ព័ត៌មានអន្ដរជាតិ
កូរ៉េខាងជើង ធ្វើសមយុទ្ធវាយបកនុយក្លេអ៊ែរ ដើម្បីប្រុងប្រៀបខ្លួនឲ្យហើយ
ដោយមើលទៅស្ថានការណ៍ហាក់មិនសូវស្រួល ប្រទេសកូរ៉េខាងជើង បានប្រុងប្រៀបខ្លួន ដោយរៀបចំសមយុទ្ធវាយបកនុយក្លេអ៊ែរ ហើយអ្វីដែលគួរឲ្យចាប់អារម្មណ៍គឺថា សមយុទ្ធនេះទៀតសោត ត្រូវបានលោក គីម ជុងអ៊ុន ចុះទៅត្រួតពិនិត្យដោយផ្ទាល់ទៀតផង។
តាមការចុះផ្សាយរបស់ KCNA, សមយុទ្ធនេះ ធ្វើឡើងកាលពីថ្ងៃចន្ទទី២២ខែមេសា ខណៈមុននេះ យោធាកូរ៉េខាងត្បូង ក៏បានរាយការណ៍ផងដែរថា កូរ៉េខាងជើង បានបាញ់ចេញនូវមីស៊ីលបាលីស្ទិករយៈចម្ងាយខ្លីប៉ុន្មានគ្រាប់ បង្កការភ្ញាក់ផ្អើល។
របាយការណ៍ដដែលបន្តថា លោក គីម បានដឹកនាំសមយុទ្ធយុទ្ធសាស្ត្រ ដែលអនុវត្តការវាយប្រហារនុយក្លេអ៊ែរបកទៅវិញ និងការបាញ់រ៉ុកកែតទំនើបៗជាច្រើនប្រភេទ។ ក្នុងសមយុទ្ធនោះ គ្រាប់រ៉ុកកែត បានវាយប្រហារចំគោលដៅ នៅលើកោះមួយមានចម្ងាយប្រហែល៣៥២គីឡូម៉ែត្រ ធ្វើឲ្យលោកគីម ពេញចិត្តស្តូក ញញឹមបិទមាត់មិនជិត។
សមយុទ្ធនេះកើតឡើងមិនយូរប៉ុន្មាន បន្ទាប់ពីលោក គីម ប្រកាសក្តែងៗថា ស្ថានភាពភូមិសាស្ត្រនយោបាយដ៏តានតឹងនៅជុំវិញប្រទេសរបស់លោក គឺមានន័យថា ឥឡូវដល់ពេលដែលត្រូវត្រៀមខ្លួនសម្រាប់ច្បាំងសង្គ្រាមមែនទែនហើយ។
ក្នុងអំឡុងពេលចុះទៅពិនិត្យសកលវិទ្យាល័យយោធានិងនយោបាយគីមជុងអ៊ីល លោក គីម បានប្រាប់បុគ្គលិកនិងនិស្សិតសាកលវិទ្យាល័យថា “ប្រសិនបើសត្រូវរើសយកការប្រឈមមុខដាក់គ្នាខាងយោធាជាមួយកូរ៉េខាងជើង នោះកូរ៉េខាងជើងនឹងធ្វើការវាយប្រហារសម្លាប់សត្រូវតាមគ្រប់មធ្យោបាយ ដោយមិនស្ទាក់ស្ទើរឡើយ”។
ស្របពេលជាមួយគ្នានោះដែរ ដោយគូសបញ្ជាក់ស្ថានការណ៍អន្តរជាតិដ៏ស្មុគស្មាញ ព្រមទាំងស្ថានភាពយោធានិងនយោបាយមិនប្រាកដប្រជា ជុំវិញប្រទេសកូរ៉េខាងជើង, លោក គីម គូសបញ្ជាក់ថា ឥឡូវនេះ គឺជាពេលវេលាដែលត្រូវរៀបចំឲ្យបានហ្មត់ចត់ជាងមុនសម្រាប់សង្រ្គាម។
សូមបញ្ជាក់ថា ប៉ុន្មានឆ្នាំមកនេះ គេដឹងថា កូរ៉េខាងជើងបានបង្កើនការអភិវឌ្ឍអាវុធខ្លាំងមែនទែន ក្រោមការដឹកនាំរបស់លោកគីម ហើយថែមទាំងពង្រឹងទំនាក់ទំនងយោធានិងនយោបាយ កាន់តែជិតស្និទ្ធជាមួយរុស្ស៊ីផងដែរ ខណៈមានការសង្ស័យថា ទីក្រុងព្យុងយ៉ាង កំពុងជួយទីក្រុងមូស្គូក្នុងសង្គ្រាមជាមួយអ៊ុយក្រែន ជាថ្នូរនឹងជំនួយសម្រាប់គម្រោងយោធាជាយុទ្ធសាស្ត្ររបស់ខ្លួន៕
អត្ថបទ៖ សុខ សុវណ្ណ
ចុចអាន៖ កូរ៉េខាងជើងបាញ់ផ្លោងមីស៊ីលរយៈចម្ងាយជិតចូលចន្លោះឧបទ្វីបកូរ៉េ និងជប៉ុន
-
ចរាចរណ៍៦ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ៥ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ៦ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
ព័ត៌មានជាតិ១ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
សន្តិសុខសង្គម៤ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានអន្ដរជាតិ៥ ថ្ងៃ ago
ក្រុមហ៊ុន Toyota នៅ ជប៉ុន ប្រមូលរថយន្ត Prius ជុំវិញពិភពលោក ចាប់ពីសេរ៊ីឆ្នាំ ២០២២ ឡើងទៅចូលរោងចក្រវិញ
-
សន្តិសុខសង្គម៥ ថ្ងៃ ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ
-
សេចក្ដីជូនដំណឹង២០ ម៉ោង ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ