ធ្លាក់យន្តហោះនៅកូរ៉េខាងត្បូង សម្លាប់អ្នកដំណើរ ២៣ នាក់ ខណៈដឹកមនុស្សសរុប ១៨១ នាក់

យោងតាមក្រុមហ៊ុន Korea Airports Corporation និង South Jeolla Fire Headquarters បានឲ្យដឹងថា នៅវេលាម៉ោងប្រហែល ៩:០៧ ព្រឹក ថ្ងៃទី ២៩ នេះ Jeju Air ជើងហោះហើរលេខ 7C2216 ពីទីក្រុងបាងកក ប្រទេសថៃ បានធ្លាក់ ខណៈពេលព្យាយាមចុះចតនៅលើផ្លូវរត់នៃអាកាសយានដ្ឋានអន្តរជាតិ Muan ។ យន្តហោះ​នោះ​បាន​បុក​ជញ្ជាំង​ខាងក្រៅ​ផ្លូវ​រត់ បែក​ពាក់កណ្តាល និង​បណ្តាល​ឲ្យ​ឆេះភ្លាមៗ​។

យន្តហោះដែលជួបកឧបទ្ទវហេតុនេះ គឺជាប្រភេទ B737-800 ដឹកមនុស្សសរុប ១៨១ នាក់ ក្នុងនោះមានអ្នកដំណើរ ១៧៥ នាក់ និងសមាជិកនាវិក ៦ នាក់ ។ មកទល់ពេលនេះ មនុស្សពីរនាក់ត្រូវបានជួយសង្គ្រោះពីផ្នែកខាងក្រោយនៃយន្តហោះ ហើយគេរាយការណ៍ថា មនុស្ស ២៣ នាក់បានស្លាប់នៅនឹងកន្លែងកើតហេតុ។

ទោះបីជាជាយ៉ាងណាក៏ដោយ មន្ត្រីសង្គ្រោះបន្ទាន់មិនបានបញ្ជាក់ភ្លាមៗអំពីជនរងគ្រោះដែលត្រូវបានរាយការណ៍នោះទេ ប៉ុន្តែបាននិយាយថា ចំនួនអ្នកស្លាប់និងរបួសអាចនឹងកើនឡើងនៅពេលពិចារណាលើអ្នកដែលនៅខាងមុខ និងកណ្តាលនៃយន្តហោះ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង​​ ស្រីល័ក្ខ

ចុចអាន៖Lee Min-ho រំឭក​គ្រោះថ្នាក់​វិះស្លាប់ ​​ត្រូវព្យាបាលខ្លួនជិត១ឆ្នាំ​ក្នុង​មន្ទីរពេទ្យយ៉ាងលំបាក