Connect with us

ព័ត៌មានអន្ដរជាតិ

ជប៉ុន​ ត្រៀមដាក់ទណ្ឌកម្ម​ក្រុមហ៊ុន​​ចិន ​ដែល​ជួយ​​រុស្ស៊ី

បានផុស

នៅ

តាមការចេញផ្សាយរបស់ទូរទស្សន៍ជាតិជប៉ុន NHK នៅថ្ងៃទី ១៣ ខែ មិថុនា, ទីក្រុងតូក្យូ កំពុងពិចារណាដាក់ទណ្ឌកម្មថ្មីលើក្រុមហ៊ុននានា រួមទាំងក្រុមហ៊ុនចិនផងដែរ ដែលគាំទ្រដល់សង្គ្រាមរបស់រុស្ស៊ីលើអ៊ុយក្រែន តាមរយៈការផ្គត់ផ្គង់គ្រឿងសឹកឲ្យទីក្រុងមូស្គូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដាក់ទណ្ឌកម្មនេះ បានកំណត់គោលដៅទៅលើក្រុមហ៊ុនដែលគេសង្ស័យថា ផ្តល់ជំនួយជាគ្រឿងសឹក រួមបញ្ចូលទាំងបម្រាមនាំចេញពីប្រទេសជប៉ុនទៅកាន់អាជីវកម្មនៅក្នុងប្រទេសទីបី ដូចជានៅក្នុងប្រទេសចិនផងដែរ។

ទោះបីជាយ៉ាងណាក៏ដោយ សំណើដាក់ទណ្ឌកម្មកំពុងស្ថិតក្នុងការពិភាក្សាគ្នា ហើយលោកនាយករដ្ឋមន្ត្រី Fumio Kishida នឹងប្រកាសសំណើ នៅឯកិច្ចប្រជុំកំពូល G7 នាចុងសប្តាហ៍នេះតែម្តង។

ជាមួយនឹងគោលបំណងបង្កើនសម្ពាធទៅលើសកម្មភាពដែលជួយដល់ប្រតិបត្តិការយោធារបស់រុស្ស៊ីនៅអ៊ុយក្រែន, សំណើនេះក៏កត់សម្គាល់ជាលើកដំបូងដែរ ដែលជប៉ុនហ៊ានដាក់ទណ្ឌកម្ម ទៅលើក្រុមហ៊ុនចិនទាំងឡាយ ដែលជាប់ទាក់ទងនឹងការវាយលុករបស់រុស្ស៊ីនៅអ៊ុយក្រែន ខណៈចំណាត់ការនេះក៏នឹងជំរុញឱ្យប្រទេសចិនធ្វើសកម្មភាពប្រកបដោយការទទួលខុសត្រូវចំពោះសន្តិភាព និងស្ថិរភាពពិភពលោកផងដែរ។

គួរបញ្ជាក់ថា សហរដ្ឋអាមេរិកបានសម្តែងក្តីបារម្ភជាពន់ពេកកាលពីដើមឆ្នាំនេះ អំពីការនាំចេញសារធាតុ nitrocellulose ទៅកាន់ប្រទេសរុស្ស៊ីដែលអាចប្រើប្រាស់សម្រាប់ផលិតគ្រាប់រំសេវ។ លើសពីនេះមន្ត្រីទីក្រុងវ៉ាស៊ីនតោន ថា ចិន ក៏កំពុងគាំទ្រកិច្ចប្រឹងប្រែងធ្វើសង្គ្រាមរបស់រុស្ស៊ីនៅអ៊ុយក្រែន ដោយជួយក្រុងមូស្គូ កសាងយោធាដ៏ធំបំផុតរបស់ខ្លួនចាប់តាំងពីសម័យសូវៀត ដោយផ្តល់នូវបច្ចេកវិទ្យាយន្តហោះគ្មានមនុស្សបើក និងមីស៊ីលផងដែរ។

ឆ្លើយតបនឹងការព្រួយបារម្ភនេះ សហរដ្ឋអាមេរិកបានដាក់ទណ្ឌកម្មលើក្រុមហ៊ុនចំនួន ២០ ដែលមានមូលដ្ឋាននៅក្នុងប្រទេសចិន និងទីក្រុងហុងកុងកាលពីខែឧសភា ហើយមេដឹកនាំ G7 អាចនឹងព្រមានដល់ធនាគារតូចៗរបស់ចិន ដែលជួយរុស្ស៊ី ឲ្យគេចវេសពីទណ្ឌកម្មរបស់លោកខាងលិចទៀតផង៕

អត្ថបទ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេដ្ឋកិច្ច២ នាទី មុន

ធនាគារជាតិ ចាប់ដៃគូជាមូយមន្ទីរពេទ្យឯកជន លើកកម្ពស់សុខភាពបុគ្គលិក និងក្រុមគ្រួសារ

ព័ត៌មានជាតិ៩ នាទី មុន

អតីតនាយករដ្ឋមន្រ្តីកម្ពុជា បង្ហាញ​កម្មវិធី​បណ្តាញ​សង្គមថ្មី ​អភិវឌ្ឍ​ដោយអ្នកជំនាញខ្មែរ មាន​មុខងារ និង​សុវត្ថិភាពខ្ពស់

ព័ត៌មានអន្ដរជាតិ១៣ នាទី មុន

ប្រជាជន​កេនយ៉ា​រាប់​ពាន់​នាក់​ ធ្វើ​បាតុកម្ម​ប្រឆាំង​នឹង​ការ​ដំឡើង​ពន្ធ​ថ្មី

សេដ្ឋកិច្ច១៦ នាទី មុន

មន្ត្រីកម្ពុជាជួបទូតកូរ៉េ ពិនិត្យលទ្ធភាពបង្កើតតំបន់សេដ្ឋកិច្ចពិសេសកម្ពុជា-កូរ៉េ

សេដ្ឋកិច្ច២៩ នាទី មុន

ពីស្រ្ដីមេផ្ទះ តស៊ូក្លាយជាម្ចាស់សិប្បកម្មផលិតសាប៊ូពីឈើអែមដ៏ល្បីឈ្មោះ

ព័ត៌មានជាតិ៤ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

សន្តិសុខសង្គម២៣ ម៉ោង មុន

ក្រុមក្មេងទំនើង៦នាក់ នឹងត្រូវកសាងសំណុំរឿងបញ្ជូនទៅតុលាការ ពាក់ព័ន្ធករណីហិង្សានៅមុខអាកាសយានដ្ឋានអន្តរជាតិភ្នំពេញ

ព័ត៌មានជាតិ៥ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ១ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

សេចក្ដីជូនដំណឹង៦ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម