Connect with us

ព័ត៌មានអន្ដរជាតិ

ស្រ្តី អាមេរិក ដែលសម្លាប់​ក្រុមគ្រួសារ១៦ឆ្នាំំមុន ​ ពេលនេះដាច់ចិត្តទម្លាយការពិត

បានផុស

នៅ

ករណីឃាតកម្មដ៏ល្បីដែលធ្វើឲ្យប្រទេសជាតិភ្ញាក់ផ្អើល Erin Caffey នារីវ័យក្មេងមកពីរដ្ឋ Texas សហរដ្ឋអាមេរិក បានបញ្ចុះបញ្ចូលមិត្តប្រុស​ឲ្យសម្លាប់ឪពុកម្តាយ និងប្អូនប្រុសយ៉ាងព្រៃផ្សៃនៅក្នុងការគេងរបស់ពួកគេ។ ជាពិសេសនៅពេលដែលប៉ូលិសបានបង្ហាញថាកូនបង្កើតគឺជាមេក្លោងនៅពីក្រោយការសម្លាប់រង្គាលនេះ។

Erin Caffey នៅស្ដាំដៃ

ត្រលប់ទៅថ្ងៃទី ០១ ខែមីនាឆ្នាំ ២០០៨ ​បុរសពីរនាក់គឺ Charlie Wilkinson និង Charles Wade​ បានលួចចូលទៅក្នុងផ្ទះ Caffey ក្នុងទីក្រុង Alba រដ្ឋ Texas ហើយបានឈានដល់ការសម្លាប់ដ៏គួរឲ្យរន្ធត់មួយ ដែលបណ្តាលឲ្យកុមារតូចៗពីរនាក់ និងម្តាយរបស់ពួកគេស្លាប់។ អ្នកនៅរស់រានមានជីវិតគឺ Erin Caffey អាយុ ១៦ ឆ្នាំ និងឪពុករបស់នាងឈ្មោះ Terry Caffey ដែលត្រូវបានបាញ់ជាច្រើនដង ប៉ុន្តែ​អាច​វារ​ចេញ​ពី​ផ្ទះ​បាន ​មុន​ពេលឃាតកដុតផ្ទះ។

នៅយប់ថ្ងៃកើតហេតុ នាងបាន​រង់ចាំ​នៅ​ក្នុង​រថយន្ត​ជាមួយ​មិត្ត​ភក្តិម្នាក់ទៀត។ នៅពេលដែល Wilkinson និង Wade ចូលទៅក្នុងផ្ទះ ហើយបានបាញ់សមាជិកគ្រួសារនាងជាច្រើនដង។ ពួកគេ​ក៏​បាន​ប្រើ​ដាវ​សា​ម៉ូ​រ៉ៃ​ Penny ​ចាក់លើម្តាយរបស់ Caffey និងប្អូនប្រុសពីរនាក់ថែមទៀតផង។

ទោះបីជាយ៉ាងណា ក្រោយ​មកអ្នក​ទាំង​៤​នាក់​ត្រូវ​បាន​ចាប់​ខ្លួន​ ហើយពួកគេបានចោទ Caffey ថា ជាមនុស្សដែលរៀបចំគម្រោងនេះទាំងអស់។ ដោយសារតែនាង​ខឹង​ឪពុក​ម្តាយបាន​ហាម​នាង​មិនឲ្យសេពគប់​ជាមួយ Wilkinson ការអះអាងនេះត្រូវបានបញ្ជាក់ដោយអតីតមិត្តប្រុសរបស់ Caffey’s Michael Washburn ដែលបាននិយាយថានាងបានប្រាប់គាត់ថា នាងចង់ឲ្យគ្រួសារនេះស្លាប់។

បច្ចុប្បន្ន Caffey កំពុងជាប់ពន្ធនាគារយ៉ាងតិច ៤០ ឆ្នាំ ខណៈដែល Wade និង Wilkinson កំពុងជាប់ទោសអស់មួយជីវិត។ ប៉ុន្តែ​អ្នក​ទាំង​អស់​ត្រូវ​បាន​រួច​ផុត​ពី​ទោស​ប្រហារ​ជីវិត​តាម​សំណើ​របស់ Terry ជាឪពុករបស់ Caffey។មកទល់សព្វថ្ងៃ លោកនៅតែទៅសួរសុខទុក្ខកូននៅក្នុងពន្ធនាគារជាទៀងទាត់ ហើយបាននិយាយថា គាត់អត់ទោសឲ្យកូនស្រី បើទោះជាគាត់បានបាត់បង់​ប្រពន្ធ​កូន​ជា​ទី​ស្រឡាញ់ដោយ​ដៃ​កូនស្រី តែនេះគឺជាលទ្ធផលទាំងអស់ការសម្រេចចិត្តខុសមួយពេល។

យ៉ាងណាមិញ នៅក្នុងឆ្នាំ២០២៤ ឃាតកស្រីបានផ្តល់បទសម្ភាសន៍ដល់ Piers ​តាមរយៈភាពយន្តឯកសារ ITV Killer Women Morgan នាងសារភាពថា នាងនៅតែមិនជឿថា ខ្លួនឯងធ្លាប់ចង់សម្លាប់គ្រួសារនោះទេ។ ទោះ​បី​ជា​ទង្វើ​របស់​នាង​បាន​ធ្វើ​ឲ្យ​ជីវិត​ម្ដាយ និង​បង​ប្អូន​ពីរ​នាក់​ស្លាប់​ក៏​ដោយ ប៉ុន្តែឪពុកបានរស់រានមានជីវិតដោយអព្ភូតហេតុដ៏អស្ចារ្យ៕

ទស្សនាឃ្លិបបទសម្ភាសន៍ខាងក្រោម៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖ស្ត្រី វៀតណាម ម្នាក់ ខូចថ្លើមនិងសួតធ្ងន់ធ្ងរ ដោយសារតែទម្លាប់ ២ តែងធ្វើរាល់ថ្ងៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៧ នាទី មុន

ពលរដ្ឋខេត្តឧត្តរមានជ័យ អាចលើកបញ្ហាមកអាជ្ញាធរបាន តាមរយៈហ្វេសប៊ុកផ្ទាល់របស់អភិបាលខេត្តនេះ

KPT+១៩ នាទី មុន

​​មង្គលការ​កូន​ប្រុស​ពៅ​សេដ្ឋី​ Ambani ជាពិធីចំណាយ​ប្រាក់ខ្ជះខ្ជាយបំផុត

សន្តិសុខសង្គម២០ នាទី មុន

អាវុធហត្ថរាជធានីឃាត់ខ្លួនមន្ត្រីយោធាម្នាក់ បន្ទាប់​ពីយកកាំភ្លើងAK ទៅគំរាមអ្នកលក់ត្រី

ព័ត៌មានជាតិ៣៨ នាទី មុន

៣ ថ្ងៃ ជំនន់ទឹកភ្លៀងនៅខេត្តព្រះវិហារប៉ះពាល់ពលរដ្ឋជាង ១ ពាន់នាក់ ផ្លូវជាង ៧ ពាន់ម៉ែត្រ និងដំណាំស្រូវជាច្រើនហិតា

សន្តិសុខសង្គម៣៩ នាទី មុន

ផ្លូវតភ្ជាប់ពីផ្លូវ៦០ម៉ែត្រ ទៅសង្កាត់ជើងឯកផ្ដល់ភាពងាយស្រួលប្រើរយៈពេលខ្លីឆាប់រហ័ស

Sokha Hotels

ព័ត៌មានពេញនិយម