Connect with us

ព័ត៌មានអន្ដរជាតិ

រុស្ស៊ី បង្ហាញកត្តា ២យ៉ាង ដែលខ្លួននឹងប្រកាសសង្គ្រាមជាមួយ លោកខាងលិច

បានផុស

នៅ

តាមការចុះផ្សាយរបស់ RT អនុប្រធាន​ក្រុមប្រឹក្សា​សន្តិសុខ​រុស្ស៊ី លោក Dmitry Medvedev បានបង្ហាញកត្តា២យ៉ាង ដែលរុស្ស៊ីអាចប្រកាសសង្គ្រាមជាមួយលោកខាងលិច នោះគឺបើសហរដ្ឋអាមេរិកនិងសម្ព័ន្ធមិត្តដាក់ទណ្ឌកម្ម និងកំណត់គោលដៅលើទ្រព្យសម្បត្តិរបស់រុស្ស៊ី។

(រូបថត៖ Anadolu)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ថ្លែង​នៅឯ​វេទិកា​ច្បាប់​អន្តរជាតិ​ទីក្រុង St. Petersburg (SPILF) កាលពីថ្ងៃព្រហស្បតិ៍ទី២៧ខែមិថុនាឆ្នាំ២០២៤ អតីតប្រធានាធិបតីរុស្ស៊ីរូបនេះ ព្រមានថា កត្តាទាំង២យ៉ាងនេះ អាចចាត់ទុកថាជាសកម្មភាពឈ្លានពាននិងជាហេតុផលសម្រាប់ការប្រកាសសង្គ្រាម។

លោក Medvedev ប្រាប់កិច្ចប្រជុំ SPILF ថា “ការរឹបអូសទ្រព្យសម្បត្តិរដ្ឋ អាចជារឿងសមហេតុផលក្នុងកាលៈទេសៈជាក់លាក់ ដែលអាចចាត់ទុកជាទង្វើឈ្លានពាន ហើយថែមទាំងអាចចាត់ទុកថាជាមូលហេតុដើម្បីប្រកាសសង្គ្រាមបានទៀតផង។ គ្មានប្រទេសណាមួយមានសុវត្ថិភាពពីការរឹបអូសទ្រព្យសម្បត្តិរបស់ខ្លួនឡើយ។ ឧទាហរណ៍ អាហ្វហ្គានីស្ថាន វ៉េណេស៊ុយអេឡា និងអ៊ីរ៉ង់សុទ្ធតែត្រូវអាមេរិករឹបអូសយកមូលនិធិរបស់ពួកគេ មុនពេលលោកខាងលិចងាកមករុស្ស៊ី។

លោក Dmitry Medvedev ក្នុងវេទិកា SPILF (រូបថត៖ Sputnik)

សូមបញ្ជាក់ថា សហរដ្ឋអាមេរិកនិងសហភាពអឺរ៉ុប បានបង្កកទ្រព្យសម្បត្តិអធិបតេយ្យរុស្ស៊ីប្រមាណ៣០០ពាន់លានដុល្លារក្នុងឆ្នាំ២០២២ ដោយចោទទីក្រុងមូស្គូថា ឈ្លានពានអ៊ុយក្រែន ហើយបច្ចុប្បន្ន EU ថែមទាំងយល់ព្រម ប្រគល់ប្រាក់នោះខ្លះយកទៅជួយអ៊ុយក្រែន ទៀតផង។

នេះមិនមែនជារឿងថ្មីឡើយដែលលោក Medvedev ព្រមានអំពីសង្គ្រាម, ជាក់ស្តែងកាលពីខែមុន លោកក៏គំរាម ផ្ទុះសង្គ្រាមលោកលើកទី៣ផងដែរ ប្រសិនបើសហរដ្ឋអាមេរិក ហ៊ានវាយប្រហារចំគោលដៅរុស្ស៊ីណាមួយនៅក្នុងប្រទេសអ៊ុយក្រែន។

(រូបថត៖ WIKI)

លោកព្រមានបែបនេះ ដើម្បីឆ្លើយតបទៅរដ្ឋមន្ត្រីការបរទេសប៉ូឡូញ Radoslaw Sikorski ដែលអះអាងថា ទីក្រុងវ៉ាស៊ីនតោននឹងវាយប្រហារគោលដៅទាំងនោះ ប្រសិនបើរុស្ស៊ី ប្រើអាវុធនុយក្លេអ៊ែរនៅអ៊ុយក្រែនមែន។

មិនត្រឹមប៉ុណ្ណឹង កាលពីឆ្នាំមុន អនុប្រធានក្រុមប្រឹក្សាសន្តិសុខរុស្ស៊ីរូបនេះក៏គំរាមដែរថា លោកខាងលិច កំពុងរុញពិភពលោកឲ្យខិតទៅជិតជម្លោះសកល ដែលមិនធ្លាប់ឃើញសោះ ចាប់តាំងពីសង្គ្រាមលោកលើកទី២មក ដោយសារការផ្គត់ផ្គង់អាវុធធុនធ្ងន់ដល់អ៊ុយក្រែន៕

អត្ថបទ៖ សុខ សុវណ្ណ

ចុចអាន៖ រុស្ស៊ី ប្រកាសបញ្ឆេះសង្គ្រាមលោក បើអាមេរិក វាយប្រហារគោលដៅរបស់ខ្លួន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៦ ម៉ោង មុន

សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា

ព័ត៌មានអន្ដរជាតិ១៧ ម៉ោង មុន

NASA ឲ្យ SpaceX ជិត​១​ពាន់​លាន​ដុល្លារ កម្ទេច​ស្ថានីយ​អវកាស​អន្តរជាតិ​

សេចក្ដីជូនដំណឹង១៥ ម៉ោង មុន

ទូរទស្សន៍ ហង្សមាស ដាក់ឈុតធំ! ប្រដាល់គុនខ្មែរអន្តរជាតិដណ្តើមខ្សែក្រវាត់មាស៤ នៅលើសង្វៀនតែមួយ

ព័ត៌មានអន្ដរជាតិ២៣ ម៉ោង មុន

ស្ត្រី វៀតណាម ម្នាក់ ខូចថ្លើមនិងសួតធ្ងន់ធ្ងរ ដោយសារតែទម្លាប់ ២ តែងធ្វើរាល់ថ្ងៃ

ព័ត៌មានជាតិ១២ ម៉ោង មុន

សម្ដេចធិបតី ប្រាប់លោក គង់ វិបុល ឱ្យប្រើប្រាស់ប្រព័ន្ធឌីជីថលក្នុងការងារពន្ធដារ ដើម្បីកាត់បន្ថយភាពស៊ាំញ៉ាំ

Sokha Hotels

ព័ត៌មានពេញនិយម