ព័ត៌មានអន្ដរជាតិ

តើនឹងមានអ្វីកើតឡើង បើលោក Yoon ត្រូវបានបណ្តេញចេញពីអំណាច?

បានផុស

១ year មុន

នៅ

ថ្ងៃសុក្រ ៤ មេសា ២០២៥

ដោយ

ជោគវាសនាត្រឡប់ទៅកាន់អំណាចក្នុងនាមជាប្រធានាធិបតីកូរ៉េខាងត្បូងវិញរបស់ លោក Yoon Suk-yeol នឹងត្រូវដឹង ក្នុងពេលដ៏ខ្លីខាងមុខនេះ ខណៈតុលាការធម្មនុញ្ញកូរ៉េខាងត្បូងកំពុងរៀបចំប្រកាសសាលក្រមដែលកើតចេញពីការបោះឆ្នោតរបស់ចៅក្រម៨រូប នៃចៅក្រម៩រូបរបស់តុលាការធម្មនុញ្ញ និងក្រោមការរឹតបន្តឹងសន្តិសុខដ៏ខ្លាំងក្លាបំផុតនៅថ្ងៃនេះ។

លោក Yoon Suk-yeol ពេលចូលស្តាប់សវនាការនៅតុលាការធម្មនុញ្ញ។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Yoon Suk Yeol ដែលកំពុងដាក់ការតស៊ូចុងក្រោយសម្រាប់ជីវិតនយោបាយរបស់គាត់នៅតុលាការធម្មនុញ្ញដែលជាស្ថាប័នយុត្តិធម៌ចុងក្រោយ បិទផ្លូវតវ៉ា បន្ទាប់ពីការប្រកាសសាលក្រម។ ក្នុងករណី ចៅក្រមតុលាការធម្មនុញ្ញ៦រូបក្នុងចំណោម៨រូប មិនបោះឆ្នោតគាំទ្រការទម្លាក់ពីអំណាច ពេលនោះ ប្រធានាធិបតី Yoon Suk Yeol នឹងត្រូវវិលត្រឡប់ទៅកាន់អំណាចវិញ។

ប៉ុន្តែក្នុងករណីដែលចៅក្រមនៃតុលាការធម្មនុញ្ញ ចាប់ពី៦រូបបានបោះឆ្នោតគាំទ្រការចោទប្រកាន់របស់សភាក្នុងការទម្លាក់អំណាច ពេលនោះ ប្រធានាធិបតី Yoon Suk Yeol នឹងត្រូវអស់អំណាច ហើយ ប្រធានាធិបតីស្តីទីបច្ចុប្បន្ន លោក Han Duck-soo នឹងបន្តតូនាទី ហើយប្រទេសកូរ៉េនឹងត្រូវប្រកាសរៀបចំការបោះឆ្នោតប្រធានាធិបតីថ្មីក្នុងរយៈពេល៦០ថ្ងៃ៕

ដោយ រ៉ាន់ រើយ