Connect with us

ព័ត៌មានអន្ដរជាតិ

កូរ៉េខាងត្បូង ផ្អាកកិច្ចព្រមព្រៀងយោធាជាមួយ កូរ៉េខាងជើងទាំងស្រុង ដោយសាររឿង ប៉េងប៉ោង

បានផុស

នៅ

តាមការចុះផ្សាយរបស់ CNA នៅថ្ងៃអង្គារទី៤ខែមិថុនា, នៅទីបំផុត ប្រធានាធីបតីកូរ៉េខាងត្បូងលោក Yoon Suk Yeol បានសម្រេចចិត្តផ្អាកកិច្ចព្រមព្រៀងយោធាឆ្នាំ២០១៨ ជាមួយប្រទេសកូរ៉េខាងជើងទាំងស្រុងហើយ ដើម្បីឆ្លើយតបទៅនឹងទង្វើរបស់ទីក្រុងព្យុងយ៉ាង ដែលបង្ហោះប៉េងប៉ោងផ្ទុកសំរាមចូលដីកូរ៉េខាងត្បូង កាលពីសប្តាហ៍មុន។

លោក Yoon Suk (រូបថត៖ CNN)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីសម្រេចនេះកើតឡើងមួយថ្ងៃប៉ុណ្ណោះ បន្ទាប់ពីរដ្ឋាភិបាល​ក្រុង​សេអ៊ូល គំរាម​​ផ្អាក​កិច្ច​ព្រមព្រៀង​យោធា ដែល​បាន​ចុះ​ហត្ថលេខា​ជាមួយ​កូរ៉េ​ខាង​ជើង ក្នុង​គោល​បំណង​កាត់​បន្ថយ​ភាព​តានតឹង។

តាមពិតទៅ កិច្ចព្រមព្រៀងនេះ ត្រូវបានចាត់ទុកជាមោឃៈរួចទៅហើយកាលពីឆ្នាំមុន ពេលទីក្រុងសេអ៊ូល បង្ខំចិត្តផ្អាកចំណុចខ្លះ ដើម្បីឆ្លើយតបទៅនឹងការដែលកូរ៉េខាងជើង បាញ់បង្ហោះផ្កាយរណបចារកម្មចូលទៅក្នុងគន្លងអវកាស។

(រូបថត៖ Tasnim News)

មកដល់សប្តាហ៍មុន រដ្ឋាភិបាលទីក្រុងសេអ៊ូល ឲ្យទីក្រុងព្យុងយ៉ាង ឈប់បង្ហោះប៉េងប៉ោងដែលមានភ្ជាប់ជាមួយនូវកន្ទុយបារី លាមកសត្វនិងសំរាមឯទៀត ចូលដីកូរ៉េខាងត្បូង ប៉ុន្តែនិយាយយ៉ាងណាក៏កូរ៉េខាងជើងមិនស្តាប់ដែរ ទើបឈានដល់ថ្នាក់សម្រេចចិត្តបញ្ឈប់កិច្ចព្រមព្រៀងយោធាតែម្តងទៅ។

ទោះបីជាយ៉ាងណាក៏ដោយ បើតាមការបញ្ជាក់ពីកូរ៉េ​ខាង​ជើង, ការ​បង្ហោះ​នេះ គឺ​ជា​ការ​សងសឹក​ចំពោះ​យុទ្ធនាការ​​ឃោសនា​ដោយ​​​ក្រុម​អ្នក​រត់​ចោល​ស្រុក និង​សកម្មជន​កូរ៉េ​ខាង​ត្បូង តាម​រយៈ​ការ​បង្ហោះ​ប៉េងប៉ោង​ចូល​កូរ៉េ​ខាង​ជើង ហើយ​នៅ​លើ​ប៉េងប៉ោងទាំងនោះ ​មាន​ខិត្តប័ណ្ណ​ប្រឆាំង​ក្រុង​ព្យុងយ៉ាង ព្រម​ទាំង​អាហារ ថ្នាំពេទ្យ ប្រាក់ និង​​បន្ទះ USB ផ្ទុក​​ដោយ​ភាពយន្ត និង​វីដេអូ​​ចម្រៀង K-Pop ផងដែរ។

(រូបថត៖ AP)

ពេលដែលកិច្ចព្រមព្រៀងនេះត្រូវបញ្ឈប់ មានន័យថា កូរ៉េខាងត្បូង អាចបន្តធ្វើសមយុទ្ធបាញ់គ្រាប់ពិត និងចាប់ផ្តើមយុទ្ធនាការឃោសនាប្រើគ្រឿងបំពងសំឡេងឮៗនៅតាមព្រំដែនជាមួយភាគខាងជើងវិញបាន។

សូមបញ្ជាក់  ការប្រើប្រាស់គ្រឿងបំពងសំឡេងរបស់កូរ៉េខាងត្បូង ត្រូវគេចាត់ទុកថាជាយុទ្ធសាស្ត្រសង្គ្រាមខាងចិត្តសាស្ត្រមានតាំងពីសង្គ្រាមកូរ៉េឆ្នាំ១៩៥០-៥៣មក ហើយវាជាវិធានការប្រឆាំងនឹងអ្វីដែលទីក្រុងសេអ៊ូល ចាត់ទុកថាជាការបង្កហេតុរបស់កូរ៉េខាងជើងធ្ងន់ធ្ងរ៕

អត្ថបទ៖ សុខ សុវណ្ណ

ចុចអាន៖ កូរ៉េ​ខាង​ត្បូង ត្រៀម​ផ្អាក​កិច្ច​ព្រមព្រៀង​យោធា​ជាមួយ​កូរ៉េ​ខាង​ជើង ព្រោះ​រឿង​បង្ហោះ​ប៉េងប៉ោង​សំរាម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​ប្រចាំឆ្នាំ នៃ​ភាគី​ហត្ថលេខី​នៃ​អនុស្សរណៈ​លើ​ការយោគយល់​គ្នា ស្តីពី​គម្រោង​រោងចក្រ​កាន់តែ​ប្រសើរ​នៅ​កម្ពុជា​សម្រាប់​ឆ្នាំ​២០២៣-២០២៧

ព័ត៌មានជាតិ៨ ម៉ោង មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ៩ ម៉ោង មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម១១ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ១២ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ១៨ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ១៥ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១៩ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ២១ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ១៣ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

Sokha Hotels

ព័ត៌មានពេញនិយម