ធ្ងន់ធ្ងរទៅៗ! ប្រេសិត UN ព្រមានពី “សង្គ្រាមស៊ីវិល” នៅមីយ៉ាន់ម៉ា
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ធ្ងន់ធ្ងរទៅៗ! ប្រេសិត UN ព្រមានពី “សង្គ្រាមស៊ីវិល” នៅមីយ៉ាន់ម៉ា

បានផុស

នៅ

បេសកជនពិសេសរបស់អគ្គលេខាធិការ UN បានព្រមានកាលពីថ្ងៃពុធថា ការបង្ក្រាបដោយហិង្សាកាន់តែខ្លាំងឡើងៗរបស់យោធាមីយ៉ាន់ម៉ាទៅលើក្រុមបាតុករដែលគាំទ្រលទ្ធិប្រជាធិបតេយ្យកំពុងធ្វើឲ្យប្រទេសស្ថិតលើមាគ៌ាទៅរក “សង្គ្រាមស៊ីវិល” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Christine Schraner Burgener បានប្រាប់ក្រុមប្រឹក្សាសន្តិសុខថា ខណៈយោធាដែលត្រូវបានគេស្គាល់ជាផ្លូវការថា កងទ័ព Tatmadaw បានបង្កើនការបង្ក្រាបបង្ហូរឈាមលើក្រុមប្រដាប់អាវុធជនជាតិភាគតិច ប្រទេសនេះកំពុងប្រកាន់ជំហរប្រឆាំងយ៉ាងច្បាស់បង្កើនលទ្ធភាពនៃសង្គ្រាមស៊ីវិលក្នុងកម្រិតមួយដែលមិនធ្លាប់មានពីមុនមក ។

លោកស្រីបាននិយាយនៅក្នុងការពិគ្រោះយោបល់យ៉ាងជិតស្និទ្ធជាមួយក្រុមប្រឹក្សានេះថា “ភាពសាហាវឃោរឃៅរបស់យោធាគឺធ្ងន់ធ្ងរណាស់ ។ ក្រុមងាយរងគ្រោះដែលត្រូវការជំនួយមនុស្សធម៌រួមមានជនជាតិភាគតិច និងជនរ៉ូហ៊ីងយ៉ានឹងរងទុក្ខកាន់តែខ្លាំង ហើយវាចៀសមិនផុតទេ ខណៈប្រទេសទាំងមូលកំពុងឈានទៅរកភាពបរាជ័យ” ។

យ៉ាងហោចណាស់មនុស្សចំនួន ១៤១ នាក់រួមទាំងកុមារផងត្រូវបានសម្លាប់ដោយរបបយោធាដែលកំពុងគ្រប់គ្រងប្រទេសមីយ៉ាន់ម៉ាកាលពីថ្ងៃសៅរ៍ក្នុងការបង្ក្រាបដោយហិង្សាប្រឆាំងនឹងបាតុកម្មគាំទ្រលទ្ធិប្រជាធិបតេយ្យដែលបានផ្ទុះឡើង បន្ទាប់ពីការរឹបអូសអំណាចរបស់រដ្ឋាភិបាលកាលពីថ្ងៃទី ១ ខែកុម្ភៈ ។ ការសម្លាប់រង្គាលនេះបានកត់សម្គាល់នូវការបង្ហូរឈាមដ៏អាក្រក់បំផុតរបស់ប្រទេសចាប់តាំងពីរដ្ឋប្រហារបានកើតឡើង ។

សមាគមជំនួយសម្រាប់អ្នកទោសនយោបាយ (AAPP) ដែលជាអ្នកឃ្លាំមើលមានមូលដ្ឋាននៅប្រទេសថៃបានដាក់ចំនួនអ្នកស្លាប់ចាប់តាំងពីរដ្ឋប្រហារថ្ងៃទី ១ ខែកុម្ភៈមានចំនួន ៥៣៦ នាក់ បន្ទាប់ពីមនុស្ស ១៥ នាក់ត្រូវបានសម្លាប់កាលពីថ្ងៃពុធ ។

ទន្ទឹមនោះលោកស្រី Burgener បានជំរុញដល់រដ្ឋជាសមាជិកឲ្យចាត់វិធានការភ្លាមៗ ដោយនិយាយថា “ការបង្ហូរឈាមគឺជិតមកដល់ហើយ” ។

លោកស្រីបាននិយាយថា “ឧក្រិដ្ឋកម្មអន្តរជាតិធ្ងន់ធ្ងរបំផុត និងការរំលោភច្បាប់អន្តរជាតិហាក់ដូចជាកំពុងកើតឡើងយ៉ាងសាមញ្ញ ។ ខ្ញុំបារម្ភថា និន្នាការនេះនឹងក្លាយជាការបង្ហូរឈាម ខណៈដែលអគ្គមេបញ្ជាការហាក់ដូចជាប្តេជ្ញាពង្រឹងការក្តោបក្តាប់អំណាចខុសច្បាប់របស់ខ្លួន” ។

គួររំឭកថា កាលពីខែមុនយោធាមីយ៉ាន់ម៉ាបានបណ្តេញរដ្ឋាភិបាលជាប់ឆ្នោតរបស់លោកស្រី អ៊ុងសាន ស៊ូជី បន្ទាប់ពីគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) របស់លោកស្រីបានទទួលបានជោគជ័យនៅក្នុងការបោះឆ្នោតទូទាំងប្រទេសកាលពីខែវិច្ឆិកា ។ ជាការឆ្លើយតបទៅនឹងរដ្ឋប្រហារក្រុមស៊ីវិលនៅទូទាំងប្រទេសបានចាប់ផ្តើមយុទ្ធនាការប្រឆាំងនឹងច្បាប់មិនគោរពស៊ីវិលដែលរួមមានការធ្វើបាតុកម្មទ្រង់ទ្រាយធំ និងបន្តធ្វើរហូតមកដល់ពេលនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ វីដេអូគួរឲ្យសង្វេគ! ជនជាតិមីយ៉ាន់ម៉ា ភៀសខ្លួនទាំងទូកៗចូលព្រំដែនថៃ អ្នកខ្លះរបួសពេញខ្លួន

ចុចអាន ៖ ក្រុមសកម្មប្រយុទ្ធរ៉ូហ៊ីងយ៉ា​​សម្លាប់​កងទ័ព មីយ៉ាន់ម៉ា ២២ នាក់ ខណៈការតវ៉ាកំពុងបន្តទូទាំងប្រទេស

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៦ នាទី មុន

លោកជំទាវ ម៉ែន សំអន ស្នើឲ្យថ្នាក់ដឹកនាំក្រុងបាវិត ត្រូវបន្តតាមដាន ដើម្បីចូលរួមទប់ស្កាត់ជំងឺកូវីដ ក្នុងពិធីបុណ្យភ្ជុំបិណ្ឌ

ព័ត៌មានជាតិ៤៤ នាទី មុន

រាជរដ្ឋាភិបាល បន្តផ្តល់ប្រាក់ឧបត្ថម្ភជូនគ្រួសារក្រីក្រ និងងាយរងគ្រោះដោយកូវីដ ជុំទី៦ លើកទី៣

ព័ត៌មានជាតិ៤ ម៉ោង មុន

ជំនន់ទឹកភ្លៀង ធ្វើឲ្យប៉ះពាល់ដល់ពលរដ្ឋ ខេត្តបន្ទាយមានជ័យជាង ២ម៉ឺននាក់ និងមានស្លាប់ម្នាក់

ព័ត៌មានជាតិ៤ ម៉ោង មុន

ដំណោះស្រាយ រវាងក្រុមរថយន្តដឹកផ្លែឈើ ជាមួយគយច្រកអន្តរជាតិដូង ត្រូវផ្អែកលើគោលការណ៍ ៣ចំណុច

ព័ត៌មានជាតិ៤ ម៉ោង មុន

ប្រទះឃើញ រោងសង្វៀនប្រជល់មាន់ នៅកណ្តាលព្រៃសហគមន៍ តំបន់ការពារធម្មជាតិ វាលកំបោរ

Sokha Hotels

ព័ត៌មានពេញនិយម

Helistar Cambodia - Helicopter Charter Services