ព័ត៌មានអន្ដរជាតិ
វៀតណាមខ្ចីលុយ៣០០លានដុល្លារពីឥណ្ឌា ពង្រឹងសន្តិសុខលើសមុទ្រ
រដ្ឋាភិបាលឥណ្ឌា កាលពីថ្ងៃព្រហស្បតិ៍បានផ្តល់ប្រាក់កម្ចីចំនួន ៣០០លានដុល្លារ ដើម្បីកសាងសន្តិសុខដែនសមុទ្ររបស់វៀតណាម ខណៈដែលភាគីទាំង២បាននិយាយថា ពួកគេចង់បង្កើនការវិនិយោគនិងពាណិជ្ជកម្មឲ្យបានទ្វេដងក្នុងរយៈពេល៥ឆ្នាំខាងមុខ។
នាយករដ្ឋមន្ត្រីឥណ្ឌា លោក Narendra Modi បានប្រាប់នាយករដ្ឋមន្រ្តីវៀតណាម លោក Pham Minh Chinh ថា ឥណ្ឌាចាត់ទុកវៀតណាមជាសសរស្តម្ភសំខាន់នៃគោលនយោបាយរបស់ខ្លួនចំពោះប្រជាជាតិអាស៊ីអាគ្នេយ៍ និងជាដៃគូសំខាន់ក្នុងចក្ខុវិស័យឥណ្ឌូប៉ាស៊ីហ្វិករបស់ខ្លួន។
បន្ទាប់ពីកិច្ចពិភាក្សា លោក Chinh បានប្រាប់អ្នកយកព័ត៌មានថា ពិភពលោកប្រឈមមុខនឹងបញ្ហាសន្តិសុខយ៉ាងធ្ងន់ធ្ងរ ប៉ុន្តែមានឱកាសសម្រាប់កិច្ចសហប្រតិបត្តិការ។ លោកថា៖ «តំបន់អាស៊ីឥណ្ឌូប៉ាស៊ីហ្វិក គឺជាក្បាលម៉ាស៊ីនសម្រាប់ការរីកចម្រើន ប៉ុន្តែវាក៏ជាកន្លែងដែលនយោបាយសំខាន់ៗកំពុងប្រព្រឹត្តទៅយ៉ាងខ្លាំងក្លាផងដែរ។ យើងត្រូវការមធ្យោបាយ និងវិធីសាស្ត្រជាសកល និងមានការគាំទ្រពហុភាគីនិយម»។
នាយករដ្ឋមន្ត្រីទាំង២ ក៏បានបង្ហាញពីបំណងបន្តកិច្ចសហប្រតិបត្តិការនៅក្នុងវិស័យការពារជាតិ និងផ្នែកផ្សេងទៀតដូចជា បច្ចេកវិទ្យា «semiconductor» បច្ចេកវិទ្យាពណ៌បៃតង បញ្ញាសិប្បនិម្មិត សេវាកម្មផ្ទុកទិន្នន័យ(Cloud) និងវិធានការអាកាសធាតុ។
ឥណ្ឌា និងវៀតណាម ក៏បានបើកសម្ពោធនូវទីតាំងអប់រំផ្នែកបច្ចេកវិទ្យាថ្មីមួយផងដែរហៅថា «Army Software Park» នៅលើទឹកវៀតណាម ដែលមានជំនួយពីឥណ្ឌាក្នុងការបង្ហាត់បង្រៀនទាហានវៀតណាមឲ្យចេះពីជំនាញឌីជីថល។
ពាណិជ្ជកម្មទ្វេភាគីរវាងសម្ព័ន្ធមិត្តទាំង២ក្នុងឆ្នាំ២០២២ បានកើនឡើង ២៧% និងឈានដល់ទំហំទឹកប្រាក់ ១៤,១៤ពាន់លានដុល្លារ។ ក្រសួងការបរទេសឥណ្ឌា បានឲ្យដឹងថា ការនាំចេញរបស់ឥណ្ឌាទៅកាន់ប្រទេសវៀតណាមមានដល់ទៅ ៦,៧ពាន់លានដុល្លារ ខណៈដែលការនាំចូលរបស់ឥណ្ឌាពីប្រទេសវៀតណាមវិញមានចំនួន ៧,៤៤ពាន់លានដុល្លារក្នុងរយៈពេលដូចគ្នានេះ។
ការនាំចេញរបស់ឥណ្ឌាទៅកាន់វៀតណាមរួមមាន ដែក ដែកថែប កប្បាស ធញ្ញជាតិ សាច់ ផលិតផលនេសាទ គ្រឿងម៉ាស៊ីន ឧបករណ៍អគ្គិសនី គ្រឿងបន្លាស់រថយន្ត ស៊ីម៉ងត៍ សារធាតុគីមី និងឱសថ។
ចំណែកការនាំចេញរបស់វៀតណាមទៅកាន់ឥណ្ឌាភាគច្រើនរួមមាន ឧបករណ៍អគ្គិសនីនិងអេឡិចត្រូនិក សារធាតុគីមីអសរីរាង្គ គ្រឿងម៉ាស៊ីន គ្រឿងបន្លាស់ម៉ាស៊ីន ទង់ដែង កៅស៊ូ កាហ្វេ តែ គ្រឿងទេស ដែក និងដែកថែប។
ការវិនិយោគរបស់ឥណ្ឌានៅវៀតណាមត្រូវបានប៉ាន់ប្រមាណថាមានចំនួនប្រហែល ១,៩ពាន់លានដុល្លារក្នុងវិស័យថាមពល ការរុករករ៉ែ កសិកម្ម បច្ចេកវិទ្យាព័ត៌មាន និងវិស័យផ្សេងៗទៀត។ ចំណែកវៀតណាមបានវិនិយោគជាង ២៨,៥៥លានដុល្លារនៅក្នុងប្រទេសឥណ្ឌា ភាគច្រើននៅក្នុងវិស័យឱសថ បច្ចេកវិទ្យាព័ត៌មាន គីមី និងសម្ភារសំណង់៕
ដោយ៖ ឈាង
ព្រឹត្តិការណ៍ “សង្ក្រាន្តវត្តភ្នំ” ៣ថ្ងៃមានរៀបចំកម្មវិធីបែបប្រពៃណីជាតិ និងកម្មវិធី កម្សាន្តសប្បាយជាច្រើន
អ្នកវិភាគ និងអ្នកឃ្លាំមើល៖ នាយករដ្ឋមន្ត្រីកម្ពុជាតែងផ្ដល់អាទិភាពខ្ពស់ ចំពោះសុខទុក្ខប្រជាពលរដ្ឋ
លោក Munoz និយាយពីកីឡាករចំណូលថ្មី ក្រោយរកបាន Hat-trick
កូនខ្មែរដំបូង! បង្កើតចង្វាក់ថ្មី KHMER VIBE កំពូលតារាចម្រៀងឧកញ៉ា ខេមរៈ សិរីមន្ត និងស្ដេចភ្លេង tempo tris បង្កើតស្នាដៃដ៏អស្ចារ្យនេះ
លោក ស៊ូ សុជាតិ៖ ប្រព័ន្ធផ្សព្វផ្សាយឌីជីថល ដើរតួនាទីសំខាន់ជំរុញការអភិវឌ្ឍវិស័យមូលបត្រ
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ផ្ទុះបំពង់បង្ហូរឧស្ម័ននៅម៉ាឡេស៊ី បណ្ដាលឲ្យរបួសមនុស្ស២៥នាក់
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៤ ម៉ោង agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម២២ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់