Connect with us

ព័ត៌មានអន្ដរជាតិ

ថៃ កំពុងប្រារព្ធពិធីបុណ្យសង្ក្រាន្តចូលឆ្នាំថ្មីក្រោមមេឃក្ដៅចង់ខ្លោច

បានផុស

នៅ

ប្រជាពលរដ្ឋថៃកំពុងសប្បាយអបអរជាមួយនឹងការប្រារព្ធពិធីបុណ្យសង្ក្រាន្តចូលឆ្នាំថ្មីនៅក្រោមអាកាសធាតុដ៏ក្ដៅចង់ខ្លោចរហូតដល់ ៤១ អង្សាសេ ខណៈរលកកម្ដៅនេះទៀតសោតនឹងអូសបន្លាយពេលហូតដល់ថ្ងៃចន្ទសប្ដាហ៍ក្រោយឯណោះ ។ នេះបើយោងតាមការចុះផ្សាយដោយកាសែត Bangkok Post នៅថ្ងៃទី១៣ ខែមេសានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Surajit Jit-areerat មកពីនាយកដ្ឋានឧតុនិយមបាននិយាយនៅថ្ងៃសៅរ៍នេះថា លក្ខខណ្ឌអាកាសធាតុក្តៅនឹងបន្តរហូតដល់សប្តាហ៍ក្រោយ ជាពិសេសថ្ងៃចុងក្រោយនៃពិធីបុណ្យសង្ក្រាន្តចូលឆ្នាំថ្មីអាចក្ដៅបែកផ្សែង បន្ទាប់ពីផ្នែកជាច្រើនរបស់ប្រទេសបានជួបព្យុះរដូវក្តៅកាលពីពេលថ្មីៗនេះ ។

ស្របពេលជាមួយគ្នានេះ នាយកដ្ឋានកំពុងរំពឹងថា សីតុណ្ហភាពនៅក្នុងទីតាំងមួយចំនួន រួមទាំងរាជធានីបាងកកផងដែរនោះ អាចកើនឡើងដល់ ៤១ អង្សាសេ ឬក៏លើសនេះក្នុងអំឡុងបុណ្យចូលឆ្នាំថ្មីនេះ ហើយនាយកដ្ឋានថែមទាំងបានព្រមានប្រជាជនកុំឲ្យនៅខាងក្រៅយូរពេក ។

មែនទែនទៅ ថ្ងៃ​សង្ក្រាន្តចូល​ឆ្នាំថ្មីគឺចំ​ថ្ងៃ​សៅរ៍ ទី១៣ ខែមេសានេះ ប៉ុន្តែ​ខេត្ត​មួយ​ចំនួន​រួម​ទាំង​ទីក្រុង Hat Yai បាន​ចាប់​ផ្តើម​លេងបាញ់​ទឹក​រួចទៅ​ហើយតាំងតែពី​យប់​ថ្ងៃ​ព្រហស្បតិ៍មកម្ល៉េះ ខណៈក្រសួងទេសចរណ៍ និងកីឡាបានចាប់ផ្តើមពិធីលេងបាញ់ទឹកទ្រង់ទ្រាយធំនៅទីក្រុងបាងកកកាលពីពាកកណ្ដាលសប្ដាហ៍កន្លងទៅ ហើយនឹងបន្តរហូតដល់ថ្ងៃចន្ទ ទី១៥ ខែមេសា ។

គួរបញ្ជាក់ថា ថៃនឹងរៀបចំពិធីបុណ្យសង្ក្រាន្តចូលឆ្នាំថ្មីជាប្រពៃណីរយៈពេល ៣ ថ្ងៃ ពោលពីថ្ងៃទី១៣ ដល់ថ្ងៃទី១៥ ខែមេសា ប៉ុន្តែប្រទេសនេះនឹងប្រព្រឹត្តជាលក្ខណៈសង្រ្កាន្តពិភពលោកនៅទូទាំងប្រទេសរយៈពេល ២១ ថ្ងៃឯណោះ រាប់ចាប់ពីថ្ងៃទី១ ដល់ថ្ងៃទី២១ ខែមេសា ក្នុងគោលបំណងស្ដារមុខមាត់វិស័យទេសចរណ៍ ខណៈត្រឹម ៣ ខែដំបូងនៃឆ្នាំ ២០២៤ នេះ ថៃទាក់ចិត្តភ្ញៀវទេសចរបរទេសចំនួន ៩.៤ លាននាក់កើបចំណូលបាន ៤៥៤.៦ ពាន់លានបាត ប្រមាណ ១២.៤ ពាន់លានដុល្លារអាមេរិក ៕

ដោយ ៖ សុខ ជីវ័ន្ត

ចុចអាន ៖ ស្វាមីរបស់អតីតសេដ្ឋិនី វៀតណាម ដែលរងទោសប្រហារជីវិត ក៏មិនរួចខ្លួនដែរ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ នាទី មុន

នៅ​ថ្ងៃ​ស្អែក​នេះ ​ក្រសួង​ការងារ​​​ និង​ស្ថានទូត​ រួម​ទាំង​ភាគី​ពាក់ព័ន្ធ​នឹង​រៀប​ចំ​សង្ក្រាន្ត​ឆ្នាំ​ថ្មី​ជូន​ពលករ​កម្ពុជា​នៅ​ប្រទេស​ថៃ​ដែល​មិន​បាន​វិល​មក​ស្រុក​កំណើត

ព័ត៌មានជាតិ២០ នាទី មុន

កម្លាំង​សមត្ថកិច្ច​ចម្រុះ​ជាង​២០០០​នាក់ ​បាន​ដាក់​​ពង្រាយ​ការពារ​ក្នុង​ភូមិសាស្ត្រ​ខេត្តសៀមរាប ក្នុង​ឱកាស​ពិធីបុណ្យចូលឆ្នាំថ្មី

ព័ត៌មានអន្ដរជាតិ៣ ម៉ោង មុន

ការប្រែលប្រួលអាកាសធាតុនាំឲ្យមនុស្សជាងកន្លះលាននាក់លើលោកដាច់សរសៃឈាមខួរក្បាលស្លាប់ក្នុងមួយឆ្នាំ

ព័ត៌មានអន្ដរជាតិ៣ ម៉ោង មុន

ថៃ កំពុងប្រារព្ធពិធីបុណ្យសង្ក្រាន្តចូលឆ្នាំថ្មីក្រោមមេឃក្ដៅចង់ខ្លោច

ព័ត៌មានអន្ដរជាតិ៤ ម៉ោង មុន

ស្វាមីរបស់អតីតសេដ្ឋិនី វៀតណាម ដែលរងទោសប្រហារជីវិត ក៏មិនរួចខ្លួនដែរ

Sokha Hotels

ព័ត៌មានពេញនិយម