ព័ត៌មានអន្ដរជាតិ

ប្រាយុទ្ធ ចាន់អូចា សប្បាយចិត្ត បើមានអ្នកល្អជាងលោកមកជំនួសតំណែងជានាយករដ្ឋមន្ត្រី

បានផុស

៥ years មុន

នៅ

ថ្ងៃសុក្រ ៦ វិច្ឆិកា ២០២០

ដោយ

នាយករដ្ឋមន្ត្រីថៃ លោក ប្រាយុទ្ធ ចាន់អូចា កាលពីថ្ងៃព្រហស្បត្តិ៍ បានបោះសម្តីយ៉ាងឡូយទៅកាន់ពលរដ្ឋថៃជិត ១០០លាននាក់ ដោយលើកឡើងថា “ខ្ញុំសប្បាយចិត្ត បើ់មាននរណាម្នាក់ល្អជាងខ្ញុំ មកជំនួសដំណែងនាយរដ្ឋមន្ត្រីសម្រាប់ប្រទេសថៃ”។ ដោយថែមទាំងអះអាង លោកធុញទ្រាន់និងការប្រើប្រាស់សិទ្ធិអំណាចរបស់ខ្លួនថែមទៀត។

ថ្លែងក្នុងពិធីសម្ពោធមហាវិទ្យាល័យការពារជាតិ នាយករដ្ឋមន្ត្រីយោធារូបនេះ បញ្ជាក់ថា “បើទៅអនាគត មានមនុស្សល្អជាងខ្ញុំ សមត្ថភាពជាងខ្ញុំ និងស្មោះត្រង់ជាងខ្ញុំ ទោះជាស្រី ឬប្រុស គេនឹងអាចបន្តការងារដឹកនាំប្រទេសជំនួសខ្ញុំបាន”។ យ៉ាងណា លោកបញ្ជាក់ដែរថា ការចាប់ផ្តើមជីវិតក្នុងអំណាច មិនមែនជារឿងលេងសើចទេ ព្រោះលោកបានហ្វឹកហ្វាត់កិច្ចការងារជាច្រើនអំឡុងពេលលោកទទួលភារកិច្ចជាមេទាហានរយៈពេល ៤ឆ្នាំ។

នាយករដ្ឋមន្ត្រីកើតចេញពីរដ្ឋមន្ត្រីយោធារូបនេះ បន្តទៀតថា លោកមិនដែលគិតថាក្លាយជានាយករដ្ឋមន្ត្រីទេ ហើយក៏ជារឿងភ្ញាក់ផ្អើលសម្រាប់លោក ក្នុងតួនាទីជានាយករដ្ឋមន្ត្រីថៃរយៈពេល ៦ឆ្នាំមកនេះ។

លោកថា ការកសាង និងប្រើប្រាស់អំណាចរបស់លោក គឺដើម្បីជួយពលរដ្ឋស្លូតត្រង់ ដាក់ទោសលើមនុស្សប្រព្រឹត្តកំហុស ហើយគ្រាន់តែរឿង ២នាក់ ធ្វើឲ្យលោកពិបាកខ្លាំងណាស់ទៅហើយ។

ក្នុងពេលជាមួយគ្នានេះ លោក ប្រាយុទ្ធ ក៏បានអំពាវនាវឲ្យពលរដ្ឋថៃទាំងអស់រួបរួមគ្នាឡើងវិញ ដោយនិយាយថា ការបង្កើតយុទ្ធសាស្ត្រជាតិ ២០ឆ្នាំ មិនមែនមានន័យថា លោកចង់ក្រាញ់និងអំណាច ២០ឆ្នាំនោះទេ។

“ខ្ញុំប្រហែលជាអាចស្លាប់នៅថ្ងៃនេះ ឬថ្ងៃស្អែក គ្មាននរណាដឹងមុខទេ” នេះជាសម្តីរបស់លោក ប្រយុទ្ធ ថ្លែងទៅកាន់សិក្ខាកាមយោធា៕

ប្រែសម្រួល៖ សុភា
ប្រភព៖ Bangkok Post