ហ្ស៊កដានី ជម្លៀសកុមារ ២៩នាក់ ចេញពីហ្គាហ្សា ដើម្បីព្យាបាល

កុមារនៅហ្គាហ្សាចំនួន ២៩នាក់ រួមជាមួយក្រុមគ្រួសាររបស់ពួកគេត្រូវបានជម្លៀសទៅកាន់ប្រទេសហ្ស៊កដានីកាលពីថ្ងៃអង្គារ​​ទី​៤​ខែ​មីនា​ ដើម្បីទទួលបានការព្យាបាលបន្ទាប់ពីរងគ្រោះដោយសារសង្គ្រាមរយៈពេល១៥ខែ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមការចេញផ្សាយរបស់ទីភ្នាក់ងារព័ត៌មានXinhua ការបញ្ជូននេះគឺជាក្រុមដំបូងនៃកុមារចំនួន ២ ០០០ នាក់ដែលនឹងទទួលការព្យាបាលនៅប្រទេសហ្ស៊កដានី។ កងកម្លាំងប្រដាប់អាវុធហ្ស៊កដានីបាននិយាយថា ការជម្លៀសត្រូវបានសម្របសម្រួលដោយកងទ័ព អង្គការសុខភាពពិភពលោក និងក្រសួងសុខាភិបាល ដែលជាផ្នែកមួយនៃគំនិតផ្តួចផ្តើមច្រករបៀងវេជ្ជសាស្រ្ដហ្ស៊កដានី។

ក្នុងសន្និសីទសារព័ត៌មានមួយ លោក Mustafa Al-Hiyari នាយកប្រព័ន្ធផ្សព្វផ្សាយយោធា បាននិយាយថា កុមារ ៤នាក់ ត្រូវបានជម្លៀសតាមឧទ្ធម្ភាគចក្រពីកងទ័ពអាកាសហ្ស៊កដានី តាមរយៈអាកាសយានដ្ឋានយោធា Marka ហើយកុមារ ២៥នាក់ ត្រូវបានជម្លៀសតាមផ្លូវគោកតាមរថយន្តសង្គ្រោះឆ្លងកាត់ស្ពាន King Hussein។

ការបញ្ជូននេះគឺដោយសារតែជម្ងឺខ្លះត្រូវការវះកាត់ដែលមិនអាចធ្វើបាននៅហ្គាហ្សា ខណៈ​ប្រហែល ៨០% នៃមន្ទីរពេទ្យ និងគ្លីនិកត្រូវបានបំផ្លាញ ហើយគ្រូពេទ្យ គិលានុបដ្ឋាយិកា និងបុគ្គលិកពេទ្យ១០០០ នាក់ផ្សេងទៀតត្រូវបានសម្លាប់។

យោងតាមលោក Al-Hiyari ចំនួនអ្នកជំងឺសរុបដែលត្រូវបានព្យាបាលនៅក្នុងមន្ទីរពេទ្យដែលគាំទ្រដោយប្រទេសហ្ស៊កដានីនៅហ្គាហ្សានិងតំបន់ West Bank ចាប់តាំងពីការចាប់ផ្តើមជម្លោះរវាងក្រុមហាម៉ាសនិងអ៊ីស្រាអែលមានលើសពីកន្លះលាននាក់៕

អត្ថបទ៖