ព័ត៌មានអន្ដរជាតិ
យន្តហោះ Qatar Airways ជួបហេតុការណ៍ដូច Singapore Airlines របួសមនុស្សច្រើននាក់
មួយសប្តាហ៍ បន្ទាប់ពីយន្តហោះរបស់ក្រុមហ៊ុនអាកាសចរណ៍សិង្ហបុរី ជួបបញ្ហារលាក់ក្រឡុកសម្លាប់អ្នកដំណើរម្នាក់និងរបួសរាប់សិបនាក់ទៀតនោះ ស្រាប់តែកាលពីថ្ងៃអាទិត្យទី២៦ខែឧសភា យន្តហោះ Qatar Airways បានជួបបញ្ហាដូចគ្នានេះ ដោយបណ្តាលឲ្យមនុស្ស១២នាក់រងរបួស។
តាមសេចក្តីរាយការណ៍របស់ Reuters, ជើងហោះហើរ QR017 របស់ក្រុមហ៊ុនអាកាសចរណ៍កាតា កំពុងធ្វើដំណើរចេញពីទីក្រុង ដូហា ឆ្ពោះទៅកាន់ទីក្រុង ឌុយប្លាំង នៃប្រទេស អៀរឡង់ ពេលដែលខ្លួនជួបឧបទ្ទវហេតុ បណ្តាលឲ្យអ្នកដំណើរ៦នាក់ និងបុគ្គលិកអាកាសយានិក ៦នាក់ត្រូវរបួស។
ទោះបីជាយ៉ាងណាក៏ដោយ យន្តហោះប្រភេទ Boeing B787-9 មួយគ្រឿងនេះ បានចុះចតដោយសុវត្ថិភាព ហើយអ្នករបួសទាំងអស់ត្រូវបានបញ្ជូនទៅកាន់មន្ទីរពេទ្យ។
ភ្លាមៗក្រោយកើតរឿង Qatar Airways ក៏បានសុំទោសចំពោះហេតុការណ៍គួរឲ្យសោកស្តាយនេះ និងចេញសេចក្តីថ្លែងការណ៍ ប្រកាសស៊ើបអង្កេត ករណីខាងលើជាបន្ទាន់ផងដែរ។
ឧបទ្ទវហេតុនេះ កើតឡើងបន្ទាប់ពីបុរសជនជាតិអង់គ្លេសម្នាក់បាត់បង់ជីវិត និងមនុស្សរាប់សិបនាក់ រងរបួសធ្ងន់នៅលើជើងហោះហើររបស់ក្រុមហ៊ុនអាកាសចរណ៍សិង្ហបុរី (SIA) ដែលជួបហេតុការណ៍រន្ធត់ដូចគ្នានេះ ហើយត្រូវបង្ខំចិត្តចុះចតបន្ទាន់ក្នុងទីក្រុងបាងកក ប្រទេសថៃ។
តាមការបញ្ជាក់ពីអាជ្ញាធរសុខាភិបាលថៃ កាលពីថ្ងៃព្រហស្បតិ៍សប្តាហ៍មុន, មនុស្សមួយចំនួនមានរបួសឆ្អឹងខ្នង ខួរក្បាល និងលលាដ៍ក្បាល។
សូមបញ្ជាក់ថា ការធ្វើដំណើរតាមផ្លូវអាកាស កម្របង្កឲ្យមនុស្សរងរបួសណាស់ ជាក់ស្តែងនៅសហរដ្ឋអាមេរិក ដែលជាទីផ្សារធ្វើដំណើរតាមផ្លូវអាកាសដ៏ធំបំផុតរបស់ពិភពលោក មានមនុស្សរងរបួសឈានដល់ការបញ្ជូនចូលមន្ទីរពេទ្យត្រឹមតែ១៦៣នាក់ប៉ុណ្ណោះ រាប់ចាប់ពីចន្លោះឆ្នាំ២០០៩ដល់ឆ្នាំ២០២២៕
អត្ថបទ៖ សុខ សុវណ្ណ
ចុចអាន៖ របាយការណ៍រកឃើញថា យន្តហោះ Boeing ៣០០គ្រឿង មានបញ្ហាអាចផ្ទុះឆេះនៅលើអាកាស
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ២ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៦ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ
-
ព័ត៌មានជាតិ១១ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា