ព័ត៌មានអន្ដរជាតិ
UN៖កុមារ១,៤ម៉ឺននាក់នៅហ្គាហ្សាប្រឈមមុខនឹងការស្លាប់ភ្លាមៗព្រោះអត់អាហារ ដោយសារអ៊ីស្រាអែលបិទខ្ទប់
យោងតាមការចេញផ្សាយរបស់សារព័ត៌មាន Al Jazeera នៅថ្ងៃទី២១ខែឧសភា ប្រធានជំនួយសង្គ្រោះរបស់អង្គការសហប្រជាជាតិ បានព្រមានថា កុមាររាប់ពាន់នាក់នៅតំបន់ហ្គាហ្សាដែលហែកហួរដោយសារសង្គ្រាម ប្រឈមនឹងការស្លាប់ភ្លាមៗ បន្ទាប់ពីការបិទខ្ទប់ផ្លូវផ្ដល់ជំនួយសរុបជិតបីខែមកហើយរបស់អ៊ីស្រាអែល ដោយក្លាយជាគ្រោះទុរ្ភិក្ស។
លោក Tom Fletcher អគ្គលេខាធិការរងទទួលបន្ទុកកិច្ចការមនុស្សធម៌បាននិយាយនៅក្នុងបទសម្ភាសន៍ជាមួយ បណ្តាញសារព័ត៌មានអង់គ្លេស BBC កាលពីថ្ងៃអង្គារថា ការបិទផ្លូវនេះធ្វើឱ្យទារក ១៤០០០ នាក់ប្រឈមនឹងការស្លាប់ក្នុងរយៈពេល៤៨ម៉ោងទៀត។
ស្បៀងអាហារ ថ្នាំពេទ្យ និងជំនួយសង្គ្រោះជីវិតទាំងអស់ត្រូវបានរារាំងដោយអ៊ីស្រាអែលមិនឱ្យចូលទៅក្នុងតំបន់ហ្គាហ្សាចាប់ពីថ្ងៃទី ០២ ខែមីនាមកម្លេះ។ គិតត្រឹមថ្ងៃច័ន្ទ ជំនួយមួយត្រូវបានអនុញ្ញាតឱ្យចូលជាលើកដំបូងចាប់តាំងពីពេលនោះមក ប៉ុន្តែមិនត្រូវបានចែកចាយភ្លាមៗនោះទេ។
អ៊ីស្រាអែល បានប្រាប់អង្គការសហប្រជាជាតិកាលពីថ្ងៃអង្គារថា ខ្លួននឹងអនុញ្ញាតឱ្យមានឡានដឹកទំនិញចំនួន១០០ គ្រឿងដឹកជំនួយមនុស្សធម៌ចូលហ្គាហ្សា ប៉ុន្តែមានតែរថយន្តជំនួយតែ០៩គ្រឿងប៉ុណ្ណោះចូលទៅក្នុងតំបន់នេះជាលើកដំបូងក្នុងរយៈពេលជាង ៨០ថ្ងៃនេះ។
ទោះបីយ៉ាងណា បើតាមអ្នកនាំពាក្យអង្គការសហប្រជាជាតិ លោក Stephane Dujarric មិនទាន់មានជំនួយមនុស្សធម៌ណាមួយត្រូវបានចែកចាយនៅឡើយទេ បើទោះបីជាការផ្គត់ផ្គង់ផ្ដល់ជំនួយកាន់តែច្រើនត្រូវបានទម្លាក់នៅច្រក Karem Abu Salem (Kerem Shalom) ក៏ដោយ។
ចាប់តាំងពីដើមខែមីនាមក យ៉ាងហោចណាស់មានកុមារចំនួន ៥៧ នាក់ត្រូវបានគេរាយការណ៍ថាបានស្លាប់ដោយសារកង្វះអាហារូបត្ថម្ភ។ ការវាយតម្លៃដំណាក់កាលសន្តិសុខស្បៀងរួមបញ្ចូលគ្នា (IPC) ដែលគាំទ្រដោយអង្គការសហប្រជាជាតិ និយាយថា កុមារជាង ៩៣ ភាគរយនៅហ្គាហ្សា ឬប្រហែល៩៣០,០០០ នាក់កំពុងប្រឈមនឹងគ្រោះទុរ្ភិក្ស។
លើសពីនេះការវាយប្រហាររបស់អ៊ីស្រាអែលនៅតែបន្តសម្លាប់ជនជាតិប៉ាឡេស្ទីនរាប់សិបនាក់ រួមទាំងកុមារជាច្រើននាក់ ជារៀងរាល់ថ្ងៃ ខណៈហេដ្ឋារចនាសម្ព័ន្ធដែលនៅសេសសល់ ដូចជាអណ្តូងដ៏ធំមួយ ដែលជាប្រភពទឹកផឹកនៅសល់ចុងក្រោយនៅក្នុងតំបន់Deir el-Balah រួមជាមួយនឹងម៉ាស៊ីនភ្លើងត្រូវបានបំផ្លាញក្នុងការវាយប្រហាររបស់អ៊ីស្រាអែល។
យោងតាមក្រសួងសុខាភិបាលរបស់ហ្គាហ្សា យ៉ាងហោចណាស់មានជនជាតិប៉ាឡេស្ទីន ៥៣,៥៧៣ នាក់ត្រូវបានសម្លាប់ និង ១២១,៦៨៨ នាក់បានរងរបួសចាប់តាំងពីសង្រ្គាមចាប់ផ្តើម៕
អត្ថបទ៖ ប៊ុន សុភាព
តារាម៉ូដែលចិនម្នាក់ទៀត បាត់ខ្លួនក្នុងតំបន់ជួញដូរមនុស្ស ថៃ-មីយ៉ាន់ម៉ា
កម្ពុជា-ជប៉ុនដាក់ឱ្យដំណើការជាផ្លូវការការទូទាត់ឆ្លងដែនតាមឃ្យូអរកូត
លោក ឃឹម សុជាតិ ចេញមុខបញ្ជាក់ហើយរឿងថវិកាព្យាបាល និងការផ្គត់ផ្គង់គ្រួសាររបស់ ចំរើន គុនខ្មែរ
ហ៊ុយ យ៉ាឡេង កៀរគរឧកញ៉ាសហការជាមួយផលិតករ បោះទុនផលិតកុនមានគុណភាពបំពេញទីផ្សារក្នុងស្រុក
ក្លិបកម្រិត UCL ៣ កំពុងប្រជែងគ្នាចង់បាន Rodrygo នៅរដូវក្តៅនេះ
ទាហានថៃឃាត់ខ្លួនជនជាតិខ្មែរ ២នាក់ ដែលនាំបារីគេចពន្ធចូលដីថៃជាង ១៥ ០០០ កញ្ចប់
ក្រោយស្បថចូលកាន់តំណែងរដ្ឋមន្ត្រីក្រសួងវប្បធម៌ ផែថងតាន ចង់ដើរតាមគន្លងកូរ៉េខាងត្បូង
Elon Musk អបអរការបង្កើតគណបក្សថ្មី ចំថ្ងៃតែមួយ ដែលលោកត្រាំចេញច្បាប់ដ៏ចម្រូងចម្រាស
មន្ត្រីជំនាញស្ទាក់ចាប់សាច់បង្កកជាង៨តោននាំចូលពីប្រទេសវៀតណាមខុសច្បាប់
កម្ពុជា រងឥទ្ធិពលពីព្យុះចំនួន២ក្នុងពេលតែមួយ ចាប់ពីថ្ងៃនេះដល់ថ្ងៃទី៩កក្កដា
-
ព័ត៌មានអន្ដរជាតិ៣ ថ្ងៃ agoGoogle នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង៣ ថ្ងៃ agoអ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានអន្ដរជាតិ៤ ថ្ងៃ agoថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
-
ព័ត៌មានជាតិ៣ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ជីវិតកម្សាន្ដ៥ ថ្ងៃ agoពីអ្នកប្រើចុងប៊ិច ប្តូរមកប្រើចុងកាំភ្លើង ដើម្បីការពារបូរណភាពទឹកដីជាតិខ្មែរ
-
ព័ត៌មានអន្ដរជាតិ៦ ថ្ងៃ agoក្រុមមនុស្សយកស្លាកលេខរថយន្ត ថាក់ស៊ីន ចាក់ឆ្នោត ខណៈលោកចូលខ្លួនទៅតុលាការ
-
ព័ត៌មានជាតិ៤ ថ្ងៃ agoនាយករដ្ឋមន្ត្រីសិង្ហបុរី គាំទ្រឱ្យកម្ពុជា-ថៃ ដោះស្រាយជម្លោះព្រំដែនដោយប្រើយន្តការច្បាប់អន្តរជាតិ
-
ព័ត៌មានអន្ដរជាតិ៤ ថ្ងៃ agoថៃ ត្រៀមស្នើទៅ Google ឲ្យយកតាមផែនទីរបស់ខ្លួនវិញ ទើបប្រាសាទតាមាន់ធំ ស្ថិតក្នុងដីថៃ