ព័ត៌មានអន្ដរជាតិ

តួលេខពលរដ្ឋកូរ៉េខាងជើងរត់ចោលស្រុក កើនឡើងជាង៥ដងក្នុងឆ្នាំ២០២៤

បានផុស

២ years មុន

នៅ

ថ្ងៃអង្គារ ២២ តុលា ២០២៤

ដោយ

Chheang

ក្រសួងបង្រួបបង្រួមកូរ៉េខាងត្បូង បានប្រកាសនៅថ្ងៃទី២២ខែតុលាថា ក្នុងរយៈពេល៣ត្រីមាសនៃឆ្នាំ២០២៤ ចំនួនពលរដ្ឋកូរ៉េខាងជើង ដែលរត់ចោលស្រុករួចចូលទៅកូរ៉េខាងត្បូង មាន ១៨១នាក់។ តួលេខនេះ មានការកើនឡើងជាង៤ដង បើធៀបនឹងរយៈពេលដូចគ្នាកាលពីឆ្នាំ២០២៣ ដែលមានត្រឹម ៤០នាក់ប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងបង្រួបបង្រួម បានបញ្ជាក់ថា នៅត្រីមាសទី៣ កូរ៉េខាងត្បូងទទួលបានពលរដ្ឋកូរ៉េខាងជើងដែលរត់ចោលស្រុកចំនួន ៧៦នាក់ ក្នុងនោះមានបុរស ១២នាក់ និងស្ត្រី ៦៤នាក់។ ចំណែកឯត្រីមាសទី១វិញ មានចំនួន ៤៣នាក់ និងត្រីមាសទី២ មាន ៦២នាក់។ បើគិតចាប់តាំងពីទស្សវត្សរ៍ឆ្នាំ១៩៥០ អ្នករត់ចោលស្រុករបស់កូរ៉េខាងជើង មានចំនួនសរុប ៣៤ ២៥៩នាក់។

សូមបញ្ជាក់ថា អ្នករត់ចោលស្រុកភាគច្រើន បានចាកចេញពីកូរ៉េខាងជើង បន្ទាប់ពីកើតមានគ្រោះទុរ្ភិក្សដ៏សាហាវនៅពាក់កណ្តាលទសវត្សរ៍ឆ្នាំ១៩៩០។ នៅពេលមកដល់កូរ៉េខាងត្បូង អ្នករត់ចោលស្រុកកូរ៉េខាងជើងត្រូវបានផ្តល់សញ្ជាតិ ផ្ទះសម្បែង ប្រាក់ផ្លាស់ប្តូរទីលំនៅ និងអត្ថប្រយោជន៍ផ្សេងៗទៀត។ ទោះជាបែបនេះក្ដី ហេតុតែមានប្រវត្តិមកពីប្រទេសដែលផ្ដាច់ការ ក្រីក្រ និងសង្គមនិយម ជនរត់ចោលស្រុកជាច្រើនបានជួបប្រទះនឹងបញ្ហារើសអើង និងភាពលំបាកធ្ងន់ធ្ងរ ក្នុងការសម្របខ្លួនទៅនឹងជីវិតថ្មីនៅក្នុងប្រទេសមូលធននិយម និងមានការប្រកួតប្រជែងខ្លាំង៕

ដោយ៖ ឈាង