ខ្មាន់កាំភ្លើងបាញ់លោក ត្រាំ ជាអ្នកបោះឆ្នោតឲ្យគណបក្សសាធារណរដ្ឋ របស់គាត់

តាមការបញ្ជាក់ពី FBI នៅថ្ងៃអាទិត្យទី១៤ខែកក្កដា, ខ្មាន់កាំភ្លើងបាញ់ប្រហារលោក ត្រាំ គឺមានឈ្មោះ Thomas Matthew Crooks ជាអ្នកចុះឈ្មោះបោះឆ្នោតឲ្យគណបក្សសាធារណរដ្ឋ ប៉ុន្តែរូបគេក៏ធ្លាប់មានប្រវត្តិបរិច្ចាគប្រាក់ខ្លះទៅឲ្យក្រុមដែលមានទំនាក់ទំនងជាមួយគណបក្សប្រជាធិបតេយ្យក្នុងឆ្នាំ២០២១ដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនដៃដល់រូបនេះ គឺជាអ្នករស់នៅក្នុងតំបន់ Bethel Park នៃរដ្ឋ Pennsylvania ស្ថិតនៅចម្ងាយ៥៦គីឡូម៉ែត្រ ភាគខាងត្បូងទីតាំងជួបជុំរបស់លោកុំ ត្រាំ។

FBI បញ្ជាក់ថា Crooks ពិតជាប៉ុនប៉ងធ្វើឃាតលោក ត្រាំ មែន ប៉ុន្តែមូលហេតុដែលជំរុញចិត្តឲ្យគេធ្វើបែបនេះ ក៏មិនទាន់ដឹងច្បាស់នៅឡើយដែរ។

សូមបញ្ជាក់ជាថ្មី អតីតប្រធានាធិបតីអាមេរិក ដូណាល់ ត្រាំ ត្រូវខ្មាន់កាំភ្លើង លបបាញ់ប្រហារពីលើដំបូលអគារ នៅចម្ងាយចន្លោះពី១២០ ទៅ១៥០ម៉ែត្រ ពីទីតាំងជួបជុំរបស់គាត់ជាមួយអ្នកគាំទ្រក្នុងទីក្រុង Butler នៃរដ្ឋ Pennsylvania។

មនុស្ស២នាក់ ក្នុងនោះមានម្នាក់ជាខ្មាន់កាំភ្លើង ត្រូវបាត់បង់ជីវិត ប៉ុន្តែលោកត្រាំ អាយុថ្លៃ មិនស្លាប់ឡើយ គ្រាន់តែត្រូវរបួសត្រង់ត្រចៀក ហើយត្រូវបញ្ជូនទៅមន្ទីរពេទ្យភ្លាមៗ។

អំពើហិង្សានេះ ក៏បង្កឲ្យមានការថ្កោលទោសពីសំណាក់ បណ្តាមេដឹកនាំពិភពលោកផងដែរ៕

អត្ថបទ៖ សុខ សុវណ្ណ

ចុចអាន៖ ប្រតិកម្មពិភពលោក ចំពោះការប៉ុនប៉ងផ្តាច់ជីវិតលោក ត្រាំ