ព័ត៌មានអន្ដរជាតិ
កាន់តែក្តៅគគុក! បាតុករមីយ៉ាន់ម៉ា ហៅក្រុមជនជាតិភាគតិចប្រដាប់អាវុធ មករួមប្រយុទ្ធផ្តួលយោធា
នៅក្នុងលិខិតចំហមួយដែលបង្ហោះលើ Facebook, គណៈកម្មាធិការកូដកម្មជាតិ (GSCN) ដែលជាក្រុមមួយក្នុងចំណោមក្រុមបាតុកម្មសំខាន់ៗ បានជំរុញក្រុមជនជាតិភាគតិចប្រដាប់អាវុធឲ្យរួមគ្នាប្រយុទ្ធការពារប្រជាជន យុវជន ស្ត្រី កុមារនិងមនុស្សចាស់ ប្រឆាំងនឹងច្បាប់យោធា។
កងកម្លាំងសន្តិសុខមីយ៉ាន់ម៉ា បានសម្លាប់បាតុករប្រឆាំងរដ្ឋប្រហារម្នាក់ និងធ្វើឲ្យក្មេងតូចម្នាក់រងរបួសនៅក្នុងអំពើហិង្សាថ្មីទៀត ខណៈក្រុមសកម្មជនបានអំពាវនាវដល់ក្រុមជនជាតិភាគតិចប្រដាប់អាវុធនៅក្នុងប្រទេសនេះ ឲ្យមកជួយការតស៊ូរបស់ពួកគេប្រឆាំងនឹងការគ្រប់គ្រងរបស់យោធា។
សាក្សីបាននិយាយថា បន្ទាប់ពីថ្ងៃដ៏បង្ហូរឈាមបំផុតចាប់តាំងពីរដ្ឋប្រហារយោធាកាលពីខែមុនជាមួយនឹងការស្លាប់មនុស្សចំនួន១១៤នាក់កាលពីថ្ងៃសៅរ៍, កងកម្លាំងសន្តិសុខបានបើកការបាញ់ប្រហារនៅក្នុងពិធីបុណ្យសពមួយកាលពីថ្ងៃអាទិត្យ។
មនុស្ស១៣នាក់ទៀតត្រូវបានសម្លាប់នៅក្នុងឧប្បត្តិហេតុផ្សេងកាលពីចុងសប្តាហ៍។ តួលេខថ្មីនេះបានធ្វើឲ្យចំនួនជនស៊ីវិលសរុប ដែលត្រូវបានសម្លាប់ចាប់តាំងពីរដ្ឋប្រហារថ្ងៃទី១ខែកុម្ភៈមក កើនដល់៤៥៩នាក់។
នៅក្រុង Pathein ក្នុងតំបន់ Ayeyarwaddy, បុរសម្នាក់ត្រូវបានបាញ់សម្លាប់ដោយកងកម្លាំងសន្តិសុខកាលពីល្ងាចថ្ងៃអាទិត្យ។
ស្របពេលជាមួយគ្នានោះ នៅតំបន់ South Dagon នៃមជ្ឈមណ្ឌលពាណិជ្ជកម្ម យ៉ាំងហ្គោន ក្មេងតូចអាយុ១ឆ្នាំកន្លះម្នាក់ ត្រូវបានរងគ្រោះដោយគ្រាប់កាំភ្លើង។
ការប្រយុទ្ធគ្នាយ៉ាងខ្លាំងបានផ្ទុះឡើង រវាងកងទ័ពនិងក្រុមជនជាតិភាគតិចប្រដាប់អាវុធមួយចំនួន។
ក្រុមសកម្មជននិងប្រព័ន្ធផ្សព្វផ្សាយបាននិយាយថា មនុស្សប្រហែល៣,០០០នាក់ បានភៀសខ្លួនទៅកាន់ប្រទេសថៃ បន្ទាប់ពីយន្ដហោះយោធាបានទម្លាក់គ្រាប់បែកលើតំបន់ ដែលគ្រប់គ្រងដោយកងជីវពលសហភាពជាតិការ៉ែន (KNU) នៅជិតព្រំដែន។
ការប្រយុទ្ធគ្នាក៏បានផ្ទុះឡើងផងដែរកាលពីថ្ងៃអាទិត្យ រវាងក្រុមប្រដាប់អាវុធមួយផ្សេងទៀតគឺកងទ័ពឯករាជ្យកាឈីន និងយោធានៅក្នុងតំបន់រ៉ែថ្មខៀវ Hpakant ភាគខាងជើង។ បណ្តាញព័ត៌មាន Kachinwaves បានរាយការណ៍ថា កងកម្លាំងកាឈីនបានវាយប្រហារប៉ុស្តិ៍ប៉ូលិសមួយ ហើយយោធាបានឆ្លើយតបជាមួយនឹងការវាយប្រហារតាមអាកាស។
ទោះបីជាយ៉ាងណាក៏ដោយ មិនមានរបាយការណ៍អំពីអ្នកស្លាប់និងរបួសទេ៕
ប្រែសម្រួលដោយ៖ Vann Vann
ប្រភព៖ CNA
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៤ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៦ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ២ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានជាតិ៣ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង


