ព័ត៌មានអន្ដរជាតិ
អាមេរិក៖ ចោរលួចស៊ុត១ម៉ឺនគ្រាប់ពីកសិដ្ឋានមួយ ចំពេលតម្លៃស៊ុតហក់ឡើង
ចោរលួចស៊ុត១០០០០គ្រាប់ មានតម្លៃ៤ម៉ឺនដុល្លារ ពីកសិដ្ឋានមួយក្នុងរដ្ឋ Pennsylvania សហរដ្ឋអាមេរិក ចំពេលមានព័ត៌មានអំពីការរីករាលដាលជំងឺផ្តាសាយបក្សីធ្វើឱ្យតម្លៃស៊ុតហក់ឡើងយ៉ាងខ្លាំង។ នេះបើយោងតាមការចេញផ្សាយរបស់សារព័ត៌មាន BBC នៅថ្ងៃទី៦ខែកុម្ភៈនេះ។

ប៉ូលិសអាមេរិក បានឲ្យដឹងថា ចោរបានលួចស៊ុតពីកន្លែងដាក់ស៊ុតរបស់កសិដ្ឋាន Pete & Gerry’s Organics ក្នុងតំបន់ Greencastle រដ្ឋ Pennsylvania កាលពីយប់ថ្ងៃទី១ខែកុម្ភៈ។ ប៉ូលិសមិនទាន់បានបញ្ចេញព័ត៌មានណាមួយអំពីជនសង្ស័យ ឬរបៀបដែលចោរលួចយកស៊ុតទាំងនោះទេ ខណៈស៊ុតទាំងនោះមានតម្លៃប្រហែល៤ម៉ឺនដុល្លារ។
យោងសេចក្តីរាយការណ៍ ហេតុការណ៍នេះបានកើតឡើង ចំពេលដែលតម្លៃស៊ុតបានកើនឡើង ដោយសារមានការរីករាលដាលនៃជំងឺផ្តាសាយបក្សីធ្វើឱ្យស៊ុតមានតម្លៃថ្លៃមិននឹកស្មានដល់ ដោយខ្សែច្រវ៉ាក់អាហារជាតិ Waffle House ទើបតែដំឡើងថ្លៃស៊ុត។
ទិន្នន័យរបស់រដ្ឋាភិបាលអាមេរិក បានបង្ហាញថា តម្លៃស៊ុតបានកើនឡើងជាង៦៥%ធៀបឆ្នាំមុន។ នាយកដ្ឋានកសិកម្មបានព្យាករណ៍ថា ការចំណាយនឹងកើនឡើងប្រហែល២០%នៅឆ្នាំ២០២៥នេះ។ ទិន្នន័យពីនាយកដ្ឋានក៏បង្ហាញពីតម្លៃជាមធ្យមសម្រាប់ស៊ុតប្រអប់មួយគឺ ២.៥១ ដុល្លារ ក្នុងខែធ្នូ ឆ្នាំ២០២៣ ហើយឡើងដល់ ៤.១៥ ក្នុងឆ្នាំ២០២៤។

កាលពីថ្ងៃអង្គារ ខ្សែច្រវ៉ាក់ផ្គត់ផ្គង់អាហារជាតិ Waffle House បានប្រកាសពីការគិតថ្លៃបន្ថែមចំនួន ០.៥០ ក្នុងស៊ុតមួយគ្រាប់។ Waffle House បានហៅថា វាជា «ការគិតថ្លៃបន្ថែមជាបណ្តោះអាសន្នដែលកើនឡើងមិនធ្លាប់មានពីមុនមកចំពោះតម្លៃស៊ុត» ។
យោងតាមនាយកដ្ឋានកសិកម្ម បានឱ្យដឹងថា ជំងឺផ្តាសាយបក្សីចាប់តាំងពីឆ្នាំ២០២២ បានធ្វើឲ្យតម្លៃស៊ុតឡើងថ្លៃជាបន្តបន្ទាប់។ ក្នុងរយៈពេលប៉ុន្មានខែថ្មីៗនេះ ការរីករាលដាលនៃជំងឺផ្តាសាយបក្សីត្រូវបានគេរាយការណ៍នៅក្នុងកសិដ្ឋានចិញ្ចឹមសត្វបក្សី គោក្របី និងថនិកសត្វនៅទូទាំងសហរដ្ឋអាមេរិក ធ្វើឲ្យតម្លៃស៊ុតកើនឡើងជាង៨%នៅក្នុងខែធ្នូឆ្នាំមុន៕

អត្ថបទ៖ ប៊ុន សុភាព

-
សេចក្ដីជូនដំណឹង១ សប្តាហ៍ ago
ការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
-
សន្តិសុខសង្គម៨ ម៉ោង ago
ច្រករបៀងមួយចំនួនក្នុងភូមិសាស្ត្រខេត្តបាត់ដំបង បានបិទបណ្ដោះអាសន្ន
-
ព័ត៌មានជាតិ១ សប្តាហ៍ ago
នាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ១ សប្តាហ៍ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
នយោបាយ២ ថ្ងៃ ago
កម្ពុជានឹងមិនចរចាជាមួយថៃរឿងព្រំដែន៤កន្លែងដែលប្ដឹងទៅ ICJ ទេ
-
ព័ត៌មានជាតិ១ ថ្ងៃ ago
ក្រុមប្រឹក្សាសន្ដិសុខធ្លាប់ព្រមានដកថៃចេញពីអង្គការសហប្រជាជាតិក្រោយពីមិនទទួលស្គាល់សេចក្ដីសម្រេចរបស់ ICJ
-
ព័ត៌មានអន្ដរជាតិ២ ថ្ងៃ ago
ថៃ កំពុងមានជម្លោះជាមួយអ្នកជិតខាង ជុំទិស
-
ព័ត៌មានអន្ដរជាតិ៣ ថ្ងៃ ago
ត្រី Oarfish បង្ហាញវត្តមាននៅប្រទេស អូស្រ្តាលី