ម្ចាស់​ហាងនៅចិន ជាប់ពន្ធនាគារ២ឆ្នាំ ព្រោះយកទឹកស៊ុបហ៊តផតសល់ពីភ្ញៀវ មកដាក់លក់ជាថ្មី

ភោជនីយដ្ឋានមួយបានកែច្នៃស៊ុបហ៊តផតក្ដៅៗជាង ១៣,០០០ ឆ្នាំងពីអតិថិជនចាស់ ដើម្បីលក់ឲ្យអតិថិជនថ្មី ធ្វើឲ្យម្ចាស់ហាងនិងមេចុងភៅចំណេញប្រាក់ខុសច្បាប់រាប់ពាន់លានដុល្លារ ក្រោយមកអ្នកទាំងពីរ​ត្រូវ​បាន​កាត់ទោសជាប់ពន្ធនាគារ។

ទង្វើ​នេះ​បាន​បង្ក​ការ​ខឹងសម្បារ​ជា​សាធារណៈ​ទើប​ត្រូវ​បាន​កាត់ទោស​ដោយ​តុលាការ​ខេត្ត Sichuan ប្រទេស​ចិន។ យោងតាមសាលក្រមកាលពីខែកក្កដា ឆ្នាំ ២០២១ លោក Duong ម្ចាស់ភោជនីយដ្ឋានហ៊តផតបានជួលលោក Luu ជាអ្នកគ្រប់គ្រង និងមេចុងភៅដែលទទួលខុសត្រូវលើប្រតិបត្តិការប្រចាំថ្ងៃរបស់ភោជនីយដ្ឋាន។ ដើម្បីសន្សំការចំណាយ និងទទួលបានប្រាក់ចំណេញខុសច្បាប់ ម្ចាស់ភោជនីយដ្ឋានបានណែនាំមេចុងភៅឲ្យប្រមូលទឹកក្នុងឆ្នាំងក្តៅដែលប្រើប្រាស់រួចពីអតិថិជន យកមកកែច្នៃឡើងវិញ ហើយយកវាមកបម្រើលើតុថ្មី។

យ៉ាងណា ក្រៅពីប្រាក់បៀវត្សរ៍របស់គាត់ លោក Luu ក៏ត្រូវបានសន្យាថានឹងផ្តល់ចំណែក ៥% នៃប្រាក់ចំណេញពីសកម្មភាពក្លែងបន្លំនេះ។ ក្រោយមក ឧប្បត្តិហេតុត្រូវបានលាតត្រដាង អ្នកទាំងពីរត្រូវបានស៊ើបអង្កេតយ៉ាងរហ័ស។

តុលាការបានកំណត់ថាចាប់ពីខែកក្កដា ឆ្នាំ ២០២១ដល់ថ្ងៃទី១៦ ខែតុលា ឆ្នាំ ២០២២ លោក Luu បានកែច្នៃស៊ុបសរុបចំនួន ១៣,១០១ ឆ្នាំង ដោយការលក់បានឈានដល់ជាង ៤៣០,៥០០ យន់ ។ ក្រោយមក លោកត្រូវបានកាត់ទោសឲ្យជាប់ពន្ធនាគាររយៈពេល២ ឆ្នាំ និងពិន័យជាប្រាក់ចំនួន ១០០,០០០យ័ន សម្រាប់ការផលិត និងលក់អាហារពុលជូនដល់អតិថិជន។ ចំណែកមេចុងភៅត្រូវកាត់ទោសជាប់ពន្ធនាគាររយៈពេល ៥ ឆ្នាំ ៦ ខែ និងពិន័យជាប្រាក់ចំនួន២២០,០០០ យន់ សម្រាប់ឧក្រិដ្ឋកម្មដូចគ្នា។

មិនត្រឹមប៉ុណ្ណឹងទេ តុលាការក៏បានហាមប្រាមមនុស្សពីរនាក់នេះពីការងារក្នុងឧស្សាហកម្មផលិត និងគ្រប់គ្រងចំណីអាហារអស់មួយជីវិត និងពីការកាន់កាប់មុខតំណែងគ្រប់គ្រងសុវត្ថិភាពចំណីអាហារនៅក្នុងអាជីវកម្មដែលពាក់ព័ន្ធ។ ចំនួនប្រាក់ចំណេញខុសច្បាប់ជិត ២១៥,៣០០ យន់ ពីការកែច្នៃឡើងវិញនូវឆ្នាំងទឹកស៊ុបរបស់ភោជនីយដ្ឋានត្រូវបានរឹបអូស និងបង់ចូលថវិការដ្ឋទាំងអស់។

ទោះបីជាយ៉ាងណា នៅក្នុងសវនាការរដ្ឋប្បវេណី តុលាការបានបង្គាប់ឲ្យម្ចាស់ហាងបង់ប្រាក់សំណងជាង ៦៤៥,៨០០យន់ ដល់អាហារដ្ឋានដែលប្រើប្រាស់ទឹកក្តៅដែលមិនធានាសុវត្ថិភាព និងអនាម័យអាហារក្នុងរយៈពេល ១០ ថ្ងៃនៅពេលដែលការវិនិច្ឆ័យចូលជាធរមាន។ ម្ចាស់ភោជនីយដ្ឋានក៏ត្រូវតែសុំទោសជាសាធារណៈតាមរយៈប្រព័ន្ធផ្សព្វផ្សាយនៅកម្រិតទីក្រុង ឬខ្ពស់ជាងនេះក្នុងរយៈពេល ១៥ ថ្ងៃបន្ទាប់ពីសាលក្រមចូលជាធរមាន។ បន្ទាប់​ពី​សាលក្រម​នេះ អ្នកទាំងពីរទាំង​ពីរ​បាន​ប្តឹង​ឧទ្ធរណ៍។ សាលាឧទ្ធរណ៍បានច្រានចោលបណ្តឹងសាទុក្ខដោយតម្កល់សាលក្រមសាលាដំបូង ដោយបញ្ជាក់ថាអង្គហេតុត្រូវបានបង្កើតឡើង និងការអនុវត្តច្បាប់ត្រឹមត្រូវ សាលក្រមត្រឹមត្រូវ ហើយនីតិវិធីជំនុំជម្រះគឺស្របច្បាប់៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖រហស្សនាមស្រីស្អាតនៅចិន Jingyi តែងតួព្រះនាងឆាងអឺ ក្នុងថ្ងៃសែនព្រះខែ