ព័ត៌មានអន្ដរជាតិ
ហ្វីលីពីនស្នើដោះដូរគិលានុបដ្ឋាយិកាជាមួយនឹងវ៉ាក់សាំងកូវីដ
នៅក្នុងសំណើមិនធម្មតាមួយ ហ្វីលីពីនកំពុងស្នើឲ្យចក្រភពអង់គ្លេស និងអាល្លឺម៉ង់ផ្តល់វ៉ាក់សាំងការពារជំងឺកូវីដ ១៩ រាប់រយរាប់ពាន់ដូស ដោយដោះដូរជាមួយនឹងការបញ្ជូនគិលានុបដ្ឋាយិកាហ្វីលីពីនដែលមានតម្រូវការខ្ពស់នៅទូទាំងពិភពលោកជាបុគ្គលិកជួរមុខក្នុងពេលមានជំងឺរាតត្បាត ។
ក្រសួងសុខាភិបាលអង់គ្លេសបាននិយាយថា ខ្លួនមិនចាប់អារម្មណ៍លើកិច្ចព្រមព្រៀងបែបនេះទេ ហើយអាទិភាពរបស់ខ្លួនគឺត្រូវប្រើការចាក់ក្នុងស្រុក ប៉ុន្តែបាននិយាយថា ខ្លួននឹងចែកចាយវ៉ាក់សាំងលើសកម្រិតជាអន្តរជាតិនាពេលអនាគត ។
ហ្វីលីពីនដែលស្ថិតក្នុងចំណោមប្រទេសមានករណីឆ្លងខ្ពស់បំផុតនៅអាស៊ីបានបន្ធូរបន្ថយបម្រាមមិនឲ្យបញ្ជូនបុគ្គលិកថែទាំសុខភាពរបស់ខ្លួនទៅក្រៅប្រទេស ប៉ុន្តែនៅតែកំណត់ចំនួនអ្នកជំនាញវេជ្ជសាស្ត្រដែលចាកចេញពីប្រទេសនេះដល់ ៥,០០០ នាក់ក្នុងមួយឆ្នាំ ។
ប្រធានការិយាល័យកិច្ចការអន្តរជាតិនៃក្រសួងការងារលោក Alice Visperas បាននិយាយថា ប្រទេសហ្វីលីពីនបានបើកចំហចំពោះការដកបម្រាមនេះជាថ្នូរនឹងវ៉ាក់សាំងពីចក្រភពអង់គ្លេស និងអាល្លឺម៉ង់ដែលខ្លួននឹងប្រើដើម្បីចាក់ពលករក្រៅប្រទេស និងជនភៀសខ្លួនហ្វីលីពីនរាប់សែននាក់ ។
គិលានុប្បដ្ឋាយិកាស្ថិតក្នុងចំណោមប្រជាជនហ្វីលីពីនរាប់លាននាក់ដែលធ្វើការនៅក្រៅប្រទេសដោយផ្តល់ប្រាក់លើសពី ៣០ ពាន់លានដុល្លារអាមេរិកក្នុងមួយឆ្នាំជាការផ្ញើប្រាក់ដែលមានសារៈសំខាន់ដល់សេដ្ឋកិច្ចរបស់ប្រទេស ។
លោក Visperas បានប្រាប់រ៉យទ័រថា “យើងកំពុងពិចារណាលើសំណើដកការបញ្ជូននេះជាមួយការព្រមព្រៀង” ។
ទន្ទឹមនោះសមាគមគិលានុបដ្ឋាយិកាហ្វីលីពីន (PNA) បានសម្តែងការខកចិត្តចំពោះសំណើផ្តល់សេវាគិលានុបដ្ឋាយិការបស់ប្រទេសនេះទៅកាន់ចក្រភពអង់គ្លេស និងអាល្លឺម៉ង់ជាថ្នូរនឹងវ៉ាក់សាំងការពារជំងឺកូវីដ ១៩ ។
សមាគមបានសារភាពថា ខ្លួនកំពុងទទួលបានការលើកលែងពីមន្រ្តីចំពោះការបញ្ជូននេះ ប៉ុន្តែបានចង្អុលបង្ហាញថា វាមិនចាំបាច់ធ្វើឲ្យសេវាកម្មរបស់បុគ្គលិកពេទ្យជាលក្ខខណ្ឌដើម្បីទទួលបានវ៉ាក់សាំងនោះទេ ។
ប្រទេសអង់គ្លេសមានចំនួនអ្នកស្លាប់ដោយសារជំងឺកូវីដ ១៩ ខ្ពស់ជាងគេទី ៥ នៅលើពិភពលោក ខណៈដែលប្រទេសអាឡឺម៉ង់មានអ្នកឆ្លងច្រើនជាងគេលំដាប់ទី ១០ នៅលើពិភពលោក ។
ប្រទេសអង់គ្លេសបាននិយាយថាមានគិលានុបដ្ឋាយិកាចំនួន ១១,០០០ នាក់កំពុងបម្រើការងារនៅក្នុងសេវាសុខភាពជាតិ (NHS) ច្រើនជាងឆ្នាំមុន ។ ប្រទេសនេះបាននិយាយថា ខណៈពេលដែលខ្លួនមានប្រជាជនហ្វីលីពីនចំនួន ៣០,០០០ នាក់ដែលធ្វើការឲ្យ NHS ចក្រភពអង់គ្លេសមិនចាំបាច់ធ្វើពាណិជ្ជកម្មវ៉ាក់សាំងបន្ថែមទៀតនោះទេ ។
ដោយដកស្រង់សម្ដីលោកនាយករដ្ឋមន្ត្រី Boris Johnson អ្នកនាំពាក្យក្រសួងសុខាភិបាលបាននិយាយថា “យើងមិនមានផែនការសម្រាប់ចក្រភពអង់គ្លេសដើម្បីយល់ព្រមលើកិច្ចព្រមព្រៀងវ៉ាក់សាំងជាមួយហ្វីលីពីនដែលជាប់ទាក់ទងនឹងការជ្រើសរើសគិលានុបដ្ឋាយិកាបន្ថែមទៀតទេ” ។
អ្នកនាំពាក្យខាងលើបន្តថា “យើងបានបញ្ជាក់ថា យើងនឹងចែកចាយវ៉ាក់សាំងដែលមានកម្រិតនៅពេលអនាគតក៏ដូចជាតាមរយៈកម្មវិធីវ៉ាក់សាំង COVAX ដែលដឹកនាំដោយ UN” ៕
ប្រែសម្រួលដោយ ៖ ជីវ័ន្ត
ប្រភព ៖ CNN
ចុចអាន ៖ លោក Duterte ឲ្យអាមេរិកបង់ប្រាក់ដើម្បីរក្សាកតិកាសញ្ញាយោធាជាមួយហ្វីលីពីន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ១ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»