៧ប្រទេស ប្រឈមហានិភ័យវាយប្រហារដោយអាចម៍ផ្កាយ ក្នុងឆ្នាំ២០៣២

ឥឡូវអង្គការណាសាបានចេញការព្រមានថា អាចម៌ផ្កាយដែលគេឲ្យរហ័សនាមថា «អ្នកពិឃាដទីក្រុង» កាន់តែមានឱកាសច្រើនឡើងៗហើយក្នុងការហោះមកបុកផែនដីនៅ៧ឆ្នាំខាងមុខ ខណៈអ្នកវិទ្យាសាស្រ្តវិភាគឃើញថា មានប្រទេសចំនួន៩ដែលអាចប្រឈមនឹងការវាយប្រហារដោយអាចម៍ផ្កាយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំបូងឡើយ ណាសា ប្រកាសថា អាចម៌ផ្កាយ 2024 YR4 មានឱកាសហោះបុកផែនដីត្រឹម ១,២%ប៉ុណ្ណោះ ប៉ុន្តែក្រោយមកឱកាសរបស់វាបានឡើងដល់ ១,៣% ហើយពេលនេះឡើងដល់ ២,៤%ឯណោះ។ 

កាលពីដើមខែកុម្ភៈ អង្គការណាសា បានវិភាគគន្លងរបស់អាចម៍ផ្កាយដែលមានអង្កត់ផ្ចិតចន្លោះ៤០ម៉ែត្រទៅ១០០ម៉ែត្រមួយនេះ ហើយមើលឃើញថា វាអាចហោះមកបុកផែនដីនៅថ្ងៃទី២២ខែធ្នូឆ្នាំ២០៣២។

លោក David Rankin វិស្វករនៃគម្រោង Catalina Sky Survey របស់ ណាសា សន្និដ្ឋានថា យោងតាមគន្លងហោះ, 2024 YR4 អាចធ្លាក់នៅភាគខាងជើងតំបន់អាមេរិកខាងត្បូង ឬអាចនៅទូទាំងមហាសមុទ្រប៉ាស៊ីហ្វិក ភាគខាងត្បូងទ្វីបអាស៊ី សមុទ្រអារ៉ាប់ ឬទ្វីបអាហ្វ្រិក។ 

ទន្ទឹមនោះ លោកបានចុចឈ្មោះប្រទេសចំនួន៩ ដាក់ចូលក្នុងបញ្ជីដែលមានហានិភ័យវាយប្រហារដោយអាច៍ផ្កាយ ដូចជា ឥណ្ឌា ប៉ាគីស្ថាន បង់ក្លាដែស អេត្យូពី ស៊ូដង់ នីហ្សេរីយ៉ា វេណេស៊ុយអេឡា កូឡុំប៊ី និងអេក្វាទ័រ។

លើសពីនេះក្រុមអ្នកវិទ្យាសាស្រ្ត ជឿថា អាចផ្កាយ 2024 YR4 នឹងបង្កការផ្ទុះនៅលើអាកាសពេលវាហោះបុកបរិយាកាសផែនដី ហើយនៅពេលធ្លាក់លើដី វានឹងបង្កការផ្ទុះមានកម្លាំងស្មើគ្រាប់បែក TNT ៥០លានតោន ដោយនឹងបំផ្លាញអ្វីៗនៅជុំវិញវាក្នុងរង្វង់ ៤៨គីឡូម៉ែត្រ។

យ៉ាងណា ក្រុមអ្នកវិទ្យាសាស្រ្ត បានអំពាវនាវដល់គ្រប់គ្នាកុំទាន់ព្រួយបារម្ភខ្លាំងពេក ព្រោះអង្គការណាសាកំពុងតាមដាន 2024 YR4 យ៉ាងយកចិត្តទុកដាក់បំផុត ហើយកំពុងធ្វើការងារដើម្បីធានា ១០០%ថា អាចម៍ផ្កាយនេះ នឹងមិនបុកផែនដីឡើយ៕ 

អត្ថបទ៖ សុខ សុវណ្ណ

ចុចអាន៖ ណាសាព្រមាន! អាចម៍ផ្កាយ «អ្នកពិឃាដទីក្រុង» អាចហោះបុកផែនដី នៅ ៧ឆ្នាំទៀត