ព័ត៌មានអន្ដរជាតិ
មនុស្សប្រមាណ៧០នាក់ស្លាប់ក្នុងការវាយប្រហារលើមន្ទីរពេទ្យនៅក្រុង El Fasher ប្រទេសស៊ូដង់
ប្រធានអង្គការសុខភាពពិភពលោក បានឲ្យដឹងថា មនុស្សប្រហែល៧០នាក់ត្រូវបានសម្លាប់នៅក្នុងការវាយប្រហារលើមន្ទីរពេទ្យដ៏សំខាន់តែមួយគត់នៅក្នុងទីក្រុង El Fasher ដែលត្រូវបានឡោមព័ទ្ធក្នុងប្រទេសស៊ូដង់។ នេះបើយោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី២៧ខែមករានេះ។
លោក Tedros Adhanom Ghebreyesus អគ្គនាយកអង្គការសុខភាពពិភពលោក (WHO) បានបង្ហោះអំពីចំនួនអ្នកស្លាប់ក្នុងការវាយប្រហារមន្ទីរពេទ្យនៅ El Fasher នៅលើវេទិកាបណ្តាញសង្គម X ខណៈក្រុមមន្ត្រី និងអ្នកផ្សេងទៀតនៅក្នុងរដ្ឋធានី North Darfur ក៏បានដកស្រង់តួលេខស្រដៀងគ្នានេះដែរ។
លោក Tedros បានសរសេរថា៖«ការវាយប្រហារដ៏គួរឱ្យរន្ធត់លើមន្ទីរពេទ្យ Saudi Teaching Maternal Hospital នៅទីក្រុង El Fasher ប្រទេសស៊ូដង់ បានបណ្តាលឱ្យមនុស្ស១៩នាក់រងរបួសនិង៧០នាក់បានស្លាប់ក្នុងចំណោមអ្នកជំងឺ»។
លោក Tedros មិនបានកំណត់អត្តសញ្ញាណថា ភាគីខាងណាជាអ្នកបើកការវាយប្រហារនោះទេ ទោះបីជាមន្ត្រីក្នុងតំបន់ទម្លាក់កំហុសទៅលើ RSF ចំពោះការវាយប្រហារនេះក៏ដោយ។ ក្រសួងការបរទេសរបស់ប្រទេសស៊ូដង់ក៏បានចោទប្រកាន់ RSF ថាបានបើកការវាយប្រហារដោយយន្តហោះគ្មានមនុស្សបើកសំដៅទៅបន្ទប់សង្គ្រោះបន្ទាន់របស់មន្ទីរពេទ្យផងដែរ។
ពាក់ព័ន្ធបញ្ហានេះក្រសួងការបរទេសអារ៉ាប៊ីសាអូឌីត បានថ្កោលទោសការវាយប្រហារនេះថា ជាការបំពានច្បាប់អន្តរជាតិ ខណៈការប៉ុនប៉ងសម្រុះសម្រួលអន្តរជាតិ និងការដាក់សម្ពាធ រួមទាំងការវាយតម្លៃរបស់សហរដ្ឋអាមេរិកដែលថា RSF និងភ្នាក់ងាររបស់ខ្លួនកំពុងប្រព្រឹត្តអំពើប្រល័យពូជសាសន៍ និងការដាក់ទណ្ឌកម្មលើ Burhan មិនបានបញ្ឈប់ការប្រយុទ្ធគ្នានោះទេ។
ទីក្រុង El Fasher មានចម្ងាយជាង ៨០០ គីឡូម៉ែត្រ ភាគនិរតីនៃរដ្ឋធានី Khartoum ។ ឥឡូវនេះទីក្រុងនេះត្រូវបានគេប៉ាន់ស្មានថា ជាកន្លែងរស់នៅរបស់មនុស្សជាង១លាននាក់ ភាគច្រើនត្រូវបានផ្លាស់ទីលំនៅដោយសារសង្រ្គាម។
អង្គការសហប្រជាជាតិ បាននិយាយកាលពីខែធ្នូថា ការឡោមព័ទ្ធរបស់ RSF បានសម្លាប់ជនស៊ីវិល ៧៨២នាក់ និងរបួសជាង ១១៤នាក់ផ្សេងទៀត ដោយព្រមានថា តួលេខនេះទំនងជាខ្ពស់ជាងនេះ។
គួររម្លឹកថា យោធារបស់ RSF និងស៊ូដង់ បានចាប់ផ្តើមប្រយុទ្ធគ្នាក្នុងខែមេសា ឆ្នាំ២០២៣។ ជម្លោះរវាងពួកគេបានសម្លាប់មនុស្សជាង ២៨០០០នាក់ បង្ខំមនុស្សរាប់លាននាក់ឱ្យភៀសខ្លួនចេញពីផ្ទះ និងទុកឱ្យគ្រួសារមួយចំនួនបរិភោគស្មៅជំនួសបាយ ខណៈគ្រោះរទុរ្ភិក្សបានវាយប្រហារផ្នែកខ្លះនៃប្រទេស៕
អត្ថបទ៖ ប៊ុន សុភាព
-
កីឡា២ ថ្ងៃ agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ៤ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
ព័ត៌មានអន្ដរជាតិ៧ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៤ ម៉ោង agoសេតវិមានអះអាងថា អ៊ីរ៉ង់នៅតែចង់ធ្វើកិច្ចព្រមព្រៀងជាមួយអាមេរិក ទោះកំពុងវាយគ្នាក៏ដោយ
-
ព័ត៌មានជាតិ២១ ម៉ោង agoប្រធានមន្ទីររៀបចំដែនដី ៖ កំណែទម្រង់ថ្មី ការស្នើសុំបណ្ណកម្មសិទ្ធិនៅភ្នំពេញ ចំណាយពេលត្រឹម ១ ខែប៉ុណ្ណោះ
-
ព័ត៌មានជាតិ៣ ថ្ងៃ agoយន្តហោះ F-16 ថៃទម្លាក់គ្រាប់បែក MK-82 ចំនួន៧គ្រាប់កម្ទេចស្ពានជ័យជម្នះ លោក ហេង រតនា លើកឡើងពីប្រវត្តិសាងសង់ឆ្នាំ១៩៨៤
-
កីឡា១ ថ្ងៃ agoអាហ្សង់ទីន បញ្ចប់ក្តីស្រមៃ ៦០ ឆ្នាំ របស់ អង់គ្លេស ឡើងទៅវគ្គផ្តាច់ព្រ័ត្រជើងឯកពិភពលោក World Cup 2026
-
កីឡា៣ ម៉ោង agoយុវតី បឿន ស្រីឡែន ចាប់អាជីពប្រដាល់ព្រោះចង់រកចំណូលជួយដល់គ្រួសារ និងសាងកេរ្តិ៍ឈ្មោះលើវិថីកីឡាមួយនេះ