ផុតបទឈប់បាញ់បុណ្យ Easter ភ្លាម រុស្ស៊ី បាញ់ស្រោចមិនញញើតដៃ លើអ៊ុយក្រែនភ្លែត

គ្រាន់តែបទឈប់បាញ់ពិធីបុណ្យ Easter ផុតកំណត់ភ្លាម ប្រធានាធិបតីរុស្ស៊ី វ្ល៉ាឌីមៀរ ពូទីន ក៏ចេញបញ្ជាឲ្យកងទ័ព បើកយុទ្ធនាការវាយប្រហារទ្រង់ទ្រាយធំលើអ៊ុយក្រែន ដោយបាញ់ស្រោចមិនញញើតដៃឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់សារព័ត៌មាន Independent, នៅព្រឹកព្រលឹមថ្ងៃចន្ទទី២១ខែមេសាឆ្នាំ២០២៥ ស៊ីរ៉ែនប្រកាសអាសន្នការវាយប្រហារអាកាស បានបន្លឺឡើងសឹងពេញប្រទេសអ៊ុយក្រែន ខណៈមានសេចក្តីរាយការណ៍ថា ការផ្ទុះដ៏ធំបានអង្រួនទីក្រុងភាគខាងកើត Mykolaiv។

ស៊ីរ៉ែនប្រកាសអាសន្នបានបន្លឺឡើងនៅតាមទីក្រុងនិងតំបន់ធំៗដូចជា Kyiv, Kherson, Dnipro, Cherkasy, Mykolaiv និង Zaporizhzhia ហើយនៅកន្លែងខ្លះក៏មានរបាយការណ៍អំពីការវាយប្រហារដោយមីស៊ីលនិងដ្រូនផងដែរ។

ទោះបីជាយ៉ាងណាក៏ដោយ មិនទាន់មានសេចក្តីរាយការណ៍អំពីតួលេខជនរងគ្រោះនិងការខូចខាតអ្វីនោះទេ។

រម្លឹកទៅថ្ងៃសៅរ៍ទី១៩ខែមេសា លោកពូទីន បានប្រកាសបទឈប់បាញ់មនុស្សធម៌៣០ម៉ោងអំឡុងពិធីបុណ្យ Easter ដោយចូលជាធរមានចាប់ពីម៉ោង៦:០០នាទីល្ងាច។

យ៉ាងណា ភាគីទាំងពីរបានចោទដាក់គ្នាអំពីការបំពានបទឈប់បាញ់នេះ ដោយរុស្ស៊ីចោទថា អ៊ុយក្រែន បានរំលោភជាង ១ ៣០០ដង ឯអ៊ុយក្រែនវិញ ចោទរុស្ស៊ីថា រំលោភជិត ៣ ០០០ដង៕

អត្ថបទ៖ សុខ សុវណ្ណ

ចុចអាន៖ រុស្ស៊ី ចោទ អ៊ុយក្រែន រំលោភបទឈប់បាញ់បុណ្យ Easter ជាង ១ ៣០០ដង ឯអ៊ុយក្រែន ចោទរុស្ស៊ីវិញ រំលោភ ជិត៣ ០០០ដង