សួនសត្វសហរដ្ឋអាមេរិកចាក់វ៉ាក់សាំងការពារកូវីដដល់ស្វាឪ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

សួនសត្វសហរដ្ឋអាមេរិកចាក់វ៉ាក់សាំងការពារកូវីដដល់ស្វាឪ

Published

on

មន្រ្តីសួនសត្វបាននិយាយថា សួនសត្វ San Diego Zoo នៃសហរដ្ឋអាមេរិកបានចាក់វ៉ាក់សាំងការពាជំងឺកូវីដ ១៩ ដល់សត្វស្វាឪជាច្រើនក្បាល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Nadine Lamberski ប្រធានផ្នែកអភិរក្ស និងការពារសត្វព្រៃនៃអង្គការសម្ព័ន្ធភាពសត្វព្រៃរបស់សួនសត្វ San Diego Zoo បានប្រាប់សារព័ត៌មាន The San Diego Union-Tribune កាលពីថ្ងៃសុក្រថា ស្វាឪ Orangutans ចំនួន ៤ ក្បាល និងស្វា Bonobos ចំនួន ៥ ក្បាលបានទទួលការចាក់វ៉ាក់សាំង ខណៈសួនសត្វនេះគ្រោងនឹងចាក់វ៉ាក់សាំងដល់ស្វាឪផ្សេងទៀតផងដែរ ។

សត្វស្វាឪគឺជាសត្វដែលមានទំនាក់ទំនងយ៉ាងជិតស្និទ្ធបំផុតជាមួយមនុស្ស ហើយបានបង្ហាញថាងាយនឹងឆ្លងវីរុសកូរ៉ូណា ខណៈសត្វស្វាឪចំនួន ៨ ក្បាលនៅសួនសត្វបានធ្វើតេស្តវិជ្ជមានវីរុសនេះកាលពីខែមករា បន្ទាប់ពីបានប៉ះពាល់នឹងអ្នកមើលថែដែលឆ្លងវីរុសនេះ ។

អ្នកតំណាងបាននិយាយថា សួនសត្វនេះបានចាក់វ៉ាក់សាំងដែលត្រូវបានបង្កើតឡើងដោយក្រុមហ៊ុនឱសថបសុពេទ្យ Zoetis ដល់សត្វស្វាឪដែលងាយនឹងប្រឈមការឆ្លងចំនួន ២ ដូស ហើយពួកគេអាចចាក់ដល់ស្វាឪទាំងនោះបានយ៉ាងងាយស្រួល ។

សារព័ត៌មាន CBS News បាននិយាយថា ស្វានៅសួនសត្វនេះគឺជាសត្វដំបូងគេដែលបានទទួលវ៉ាក់សាំងកូវីដ ១៩ ដែលមិនមែនចាក់សម្រាប់មនុស្ស ។ លោក Lamberski បាននិយាយថា ក្រុមហ៊ុនបានសាកល្បងវ៉ាក់សាំងលើសត្វសំពោច ឆ្មា និងឆ្កែរួចហើយ ។

សត្វមួយចំនួនបានធ្វើតេស្តវិជ្ជមានសម្រាប់ជំងឺកូវីដ ១៩ ក្នុងរយៈពេលមួយឆ្នាំចុងក្រោយនេះដែលភាគច្រើនកើតឡើងលើសត្វសំពោធរាប់លានក្បាលនៅឯកសិដ្ឋានមួយកន្លែង ។ ចំណែកសត្វឆ្មា ឆ្កែ ខ្លា តោ និងខ្លារខិនព្រិលក៏ត្រូវបានគេធ្វើតេស្តវិជ្ជមានសម្រាប់ជំងឺនេះផងដែរដែលអ្នកជំនាញផ្នែកសុខភាពសាធារណៈនិយាយថាប្រហែលជាមានដើមកំណើតពីសត្វប្រចៀវមុនពេលរាលដាលដល់សត្វពង្រូលបន្ទាប់មកលើមនុស្ស ៕

ប្រែសម្រួលដោយ ៖ ជីវ័ន្ត

ប្រភព ៖ UPI

ចុចអាន ៖ ស្វាឪជាច្រើនក្បាលនៅសួនសត្វសហរដ្ឋអាមេរិកតេស្តវិជ្ជមានកូវីដ

ចុចអាន ៖ បេក្ខភាពប្រលងបវរកញ្ញា Miss Grand ពីររូបតេស្តវិជ្ជមានកូវីដ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ1 min ago

អភិបាល​ខេត្ត​ព្រៃវែង​ ចាត់​វិធានការ​ក្តៅ​ ក្រោយ​រក​ឃើញ​អ្នកវិជ្ជមាន​កូវីដ១៩ ចំនួន​៦នាក់​លួច​ចូល​ខេត្ត​

ព័ត៌មានជាតិ23 mins ago

​រដ្ឋបាល​រាជធានីភ្នំពេញ បង្ហាញ​អត្តសញ្ញាណ​អ្នកវិជ្ជមាន​កូវីដ១៩ ចំនួន១៩៨រូប ដើម្បី​ឲ្យ​អ្នកពាក់ព័ន្ធ​រួសរាន់​យក​សំណាក​ទៅធ្វើតេស្ត

ជីវិតកម្សាន្ដ45 mins ago

ចំណងស្នេហា​៤​ឆ្នាំ​របស់ វ៉ាន់ នី​ឡា មិន​ប្រែ​ព្រួល ទោះ​រង​ការ​សើចចំអក​ពី​អ្នកដទៃ​

ព័ត៌មានជាតិ2 hours ago

លោក គឹម សន្តិភាព ៖ អ្នក​ល្មើស​វិធានការ ហាមឃាត់​ការធ្វើដំណើរ ត្រូវ​ផ្ដន្ទាទោស​ពី ៣​ឆ្នាំ ទៅ​៥​ឆ្នាំ ឬ​ធ្ងន់​ជាង​នេះ

ព័ត៌មានជាតិ3 hours ago

លោកជំទាវ ម៉ែន សំអន ថ្លែងអំណរគុណ លោក ប៉ិច បូឡែន និងលោក ហុង លីម ដែលបានផ្តល់អំណោយក្នុងការចូលរួមប្រយុទ្ធប្រឆាំងនឹងកូវីដ១៩

Sokha Hotels

ព័ត៌មានពេញនិយម

Helistar Cambodia - Helicopter Charter Services