ព័ត៌មានអន្ដរជាតិ
ស្លាប់៨នាក់ ក្នុងហេតុការណ៍ចាក់សម្លាប់ដោយកាំបិតនៅចិន
ទូរទស្សន៍រដ្ឋចិន CCTV បានផ្សាយថា មានករណីចាក់សម្លាប់នៅទីក្រុង Xiaogan ខេត្ត Hubei ដែលបណ្ដាលឲ្យមនុស្សចំនួន៨នាក់បានបាត់បង់ជីវិត និងមនុស្សម្នាក់ទៀតរងរបួស។ ហេតុការណ៍ឃាតកម្មនេះ បានប្រព្រឹត្តឡើងកាលពីព្រឹកថ្ងៃទី២៣ ខែឧសភា ឆ្នាំ២០២៤ ដោយបុរសម្នាក់ត្រកូល Lu អាយុ៥៣ឆ្នាំ។
បុរសបង្កគឺជាមនុស្សធ្លាប់ព្យាបាលជំងឺវិកលចរិត។ ប៉ូលិសបានចាប់ឃាត់ខ្លួនជនសង្ស័យ ដើម្បីស៊ើបអង្កេតបន្ត។ ដោយឡែកចំពោះរបួសរបស់ជនរងគ្រោះ មិនបង្កជាគ្រោះថ្នាក់ដល់ជីវិតឡើយ។
នេះគឺជាករណីលើកទី៣ហើយ ដែលមានការចាក់សម្លាប់នៅប្រទេសចិន ក្នុងខែឧសភា ឆ្នាំ២០២៤។ កាលពីថ្ងៃ២០ មានស្ត្រីម្នាក់បានយកកាំបិតចិតផ្លែឈើចាក់សម្លាប់មនុស្ស២នាក់ និងរបួស៤នាក់ ក្នុងបរិវេណបឋមសិក្សាមួយកន្លែងក្នុងខេត្ត Jiangxi។ បន្ថែមពីនេះ នៅថ្ងៃទី៧ ក៏មានករណីចាក់សម្លាប់ដោយបុរសម្នាក់ផងដែរ បណ្ដាលឲ្យមនុស្ស២នាក់បាត់បង់ជីវិត ហើយរបួស២១នាក់ នៅក្នុងមន្ទីរពេទ្យមួយកន្លែងស្ថិតនៅខេត្ត Yunnan៕
ដោយ៖ ឈាង
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ១៦ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន