ព័ត៌មានអន្ដរជាតិ
អ៊ីស្រាអែល ផ្ដាច់ភ្លើងតំបន់ហ្គាហ្សា មុនចាប់ផ្ដើមកិច្ចចរចាថ្មី
អ៊ីស្រាអែល បានកាត់ផ្តាច់ការផ្គត់ផ្គង់អគ្គិសនីទៅកាន់តំបន់ហ្គាហ្សាស្ទ្រីប ដែលធ្វើឲ្យវិបត្តិមនុស្សធម៌ក្នុងតំបន់កាន់តែលំបាកខ្លាំង សម្រាប់មន្ទីរពេទ្យ ក្រុមគ្រួសារប្រជាជនប៉ាឡេស្ទីន និងសេវាកម្មសំខាន់ៗ។
ការសម្រេចចិត្តរបស់អ៊ីស្រាអែល ធ្វើឡើងដើម្បីដាក់សម្ពាធក្រុមហាម៉ាសឲ្យពន្យារពេលដំណាក់កាលដំបូងនៃបទឈប់បាញ់ និងធានាការដោះលែងចំណាប់ខ្មាំងដែលឃុំខ្លួននៅហ្គាហ្សា។
យោងតាមការចុះផ្សាយរបស់ Al Jazeera នៅថ្ងៃទី១០ខែមីនានេះ ក្រុមចរចារបស់អ៊ីស្រាអែល នឹងទៅដល់ទីក្រុងដូហា ខណៈដែលអ្នកសម្រុះសម្រួលមកពីប្រទេសអេហ្ស៊ីប កាតា និងសហរដ្ឋអាមេរិកព្យាយាមធ្វើឲ្យកិច្ចព្រមព្រៀងបទឈប់បាញ់ដ៏ផុយស្រួយរវាងអ៊ីស្រាអែល និងក្រុមហាម៉ាសអាចដំណើរការឡើងវិញ។
ក្រុមហាម៉ាស បានថ្កោលទោសការសម្រេចចិត្តរបស់អ៊ីស្រាអែលក្នុងការកាត់ផ្តាច់អគ្គិសនីនៅហ្គាហ្សា ដែលជាទង្វើគំរាមកំហែងដល់រោងចក្របំប្លែងទឹកស្អាតតែមួយគត់របស់តំបន់។ ហាម៉ាស បានចាត់ទុកទង្វើនេះថាជា«ការគំរាមកំហែងដ៏ថោកទាប និងមិនអាចទទួលយកបាន»។
អង្គការសហប្រជាជាតិ និងអង្គការមនុស្សធម៌ បានថ្កោលទោស និងហៅវិធានការរបស់អ៊ីស្រាអែលថាជាទម្រង់នៃការដាក់ទណ្ឌកម្ម ដែលធ្វើឲ្យការឈឺចាប់របស់ប្រជាជនស៊ីវិលនៅតំបន់ហ្គាហ្សាកាន់តែធ្ងន់ធ្ងរ។ អង្គការសហប្រជាជាតិក៏បានព្រមានផងដែរថា ការកាត់ផ្តាច់ចរន្តអគ្គិសនីនឹងបំផ្លាញសេវាថែទាំសុខភាពសំខាន់ៗបន្ថែមទៀត ដែលស្ថិតក្រោមភាពតានតឹងចាប់តាំងពីការផ្ទុះឡើងនៃអរិភាព។
ថ្មីៗនេះ នាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ បានប្រកាសបដិសេធមិនចូលរួមក្នុងការចរចាសម្រាប់ដំណាក់កាលទីពីរនៃបទឈប់បាញ់ហ្គាហ្សា និងកិច្ចព្រមព្រៀងផ្លាស់ប្តូរអ្នកទោស។ ផ្ទុយទៅវិញ លោកចង់ពន្យារពេលអូសបន្លាយដំណាក់កាលដំបូង ខណៈក្រុមហាម៉ាសបានទទូចឲ្យប្រកាន់ខ្ជាប់នូវកិច្ចព្រមព្រៀងកាលពីថ្ងៃទី១៩ខែមករា ដើម្បីឈានចូលដល់ដំណាក់កាលទីពីរ ដែលនាំទៅដល់ការដកទ័ពអ៊ីស្រាអែលជាអចិន្ត្រៃយ៍ និងបញ្ចប់សង្រ្គាម។
សូមបញ្ជាក់ថា ក្រសួងសុខាភិបាលហ្គាហ្សា បានបញ្ជាក់ពីការស្លាប់ជនជាតិប៉ាឡេស្ទីនចំនួន ៤៨ ៤៥៣នាក់ និងមនុស្ស ១១១ ៨៦០នាក់បានរងរបួស ក្នុងការវាយប្រហាររបស់អ៊ីស្រាអែលទៅលើតំបន់ហ្កាហ្សា។ ចំណែកឯការិយាល័យប្រព័ន្ធផ្សព្វផ្សាយរដ្ឋាភិបាលបានធ្វើបច្ចុប្បន្នភាព ចំនួនអ្នកស្លាប់របស់ខ្លួនដល់យ៉ាងហោចណាស់ ៦១ ៧០៩នាក់ ដោយនិយាយថា ប្រជាជនប៉ាឡេស្ទីនរាប់ពាន់នាក់ដែលបាត់ខ្លួននៅក្រោមគំនរបាក់បែកត្រូវគេសន្មត់ថាបានស្លាប់។
ដោយឡែក ក្នុងអំឡុងការវាយប្រហាររបស់ហាម៉ាសទៅលើប្រទេសអ៊ីស្រាអែលកាលពីថ្ងៃទី៧ខែតុលាឆ្នាំ២០២៣ យ៉ាងហោចណាស់មនុស្ស ១ ១៣៩នាក់ត្រូវបានសម្លាប់ ហើយមនុស្សជាង ២០០នាក់ត្រូវបានចាប់ខ្លួនទៅតំបន់ហ្គាហ្សា៕
ដោយ៖ ឈាង
ចុចអាន៖ បារាំង អង់គ្លេស និងអាល្លឺម៉ង់ ជំរុញឲ្យអ៊ីស្រាអែលបើកជំនួយចូលតំបន់ហ្គាហ្សាឡើងវិញ
បណ្ឌិត លី ឆេង បន្តជំរុញឱ្យយុវជនខិតខំយកសិក្សារៀនសូត្របន្ថែមទៀត ដើម្បីក្លាយជាមូលធនមនុស្សដ៏សំខាន់របស់សង្គមជាតិ
លោក តាន់ ហ្សង់ហ្វ្រង់ស្វ័រ÷ ករណីយល់ច្រឡំគ្នារវាងសមាជិកសភាជប៉ុន ជាមួយទូតកម្ពុជា មិនអាចធ្វើឱ្យទំនាក់ទំនងកម្ពុជាជប៉ុនស្រុតចុះឡើយ
សមត្ថកិច្ចខណ្ឌកំបូល ឃាត់ម៉ូតូដែលប្រេីប្រាស់សុីម៉ាំងបំពងសំឡេងកែច្នៃ១០គ្រឿង
ការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
អាជ្ញាធរខេត្តជាប់ព្រំដែន អះអាងថា ច្រកទ្វាររវាងកម្ពុជា-ថៃ គឺដំណើរការធម្មតា ពុំមានការបិទឡើយ
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
នាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
ទឹកជំនន់ដ៏សាហាវ សម្លាប់មនុស្ស១១៥ នាក់នៅ នីហ្សេរីយ៉ា
រុស្ស៊ី ទម្លាយមូលហេតុដែល ហ្សេលេនស្គី ស្វះស្វែងឲ្យមានកិច្ចប្រជុំត្រីភាគី ជាមួយ ពូទីន និងត្រាំ
កម្លាំងបន្តល្បាតតាមខ្សែបន្ទាត់ព្រំដែន ក្នុងភូមិសាស្ត្រខេត្តឧត្តរមានជ័យ
-
ព័ត៌មានជាតិ១ សប្តាហ៍ agoសពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
ព័ត៌មានជាតិ២ ថ្ងៃ agoកម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
សន្តិសុខសង្គម៧ ថ្ងៃ agoនគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
ព័ត៌មានជាតិ៥ ថ្ងៃ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
នយោបាយ១៩ ម៉ោង agoព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
សន្តិសុខសង្គម៧ ថ្ងៃ agoតុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
ព័ត៌មានជាតិ៣ ថ្ងៃ agoអាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ៣ ថ្ងៃ agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ