ព័ត៌មានអន្ដរជាតិ
ភ្នំភ្លើងនៅអង់តាក់ទិក ព្រួសចេញមាស រាល់ថ្ងៃ
គ្រប់គ្នាធ្លាប់និយាយថា លុយមិនមែនធ្លាក់ពីលើមេឃទេ តែសម្រាប់នៅតំបន់អង់តាក់ទិកវិញ គឺមានមាសធ្លាក់ពីលើមេឃ។ នោះគឺភ្នំភ្លើង Erebus នៅលើកោះ Ross ដែលព្រួសចេញកម្ទេចមាសរាល់ថ្ងៃ គួរឲ្យភ្ញាក់ផ្អើល។
![](https://www.kampucheathmey.com/wp-content/uploads/2024/04/image-1356-1024x630.png)
តាមសេចក្តីរាយការណ៍របស់គេហទំព័រវិទ្យាសាស្រ្ត IFL Science, ភ្នំភ្លើងខ្ពស់ជាងគេនៅអង់តាក់ទិកមួយនេះ គឺស្ថិតក្នុងចំណោមភ្នំភ្លើងដ៏សកម្មបំផុត និងស្ថិតនៅចុងភាគខាងត្បូងនៃភពផែនដី ហើយត្រូវគេប៉ាន់ប្រមាណថា មួយថ្ងៃភ្នំនេះព្រួសចេញមាសប្រហែល៨០ក្រាម ពោលគឺមានតម្លៃជាង៦ ០០០ដុល្លារ។
លោក Philip Kyle អ្នកស្រាវជ្រាវនៅវិទ្យាស្ថាន New Mexico Institute of Mining and Technology ក្នុងទីក្រុង Socorro សហរដ្ឋអាមេរិក បានពន្យល់ថា មាសអាចមានប្រភពមកពីថ្មភ្នំភ្លើង ព្រោះនៅពេលកម្អែភ្នំភ្លើងឈានដល់កម្ពស់ ៣ ៧៩៤ម៉ែត្រ វាបានបញ្ចេញឧស្ម័នក្តៅ ដោយព្រួសកម្ទេចមាសចូលទៅក្នុងអាកាស។
![](https://www.kampucheathmey.com/wp-content/uploads/2024/04/image-1357.png)
ដោយឡែក បើយោងតាមអង្គការណាសា, ភ្នំភ្លើងនេះ គឺស្ថិតនៅពីលើសម្បកស្តើងនៃផែនដី ទើបបណ្តាលឲ្យថ្មរលាយ ចេញពីខាងក្នុងផែនដីបានយ៉ាងងាយ ហើយភាយចេញលោហធាតុបែបនេះតែម្តង។
ក្រុមអ្នកវិទ្យាសាស្ត្ររកឃើញថា មាសដែលព្រួសចេញនោះ គឺមានលាយឡំជាមួយឧស្ម័ននិងលោហធាតុផ្សេងៗទៀត ហើយពេលព្រួសចេញ កម្ទេចមាសនឹងហើរតាមខ្យល់ចេញឆ្ងាយពីភ្នំភ្លើងក្នុងចម្ងាយដល់ទៅជិត ១ ០០០គីឡូម៉ែត្រឯណោះ។
![](https://www.kampucheathmey.com/wp-content/uploads/2024/04/image-1358-1024x659.png)
ទោះបីជាយ៉ាងណាក៏ដោយ ដោយសារតែចម្ងាយរបស់វានៅឆ្ងាយពេក ទើបក្រុមអ្នកវិទ្យាសាស្រ្តពិបាកនឹងទៅដល់ ដូច្នេះត្រូវប្រើផ្កាយរណបដើម្បីសិក្សា ម្យ៉ាងវិញទៀតអ្នកជំនាញរកឃើញថា តាមពិតទៅភ្នំភ្លើងនេះ បញ្ចេញសកម្មភាពតាំងតែពីឆ្នាំ១៩៧២មកម្ល៉េះ៕
អត្ថបទ៖ សុខ សុវណ្ណ
ចុចអាន៖ មិនគួរឲ្យជឿ! រកឃើញ ភ្នំភ្លើងដ៏ធំមហិមា សំងំលាក់ខ្លួនលើភពអង្គារ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ៨ ម៉ោង ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ៦ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ២២ ម៉ោង ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ៥ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៧ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ២ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ
-
ព័ត៌មានជាតិ៦ ថ្ងៃ ago
រយៈពេល៣៥ថ្ងៃ សាលាដំបូងរាជធានីខេត្ត ទទួលបានសំណុំរឿង ក្មេងទំនើងចំនួន ២៤៤ករណី