយដឹកសម្ភារនានាដើម្បីសាងសង់ផែបណ្ដោះអាសន្ននៅឆ្នេរសមុទ្រហ្គាហ្សា។
នាវាគាំទ្រឈ្មោះ General Frank S Besson បានចេញដំណើរពីមូលដ្ឋានយោធាក្នុងរដ្ឋ Virginia កាលពីថ្ងៃសៅរ៍ ហើយរឿងនេះកើតឡើង បន្ទាប់ពីលោកប្រធានាធិបតី ចូ បៃដិន និយាយថា សហរដ្ឋអាមេរិកនឹងសង់ផែបណ្តែតទឹកដើម្បីជួយទទួលជំនួយទៅកាន់តំបន់ហ្គាហ្សាតាមសមុទ្រ។
តាមការបញ្ជាក់ពីមន្ទីរបញ្ចកោណ ការសាងសង់ផែ ដោយមានជំនួយពីទាហាន១០០០នាក់ អាចចំណាយពេលដល់ទៅ៦០ថ្ងៃឯណោះ។
ស្របពេលជាមួយគ្នានោះដែរ អង្គការសហប្រជាជាតិព្រមានថា គ្រោះទុរ្ភិក្សនៅតំបន់ហ្គាហ្សាស្ទ្រីប ប្រហែលចៀសមិនរួចឡើយ ខណៈកុមារកំពុងស្រែកឃ្លានសឹងតែដាច់ពោះស្លាប់ទៅហើយ។
តាមពិតទៅ ដំបូងឡើយសហរដ្ឋអាមេរិកនិងហ្ស៊កដានី បានទម្លាក់ជំនួយពីអាកាសទេ ពោលគឺកាលពីថ្ងៃអាទិត្យ ភាគីទាំងពីរបានទម្លាក់ស្បៀងតាមឆ័ត្រយោងចំនួន១១ ៥០០ដែលរួមមានអង្ករ ម្សៅ ប៉ាស្តា និងអាហារកំប៉ុង ប៉ុន្តែមើលឃើញថា ការផ្តល់ជំនួយតាមផ្លូវគោក និងអាកាសពិតជាលំបាកនិងគ្រោះថ្នាក់។
តួយ៉ាង កម្មវិធីស្បៀងអាហារពិភពលោក ត្រូវផ្អាកការដឹកជញ្ជូនជើងគោក បន្ទាប់ពីក្បួនរថយន្តរបស់ខ្លួន រងការបាញ់ប្រហារ និងការលួចប្លន់ ហើយកាលពីថ្ងៃសុក្រ មានសេចក្តីរាយការណ៍ថា មនុស្ស៥នាក់ ត្រូវបានសម្លាប់ដោយសារកញ្ចប់ជំនួយធ្លាក់ចំ ព្រោះឆ័ត្រយោងទម្លាក់មកខុសបច្ចេកទេស។
សូមរម្លឹកឡើងវិញបន្តិច យោធាអ៊ីស្រាអែល បានចាប់ផ្តើមយុទ្ធនាការផ្លូវអាកាសនិងជើងគោកនៅតំបន់ហ្គាហ្សាស្ទ្រីប បន្ទាប់ពីក្រុមហាម៉ាសលុកលុយចូលដីអ៊ីស្រាអែល កាលពីថ្ងៃទី៧ខែតុលា ដោយក្នុងនោះ មនុស្សប្រហែល១២០០នាក់ត្រូវបានសម្លាប់ និង២៥៣នាក់ផ្សេងទៀត ត្រូវចាប់ជាចំណាប់ខ្មាំង។
ដោយឡែក ក្រសួងសុខាភិបាលប៉ាឡេស្ទីនដែលគ្រប់គ្រងដោយក្រុម ហាម៉ាស អះអាងថា មនុស្សជាង ៣០ ៩០០ នាក់ត្រូវបានសម្លាប់នៅតំបន់ ហ្គាហ្សា ចាប់តាំងពីពេលនោះមក។
មិនត្រឹមប៉ុណ្ណឹង ជម្លោះនេះ បង្កើតជាវិបត្តិមនុស្សធម៌កាន់តែខ្លាំងឡើងៗ ហើយអង្គការសហប្រជាជាតិព្រមានថា មនុស្សយ៉ាងតិច៥៧៦ ០០០នាក់នៅទូទាំងតំបន់ហ្គាហ្សាស្ទ្រីប ពោលគឺស្មើនឹងមួយភាគបួននៃពលរដ្ឋសរុប កំពុងប្រឈមមុខនឹងគ្រោះមហន្តរាយដល់កម្រិតអសន្តិសុខស្បៀងអាហារ៕
អត្ថបទ៖ សុខ សុវណ្ណ
ចុចអាន៖ អាមេរិក ដាក់ផែនការផ្ដល់ជំនួយមនុស្សធម៌មួយច្រកទៀតឲ្យពលរដ្ឋនៅ ហ្គាហ្សា បន្ថែមលើការទម្លាក់ពីអាកាស
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ