ព័ត៌មានអន្ដរជាតិ

ព្យុះឈ្មោះខ្មែរ «កងរី» គំរាមកំហែងដល់ទីក្រុងសៀងហៃ និងឆ្នេរសមុទ្រចិន បន្ទាប់ពីវាយប្រហារកោះតៃវ៉ាន់

បានផុស

២ years មុន

នៅ

ថ្ងៃសុក្រ ១ វិច្ឆិកា ២០២៤

ដោយ

មនុស្សពីរនាក់បានស្លាប់និងជាង ៥០០នាក់ផ្សេងទៀតរងរបួសដោយ ព្យុះកងរី នៅតៃវ៉ាន់ ខណៈវាបានចុះខ្សោយទៅជាព្យុះត្រូពិច បន្ទាប់ពីចាកចេញពីកោះនេះ ប៉ុន្តែនៅតែនាំមកនូវភ្លៀងធ្លាក់ខ្លាំង និងខ្យល់បក់ខ្លាំងបន្តទៅកាន់ទីក្រុងសៀងហៃ និងផ្នែកក្បែរៗនៃឆ្នេរសមុទ្រភាគខាងកើតរបស់ប្រទេសចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារព័ត៌មាន AP នៅថ្ងៃទី០១ខែវិច្ឆិកានេះផ្សាយថា មជ្ឈមណ្ឌលឧតុនិយមជាតិ បានឲ្យដឹងថា ព្យុះ «កងរី» ដែលយកឈ្មោះ«ព្យុះខ្មែរ» បានធ្វើដំណើរទៅភាគឦសានតាមបណ្តោយឆ្នេរប្រទេសចិនដោយមានខ្យល់បក់ក្នុងល្បឿន៨៣ គីឡូម៉ែត្រក្នុងមួយម៉ោង ហើយអាចបោកបក់ក្នុងខេត្ត Zhejiang មុននឹងត្រឡប់ទៅសមុទ្រវិញ ខណៈខេត្ត Zhejiang និងខេត្ត Fujian ដែលនៅជិតខាងបានផ្អាកផ្លូវសាឡាងជាច្រើនកន្លែង មុនពេលព្យុះនេះខិតជិតមកដល់។

ខ្យល់ព្យុះទីហ្វុងនេះបានឆ្លងកាត់ភាគខាងជើងនៃប្រទេសហ្វីលីពីនកាលពីដើមសប្តាហ៍នេះ ដោយជំរុញឱ្យមានការជម្លៀសចេញជាថ្មី តែប៉ុន្មានថ្ងៃបន្ទាប់ពីការបំផ្លិចបំផ្លាញនៃព្យុះត្រូពិច «ត្រាមី» ដែលបានសម្លាប់មនុស្សយ៉ាងហោចណាស់ ១៤៥ នាក់។

ជាមួយគ្នានេ៤ះភ្លៀងធ្លាក់ខ្លាំងដែលបង្កឡើងដោយ ត្រាមី ក៏បានសម្លាប់មនុស្ស ៧នាក់ក្នុងសប្តាហ៍នេះនៅក្នុងខេត្ត Hainan របស់ប្រទេសចិន ខណៈដែលព្យុះនេះបានឆ្លងកាត់ដោយកោះនេះ ដែលត្រូវបានគេស្គាល់ថាជារមណីយដ្ឋានឆ្នេរសមុទ្រភាគខាងត្បូងរបស់ប្រទេស៕