KPT+

ការពិត ១២ រឿង អំពីកប៉ាល់ទីតានិច ដែលជាអាថ៌កំបាំងមិនបង្ហាញក្នុងភាពយន្ត

បានផុស

៤ years មុន

នៅ

ថ្ងៃពុធ ២៤ សីហា ២០២២

ដោយ

កប៉ាល់ទីតានិច ជារឿងល្បីទូទាំងពិភពលោក ដកស្រង់ចេញពីព្រឹត្តិការណ៍ពិតៗ ដែលបានឆក់យកជីវិតមនុស្សជាង ១,៥០០នាក់នៅថ្ងៃទៅ១៥ ខែមេសា ឆ្នាំ១៩១២។ ក្រៅពីហេតុការណ៍ក្នុងរឿងដែលយើងទស្សនាកន្លងមក នៅមានរឿងពិតផ្សេងៗទៀត ១២រឿង អំពីកាប៉ាល់យក្សនោះដូចជា៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. កប៉ាល់ទីតានិចដុតធ្យូងមួយថ្ងៃ ៨២៥តោន។

២. គេសង់កប៉ាល់នេះអស់ប្រាក់ ៧,៥លានដុល្លារ មានតម្លៃប្រហែល ១៨៣,៤លានដុល្លារនាពេលបច្ចុប្បន្ន។

៣. មានកម្មករពីរនាក់បាត់បង់ជីវិត អំឡុងពេលសាងសង់កប៉ាល់ដោយសារគ្រោះថ្នាក់ក្នុងកន្លែងសំណង់។

៤. កប៉ាល់ទីតានិចចំណាយពេល ១ឆ្នាំ ២ខែ ដើម្បីសាងសង់។

៥. ការពិតទៅកប៉ាល់យក្សនេះ អាចផ្ទុកទូកសង្គ្រោះបាន ៦៤គ្រឿង ប៉ុន្តែគេយកទៅតែ ២០គ្រឿងតែប៉ុណ្ណោះ។

៦. មានបងប្អូនប្រុសពីរនាក់ជៀសផុតគ្រោះថ្នាក់ដោយគ្មានឪពុកម្ដាយមកជាមួយ ពួកគេឈ្មោះថា Edmond និងMichel Navratil។ ឪពុកអ្នកទាំងពីរលួចយកពួកគេពីម្ដាយទៅនៅអាមេរិកជុំគ្នាបីអ្នក គេឃើញគាត់ចុងក្រោយគឺពេលគាត់យកកូនដាក់ក្នុងទូកសង្គ្រោះ។

៧. ក្នុងកប៉ាល់មាន ស្រាបៀរ ២ម៉ឺនដប ស្រា ១,៥០០ដប និងស៊ីហ្គែរ ៨ពាន់ដើមសម្រាប់តែពួកអភិជនប៉ុណ្ណោះ។

៨. John Jacob Astor ទី៤ គឺជាអ្នកមានបំផុតនៅលើកប៉ាល់ទីតានិច។

៩. ទូកសង្គ្រោះដំបូងផ្ទុកមនុស្ស ២៨នាក់ ទាំងដែលផ្ទុកបានដល់ទៅ ៦៥នាក់ឯណោះ។

១០. មានប្ដីប្រពន្ធ ១៣គូ នៅលើនោះដើម្បីក្រេបទឹកឃ្មុំ។

១១. កប៉ាល់ទីតានិចចំណាយពេល ២ម៉ោង ៤០នាទីទើបលិចផុត។

១២. ឆ្កែពីរក្បាលត្រូវគេជួយសង្គ្រោះ។

ជាក់ស្ដែង ជីវិតមនុស្សពាក់កណ្ដាលក្នុងចំណោមអ្នកស្លាប់ទាំងប៉ុន្មាន អាចនឹងជួយសង្គ្រោះបាន បើសិនជាមិនមានការបែងចែកវណ្ណៈ ព្រោះទូកនីមួយៗសុទ្ធតែសល់កន្លែងអង្គុយមិនចង្អៀត ដូចយើងឃើញក្នុងរឿងនោះទេ៕

ប្រែសម្រួល៖ វារី

ចុចអាន៖ចំណុចពិសេស ៨ យ៉ាង ពីសត្វសេះសមុទ្រស្មោះស្នេហ៍