ព័ត៌មានអន្ដរជាតិ
នាយកដ្ឋានឧតុនិយម ថៃ ចេញការព្យាករណ៍សីតុណ្ហភាពក្ដៅចង់ខ្លោច ពិសេសនៅទីក្រុងបាងកក
នាយកដ្ឋានឧតុនិយមថៃបានចេញការព្យាករណ៍ពីអាកាសធាតុក្ដៅចង់ខ្លោចសម្រាប់តំបន់នៅប៉ែកខាងជើង ឦសាន វាលទំនាបកណ្ដាល និងប៉ែកខាងកើត ចាប់ពីថ្ងៃចន្ទដល់ថ្ងៃអាទិត្យសប្ដាហ៍ក្រោយ ពោលសីតុណ្ហភាពនៅតំបន់មួយចំនួនអាចនឹងឡើងដល់កម្រិតកំពូល ៤៣ អង្សាសេ ។ នេះបើយោងតាមការចេញផ្សាយដោយកាសែត Bangkok Post នៅថ្ងៃទី២៨ ខែមេសា ។
នាយកដ្ឋានអាកាសមួយនេះបានលើកឡើងទៀតថា សីតុណ្ហភាពអាចឡើងលើស ៤៣ អង្សាសេនៅតំបន់ប៉ែកខាងជើង និង ៤២ អង្សាសេនៅភាគឦសាន និងប៉ែកខាងកើត ខណៈនៅថ្ងៃចន្ទសីតុណ្ហភាពក្នុងតំបន់ភាគខាងត្បូងអាចនឹងឡើងដល់ ៤០ អង្សាសេ ប៉ុន្តែក៏អាចមានភ្លៀងធ្លាក់ខ្លាំងផងដែរនៅពេលល្ងាច ។
ទន្ទឹមនោះ វិទ្យាស្ថានស្រាវជ្រាវតារាសាស្ត្រជាតិនៃប្រទេសថៃក៏បានបញ្ជាក់ផងដែរថា ព្រះអាទិត្យនឹងបើកថ្ងៃចំពីលើទីក្រុងបាងកកតែម្ដង ចាប់ពីថ្ងៃចន្ទ ទី២៩ ខែមេសានេះ ហើយសីតុណ្ហភាពនៅក្នុងទីក្រុងអាចហក់ឡើងដល់កម្រិត ៤២ អង្សាសេ ប៉ុន្តែវាអាចលែងព្រួសកម្ដៅរហូតដល់យប់ថ្ងៃសុក្រ ទី៣ ខែឧសភា ។
ពាក់ព័ន្ធនឹងអាកាសធាតុក្ដៅបែកផ្សែងនេះដែរ នាយកដ្ឋានឧតុនិយមថៃក៏បានចេញព្រមានទៅដល់ប្រជាពលរដ្ឋឲ្យផ្អាកចេញធ្វើសកម្មភាពនៅក្រោមកម្ដៅថ្ងៃក្ដៅខ្លាំង ហើយថែមទាំងបានណែនាំឲ្យពលរដ្ឋទទួលទានទឹកយ៉ាងតិច ២ កែវរៀងរាល់ម៉ោង ហើយគួរតែនៅក្នុងផ្ទះ និងស្លៀកសម្លៀកបំពាក់ស្តើងៗ ជាពិសេសសូមប្រញាប់ប្រញាល់ទៅជួបគ្រូពេទ្យផងដែរ ប្រសិនបើមានអារម្មណ៍ថប់ដង្ហើម ឬវិលមុខ ស្របពេលដែលរលកកម្ដៅក៏បានផ្ដាច់យកជីវិតមនុស្សប្រមាណ ៣០ នាក់រួចទៅហើយ ។
គួរបញ្ជាក់ថា កត្តាដែលនាំឲ្យប្រទេសថៃជួបអាកាសធាតុក្ដៅហួតហែងបែបនេះ គឺដោយសារតែឥទ្ធិពល El Nino ដែលបច្ចុប្បន្នក៏កំពុងអុកឡុកនៅពាសពេញពិភពលោកផងដែរ ខណៈបាតុភូតអាកាសធាតុមួយនេះនឹងបង្កឲ្យមានគ្រោះរាំងស្ងួត ភ្លៀងធ្លាក់ខ្លាំង និងទាញសីតុណ្ហភាពឲ្យហក់ឡើងខ្ពស់ក្នុងកម្រិតកំណត់ត្រាថ្មីៗជាដើម ៕
ដោយ ៖ សុខ ជីវ័ន្ត
ចុចអាន ៖ បក្សកុម្មុយនីស្ត វៀតណាម បញ្ជាក់ដើមចមការលាលែងពីតំណែងរបស់ ប្រធានរដ្ឋសភា
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៧ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង១ សប្តាហ៍ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ