ប្រេស៊ីល បំបែកកំណត់ត្រាថ្មី មួយថ្ងៃមានអ្នកស្លាប់ដោយសារកូវីដជិត២ពាន់នាក់ ឆ្លងជាង៧ម៉ឺនករណី

ការស្លាប់ប្រចាំថ្ងៃដោយសារវីរុសកូវីដ១៩នៅក្នុងប្រទេសប្រេស៊ីល បានបំបែកកំណត់ត្រាថ្មីទៀត  ខណៈជំងឺរាតត្បាតនេះកំពុងធ្វើឲ្យប្រព័ន្ធសុខាភិបាលឈានទៅរកការដួលរលំ ហើយកម្មវិធីចាក់វ៉ាក់សាំងមានភាពយឺតយ៉ាវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងសុខាភិបាលបានរាយការណ៍កាលពីថ្ងៃអង្គារថា អ្នកស្លាប់ថ្មីប្រចាំថ្ងៃដោយសារជំងឺកូវីដ១៩នៅក្នុងប្រទេសនេះ មានចំនួន១,៩៧២នាក់។ ប្រេស៊ីលជាប្រទេសមានអ្នកស្លាប់ច្រើនបំផុតលំដាប់ទី២នៅលើពិភពលោក បន្ទាប់ពីសហរដ្ឋអាមេរិក។

ប្រេស៊ីលក៏បានរាយការណ៍ផងដែរនូវករណីថ្មី ចំនួន៧០,៧៦៤ករណី ដែលមានន័យថា ឥឡូវនេះមានមនុស្ស១១.១លាននាក់ហើយបានឆ្លងវីរុសនេះនៅក្នុងប្រទេសប្រេស៊ីល ខណៈយ៉ាងតិច២៦៨,៣៧០នាក់បានស្លាប់។

គួរបញ្ជាក់ថា កំណត់ត្រាចាស់នៃមរណភាពប្រចាំថ្ងៃ ត្រូវបានកំណត់នៅថ្ងៃទី៣ខែមីនា ដែលកាលនោះមានអ្នកស្លាប់ជាង១,៩០០នាក់។ តួលេខនេះបានកើនឡើងជាលំដាប់ ក្នុងរយៈពេលពីរសប្តាហ៍ចុងក្រោយ៕

ប្រែសម្រួលដោយ៖ Vann Vann

ប្រភព៖ Al Jazeera

ចុចអាន៖ នៅតែធ្ងន់ធ្ងរ! ២៤ម៉ោងចុងក្រោយ ប្រេស៊ីល មានអ្នកស្លាប់១,៥៥៥នាក់ទៀតដោយសារកូវីដ

ចុចអាន៖ ធ្ងន់ធ្ងរបំផុត! មួយថ្ងៃ ប្រេស៊ីល មានអ្នកស្លាប់ដោយសារកូវីដជិត២ពាន់នាក់ និងឆ្លងជាង៧ម៉ឺនករណី