ព័ត៌មានអន្ដរជាតិ

គូស្នេហ៍មហាសេដ្ឋីឥណ្ឌា លះបង់ទ្រព្យសម្បត្តិ ដើម្បី បួសជាព្រះសង្ឃ

បានផុស

២ years មុន

នៅ

ថ្ងៃព្រហស្បតិ៍ ២៥ មេសា ២០២៤

ដោយ

អតីតមហាសេដ្ឋីអចលនទ្រព្យឥណ្ឌាលោក Bhavesh Bhandari និងភរិយា Jinal Bhandari បានលះបង់ទ្រព្យសម្បត្តិ ១៩ លានផោន (២៣.៦ លានដុល្លារអាមេរិក) ដើម្បីចិញ្ចឹមជីវិតរបស់ព្រះសង្ឃ Jain ព្រមទាំងចង់ក្លាយជាព្រះសង្ឃផងដែរ។

កាសែត The Mirror រាយការណ៍ថា នៅដើមខែនេះ នៅក្នុងរដ្ឋកំណើតរបស់ពួកគេគឺរដ្ឋ Gujarat ប្ដីប្រពន្ធ Bhavesh និង Jinal បានរៀបចំពិធីមួយដែលពួកគេបានលះបង់ទ្រព្យសម្បត្តិទាំងអស់ ដោយចែកចាយទៅកាន់ហ្វូងមនុស្សពីលើរទេះសេះ។ របស់របរដែលប្តីប្រពន្ធបានចែកនោះ រួមមានសម្លៀកបំពាក់ ទូរស័ព្ទដៃ ម៉ាស៊ីនត្រជាក់ និងលុយកាក់ផ្សេងៗទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីបើយ៉ាងណាក៏ដោយ ក្រោយមានមានការជំរុញទឹកចិត្តដោយកូនៗរបស់ពួកគេ ម្នាក់មានអាយុ១៩ ឆ្នាំ និង ១៦ ឆ្នាំ ដែលបានចូលបួសចាប់តាំងពីឆ្នាំ ២០២២ ឥឡូវនេះ Bhavesh និង Jinal កំពុងរៀបចំខ្លួនដើម្បីចាប់ផ្តើមជីវិតថ្មីរបស់ពួកគេក្នុងនាមជាព្រះសង្ឃ Jain ដូចគ្នា។

លោក Bhavesh បានសម្តែងថា ការសុំឪពុកម្តាយរបស់គាត់ឲ្យអនុញ្ញាតគាត់ចូលបួសព្រះសង្ឃគឺជាការពិបាក។ យ៉ាងណាក៏ដោយ គាត់នៅតែប្រកាន់ខ្ជាប់ដោយជឿថា នេះជាផ្លូវដ៏ត្រឹមត្រូវសម្រាប់ការរស់នៅ។ ក្នុងនោះផងដែរ លោកបាននិយាយថា “ខ្ញុំបានរស់នៅយ៉ាងឡូយឆាយ ហើយមិនជួបការលំបាក សូម្បីតែនៅក្នុងអាជីវកម្មរបស់ខ្ញុំ។ ខ្ញុំសប្បាយចិត្តនឹងការសម្រេចចិត្ត” ។

ដោយឡែក យោងតាមគេហទំព័រ The Sun បានបញ្ចាក់ដែរថា ជីវិតរបស់ព្រះសង្ឃ Jain ត្រូវបានកំណត់ដោយការដើរដោយជើងទទេរ កាន់តែចាន អំបោស និងសម្លៀកបំពាក់ពីរ ហើយបរិភោគតែអាហារពីប្រភពសប្បុរស។ ជាពិសេសត្រូវបានគេមើលឃើញថា ជាមនុស្សស្លូតបូតនិងមិនហិង្សាបំផុតក្នុងប្រទេសឥណ្ឌាឡើយ៕