ព័ត៌មានអន្ដរជាតិ

នាយករដ្ឋមន្ត្រីចាំផ្ទះថៃ កោះហៅឯកអគ្គរាជទូតពីកម្ពុជាក្នុងទង្វើដែលថៃបង្កហេតុជាន់មីនថ្មី

បានផុស

៤ ខែ មុន

នៅ

ថ្ងៃពុធ ២៣ កក្កដា ២០២៥

ដោយ

តាមរយៈការចុះផ្សាយរបស់សារព័ត៌មានថៃ នាយករដ្ឋមន្ត្រីចាំផ្ទះថៃ លោក ភុមថាំ វិច្ឆាយ៉ាឆៃ (Phumtham Wechayachai) បានអះអាងពីការកោះហៅឯកអគ្គរាជទូតរបស់ខ្លួនប្រចាំព្រះរាជាណាចក្រកម្ពុជា ទៅកាន់ប្រទេសរបស់ខ្លួនវិញ បន្ទាប់ពីឧបទ្ទវហេតុទាហានថៃមួយក្រុមជាន់មីននៅថ្ងៃទី២៣ខែកក្កដានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីជាន់មីនថ្មីរបស់ទាហានថៃនេះ សបញ្ជាក់ឲ្យឃើញថា ក្រុមទាហានថៃបានធ្វើសកម្មភាពបង្កហេតុយ៉ាងពិតប្រាកដមកលើបូរណៈភាពទឹកដីនៃប្រទេសកម្ពុជា ដោយសារតែមីនដែលមាននៅក្នុងដីគឺមីនដែលមានជាយូរមកហើយ ជាពិសេសត្រូវបានគេសង្ស័យថា បន្សល់ទុកតាំងពីសម័យសង្គ្រាមស៊ីវិលមកម្ល៉េះ។

ការប្រកាសដកទូតចេញពីប្រទេសកម្ពុជាជាឯកតោភាគីជាថ្មី បន្ទាប់ពីភាគីថៃជាបានធ្វើសកម្មភាពបង្កហេតុជាឯកតោភាគីជារឿយៗ ដូចជា ការបើកការបាញ់ប្រហារមកលើយោធាកម្ពុជាកាលថ្ងៃទី២៨ខែឧសភា ការបិទព្រំដែនកាលថ្ងៃទី៧ខែមិថុនា អំពើបង្កហេតុដោយការដើរជាន់មីនកាលថ្ងៃទី១៦កក្កដា និង ការដើរជាន់មីននៅថ្ងៃទី២៣ខែកក្កដានេះជាដើម។

ក្នុងការផ្សាយរបស់សារព័ត៌មាន The Nation រដ្ឋាភិបាលចាំផ្ទះថៃក៏បានប្រកាសបណ្តេញទូតកម្ពុជាប្រចាំប្រទេសថៃ ដោយទម្លាក់កម្រិតការទូតរវាងព្រះរាជាណាចក្រទាំងពីរ។ ។
.
តាមសេចក្តីរាយការណ៍ដដែល ការសម្រេចនេះធ្វើឡើងបន្ទាប់ពីទាហានថៃម្នាក់ទៀតគឺលោកវរសេនីយ៍ទោ Pichitchai Boonkorat បានរងរបួសយ៉ាងធ្ងន់ធ្ងរបាត់បង់ជើងស្តាំ បន្ទាប់ពីជាន់មីននៅម្តុំច្រកអានសេះ ព្រំប្រទល់ខេត្តព្រះវិហារ ប្រឈមនឹងខេត្ត Ubon Ratchathani របស់ថៃ។ ឧបទ្ទវហេតុនេះបានកើតឡើងនៅម៉ោងប្រហែល ៤ និង ៥៥ នាទីល្ងាច ដោយទាហានដែលរងរបួសបានជម្លៀសចេញតែជាង ២០ នាទីក្រោយមក៕