ព័ត៌មានអន្ដរជាតិ

លោក Yoon រងចម្រូងចម្រាសជាថ្មី ក្រោយមហាជនកូរ៉េចោទថា លោកអនុវត្តសាសនា shamanistic

បានផុស

២ years មុន

នៅ

ថ្ងៃសៅរ៍ ៧ ធ្នូ ២០២៤

ដោយ

លោកប្រធានាធិបតី Yoon Suk Yeol បានបង្កើតភាពចម្រូងចម្រាសម្តងទៀត បន្ទាប់ពីអ្នកលេងអ៊ីនធឺណិតកូរ៉េបាន ចោទប្រកាន់ថា លោកបានអនុវត្តសាសនា shamanistic ដែលអាចធ្វើឲ្យមនុស្សម្នាក់មានអំណាចពិសេសជាងគេ ដើម្បីមានឥទ្ធិពលលើវិញ្ញាណ។

រូបថតដែលថតបានមួយសន្លឹក ខណៈពេលដែលគាត់កំពុងដំណើរការយុទ្ធនាការដើម្បីក្លាយជាប្រធានាធិបតី បង្ហាញពីតួអក្សរចិនសម្រាប់ស្តេច (王) ដែលសរសេរនៅលើបាតដៃរបស់គាត់។ មនុស្សជាច្រើនគិតថា នេះប្រហែលជាត្រូវបានចងភ្ជាប់ទៅនឹងជំនឿ shamanistic ជាពិធីមួយដែលការសរសេរតួអក្សរត្រូវបានគេគិតថា នឹងនាំមកនូវសិទ្ធិអំណាច ឥទ្ធិពល ឬសូម្បីតែជ័យជម្នះក្នុងការបោះឆ្នោតក៏ដោយ។

មុនពេលលោកជាប់ឆ្នោត ដើមឡើយតួអក្សរមួយនេះត្រូវបានគេច្រានចោល ដោយអ្នកខ្លះថាមិនសំខាន់ ឬជានិមិត្តរូបតែប៉ុណ្ណោះ ពេលនេះរូបភាពមួយសន្លឹកនេះស្រាប់តែមានទម្ងន់និងក្លាយជារឿងរសើបជាថ្មីម្ដងទៀត ក្នុងចំណោមអ្នកលេងអ៊ីនធឺណិតកូរ៉េជាច្រើន បន្ទាប់ពីប្រធានាធិបតី Yoon បានប្រកាស និងដាក់ច្បាប់អាជ្ញាសឹកទូទាំងប្រទេស កាលថ្ងៃទី ០៣ ខែធ្នូ។

ការពិភាក្សាលើវេទិកាអនឡាញ បានបង្ហាញថា មហាជនមានអារម្មណ៍មិនសប្បាយចិត្ត ដោយមានការព្រួយបារម្ភខ្លះថា លោកប្រធានាធិបតីពឹងផ្អែកទៅលើសាសនានិងជំនឿដើម្បីមកអនុវត្ត។ ជាពិសេសថែមទៀត វារឹតតែគួរឲ្យខ្លាចដែលប្រជាជននៅតែបោះឆ្នោតឲ្យគាត់ បន្ទាប់ពីបានឃើញរូបភាពមួយនោះ។ ស្របពេលដែលមតិខ្លះថែមទាំងចោទលោក Yoon ថាមានការរៀបចំសន្លឹកឆ្នោតឬប្រើជំនឿ shamanistic មកអនុវត្តនៅថ្ងៃបោះឆ្នោត។

ទោះជាបែបនេះក្ដី ក៏មានមតិខ្លះមិនយល់ស្របដោយលើកឡើងវិញថា នេះគ្រាន់តែជាជំនឿផ្ទាល់ខ្លួនតែប៉ុណ្ណោះ! សូម្បីតែប៉ែកលោកខាងលិចមិនថាប្រធានាធិបតី ឬតារាហូលីវូដ ម្នាក់ៗសុទ្ធតែប្រកាន់ភ្ចាប់សាសនាផ្លូវងងឹតខុសៗគ្នា ហើយកាលដែលលោក Yoon មាននិមិត្តសញ្ញាលើបាតដៃ នោះគ្រាន់តែជាការស្រលាញ់ពេញចិត្តតួអក្សរសាសនាជារបៀបរបស់លោកទេ៕