រុស្ស៊ី ប្រកាសរើសកម្មករជីកលេណដ្ឋាននៅតំបន់សមរភូមិ ហ៊ានឲ្យប្រាក់ខែដល់ទៅ ៤ ០០០ដុល្លារ

តាមការចុះផ្សាយរបស់ CNN កាលពីថ្ងៃពុធទី១៤ខែសីហា, រុស្ស៊ីកំពុងប្រកាសជ្រើសរើសកម្មករជីកលេណដ្ឋាននៅតំបន់សមរភូមិ Kursk Oblast ខណៈកងកម្លាំងអ៊ុយក្រែន បន្តវាយចូលទឹកដីរុស្ស៊ីកាន់តែជ្រៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងការផ្សព្វផ្សាយនោះ រុស្ស៊ី ហ៊ានឲ្យប្រាក់ខែចន្លោះពី ១ ៦០០ ទៅ ៤ ០០០ដុល្លារអាមេរិក ចំពោះកម្មករដែលនឹងត្រូវបញ្ជូនទៅជីកលេណដ្ឋាននៅជិតរោងចក្រនុយក្លេអ៊ែរ KNPP ដើម្បីត្រៀមលក្ខណៈ មុនពេលកងទ័ពអ៊ុយក្រែន សម្រុកចូលដល់នោះ។

ទោះបីជាយ៉ាងណាក៏ដោយ ចំពោះលក្ខខណ្ឌចូលធ្វើការ មិនមានអ្វីសាំញ៉ាំទេ ពោលឲ្យតែជាមនុស្សមានកម្លាំងនិងកាយសម្បទាមាំមួន។

ព័ត៌មាននេះកើតឡើងចំពេល អ៊ុយក្រែន អះអាងពីការវាយលុកចូលកាន់តែជ្រៅទៅក្នុងដីរុស្ស៊ីនិងចាប់បានកងទ័ពលោក ពូទីន ប្រហែល១០០នាក់ផងដែរ។ 

សូមបញ្ជាក់ថា គិតត្រឹមថ្ងៃព្រហស្បតិ៍ទី១៥ខែសីហា ការវាយលុកឆ្លងដែនរបស់អ៊ុយក្រែន បានឈានចូលសប្តាហ៍ទី២ហើយ ហើយ​វា​​ជាការ​លុកលុយចូលជ្រៅបំផុតក្នុងដីរុស្ស៊ី ចាប់តាំងពីលោក ពូទីនបើកប្រតិបត្តិការសឹកពេញលេញ​​ក្នុងឆ្នាំ២០២២៕

អត្ថបទ៖ សុខ សុវណ្ណ

ចុចអាន៖ សមាជិកណាតូ២ប្រទេស គាំទ្រឲ្យអ៊ុយក្រែន វាយ រុស្ស៊ី