ព័ត៌មានអន្ដរជាតិ
ប្រមុខការទូតកំពូលអាមេរិក ចូលរួមក្នុងកិច្ចប្រជុំសន្តិភាពអ៊ុយក្រែននៅតួកគី
រដ្ឋមន្ត្រីការបរទេសអាមេរិក លោក Marco Rubio បានទៅដល់ទីក្រុងអ៊ីស្តង់ប៊ុលហើយ ដើម្បីចូលរួមការចរចាសន្តិភាពរវាងរុស្ស៊ី និងអ៊ុយក្រែន ដែលមានតួកគីធ្វើជាម្ចាស់ផ្ទះ។ កិច្ចចរចាសន្តិភាពនេះ គ្រោងធ្វើឡើងនៅរសៀលថ្ងៃសុក្រទី១៦ខែឧសភាឆ្នាំ២០២៥នេះ នៅឯការិយាល័យប្រធានាធិបតី Dolmabahçe ដែលនេះគឺជាការពិភាក្សាដោយផ្ទាល់លើកដំបូងរវាងក្រុងកៀវ និងក្រុងមូស្គូក្នុងរយៈពេលជាង៣ឆ្នាំបន្ទាប់ពីផ្ទុះសង្គ្រាម។
វត្តមាននៅក្នុងកិច្ចប្រជុំដ៏សំខាន់មួយនេះ មានដូចជា រដ្ឋមន្ត្រីការបរទេសតួកគី លោក Hakan Fidan, គណៈប្រតិភូអាមេរិកដឹកនាំដោយលោក Rubio, គណៈប្រតិភូអ៊ុយក្រែនដឹកនាំដោយរដ្ឋមន្ត្រីការពារជាតិ លោក Rustem Umerov និងគណៈប្រតិភូរុស្ស៊ីដឹកនាំដោយលោក Vladimir Medinsky ដែលជាទីប្រឹក្សាប្រធានាធិបតី វ៉្លាឌីមៀរ ពូទីន។
លោក Rubio បាននិយាយថា គណៈប្រតិភូអាមេរិកនឹងជួបជាមួយគណៈប្រតិភូជាន់ខ្ពស់មកពីអ៊ុយក្រែន និងចូលរួមក្នុងការចរចារវាងរុស្ស៊ី-អ៊ុយក្រែន។
ថ្វីត្បិតនេះគឺជាកិច្ចពិភាក្សាដោយផ្ទាល់រវាងភាគីជម្លោះ លោក Rubio បានសម្តែងការមន្ទិលសង្ស័យអំពីការសម្រេចបាននូវការឯកភាពគ្នា ដោយលើកឡើងពីអវត្តមានរបស់ប្រធានាធិបតី ពូទីន និងការបញ្ជូនតំណាងថ្នាក់ទាបពេករបស់រុស្ស៊ី។ លោកបានសង្កត់ធ្ងន់ថា ដំណើរការដែលមានប្រយោជន៍ ទំនងជាតម្រូវឲ្យមានការចូលរួមផ្ទាល់រវាងលោកប្រធានាធិបតីអាមេរិក ដូណាល់ ត្រាំ និងលោក ពូទីន។
ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី ក៏បានរិះគន់គណៈប្រតិភូរុស្ស៊ីផងដែរ ដោយហៅពួកគេថាជា «ទីងមោង»និងចោទសួរអំពីការប្តេជ្ញាចិត្តរបស់ទីក្រុងមូស្គូចំពោះដំណើរការសន្តិភាព។
សូមជម្រាបជាថ្មី កាលពីសប្តាហ៍មុន លោក ពូទីន បានស្នើឲ្យមានកិច្ចចរចាសន្តិភាពផ្ទាល់ជាមួយអ៊ុយក្រែន នៅទីក្រុង អ៊ីស្តង់ប៊ុល ដោយនិយាយថា ការពិភាក្សាមិនគួរពន្យារពេលតទៅទៀតទេ បន្ទាប់ពីសង្គ្រាមបានផ្ទុះឡើងក្នុងខែកុម្ភៈឆ្នាំ២០២២។
ទោះបីជាយ៉ាងណាក៏ដោយ លោកពូទីន មិនមានឈ្មោះក្នុងបញ្ជីគណៈប្រតិភូរុស្ស៊ីដែលនឹងត្រូវទៅប្រទេសតួកគីទេ ផ្ទុយទៅវិញ គណៈប្រតិភូនេះនឹងត្រូវដឹកនាំដោយលោក Vladimir Medinsky ដែលជាជំនួយការប្រធានាធិបតី ហើយក៏មានការចូលរួមពីសំណាក់អនុរដ្ឋមន្ត្រីការបរទេស Mikhail Galuzin, អនុរដ្ឋមន្ត្រីការពារជាតិ Aleksandr Fomin និងមេចារកម្មយោធា Igor Kostyukov ផងដែរ។
ដូច្នេះហើយ គេមើលឃើញថា ជំនួបកំពូលនេះបានដួលរលំបាត់ទៅហើយ ព្រោះតែអវត្តមានលោកពូទីន ដែលជំរុញឲ្យលោកត្រាំ និងប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី ក៏ប្រកាសដកខ្លួនចេញដូចគ្នា៕
ដោយ៖ ឈាង
ចុចអាន៖ ហ្សេលេនស្គី ខកចិត្តដែលថា អ៊ុយក្រែនរងសម្ពាធការទូតច្រើនជាងរុស្ស៊ីទៅទៀត
អ្នកស្លាប់និងរបួសនៅអ៊ីស្រាអែលកើនឡើងយ៉ាងគំហុក ខណៈអ៊ីរ៉ង់បាញ់ស្រោចមីស៊ីល
ទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវ: បើកជាផ្លូវការក្រោមប្រធានបទ «TVET បង្កើតឱកាសការងារ សាងក្តីសង្ឃឹមដល់យុវជន»
ត្រាំ ស្នើឲ្យ ពូទីនបញ្ចប់សង្គ្រាមនៅអ៊ុយក្រែន ខណៈរុស្ស៊ីថ្កោលទោសការវាយប្រហារអ៊ីរ៉ង់
ជនសង្ស័យ៣នាក់ ត្រូវបានឃាត់ខ្លួនករណីលួចម៉ូតូ និងទទួលផលចោរកម្មនៅស្រុកមណ្ឌលសីមា
ពលករខ្មែរនៅថៃ ធ្វើដំណើរឆ្លងដែនតាមច្រកទ្វារព្រំដែនចាំយាម មានតិចតួច
អភិបាលរាជធានី ៖ យើងត្រៀមរថយន្តក្រុងជាង៤០០គ្រឿងរួចរាល់ហើយ ដើម្បីដឹកពលរដ្ឋនិងពលករ ពីព្រំដែនថៃ
អ៊ីរ៉ង់គំរាមថា មូលដ្ឋានទ័ពអាមេរិកអាចត្រូវបានកំណត់គោលដៅ
បច្ចេកទេសក៏ប្រើ ជំនឿសាសនាក៏ធ្វើ! លោក ជួន ណារិន្ទ បួងសួងបារមីប្រាសាទព្រះវិហារថែរក្សាទ័ពខ្មែរ និងកម្ទេចសត្រូវឈ្លានពានទឹកដីកម្ពុជា
ជម្លោះអ៊ីរ៉ង់-អ៊ីស្រាអែល៖ អ្នកស្លាប់និងរបួសកើនឡើង ចំពេលបង្កើនការវាយប្រហារគ្នា
សម្ដេចតេជោ ហៅពលករខ្មែរធ្វើការនៅថៃរូតរះវិលចូលប្រទេស ព្រោះយោធា និងអ្នកជ្រុលនិយមខ្លះនឹងធ្វើបាបខ្មែរ
-
ព័ត៌មានអន្ដរជាតិ៤ ថ្ងៃ agoសេដ្ឋវិទូ៖ សេដ្ឋកិច្ចថៃប្រឈមហានិភ័យធ្លាក់ចូលក្នុងវិបត្តិបរិត្តផរណា
-
នយោបាយ២ ថ្ងៃ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ៥ ថ្ងៃ agoសហព័ន្ធឧស្សាហកម្មថៃ៖ ការបិទព្រំដែនជាមួយកម្ពុជា ប៉ះពាល់ដល់ការនាំចេញថៃ ៥,២ ប៊ីលានដុល្លារ
-
ព័ត៌មានជាតិ៧ ថ្ងៃ agoនៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
-
ព័ត៌មានអន្ដរជាតិ២ ថ្ងៃ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានជាតិ៤ ថ្ងៃ agoកម្ពុជា នឹងទទួលរងឥទ្ធិពលព្យុះទី១ ចាប់ពីថ្ងៃនេះ ដល់ថ្ងៃទី១៣មិថុនា
-
ព័ត៌មានអន្ដរជាតិ២ ថ្ងៃ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
-
ព័ត៌មានជាតិ៥ ថ្ងៃ agoអ្នកនាំពាក្យ៖ សកម្មជនប្រឆាំង អែម ពិសិដ្ឋ ជ្រកកោនដីថៃក្លែងឯកសណ្ឋានទ័ពសម្ដែងវីដេអូ បំបាក់ទឹកចិត្តកងទ័ព ផ្សាយព័ត៌មានក្លែងក្លាយ