Connect with us

ព័ត៌មានអន្ដរជាតិ

ជំនន់​ទឹក​ភ្លៀង​សម្លាប់​មនុស្ស​​៧៥​​នាក់​ បាត់​ខ្លួន​ច្រើន​នាក់​នៅ​ឥណ្ឌូណេស៊ី​ និងទីម័រខាងកើត

បានផុស

នៅ

មនុស្ស​ជាង​៧៥​នាក់​បាន​ស្លាប់​ និង​ជា​ច្រើន​នាក់​កំពុង​បាត់​ខ្លួន​ បន្ទាប់​ពី​​​ជំនន់ទឹក​ភ្លៀង និង​បាក់​ដី​វាយ​ប្រហារ​ប្រទេស​ឥណ្ឌូណេស៊ី និងប្រទេស​ក្បែរ​ខាង ទីម័រ​ខាង​កើត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅ​ថ្ងៃ​ចន្ទ ទី​៥ ខែ​មេសា​នេះ ​មន្ត្រី​បាន​ឲ្យ​ដឹង​ថា ជំនន់​ទឹក​ភ្លៀង​ដ៏​អាក្រក់​ និង​យ៉ាង​លឿន​បាន​ប្រែ​ក្លាយ​សហគមន​តូច​មួយ​​ទៅ​ជា​​តំបន់​ដែល​​ពោរពេញ​ដោយ​ដី​ភក់ និង​ស្លឹក​ឈើ។

ដោយ​សារ​ភ្លៀង​ខ្លាំង និង​រអិល​បាក់​ដី​បាន​​បង្ខំ​ឲ្យ​​ប្រជា​ជន​រាប់​ពាន់​នាក់​​​ជម្លៀស​​ទៅ​​​ទី​ជម្រក ខណៈ​ទំនប់ទឹក និង​ផ្ទះ​សម្បែង​ត្រូវ​បាន​ទឹក​លិច។

ដី​ភក់ និង​អាកាសធាតុ​ដ៏​អាក្រក់​បាន​ធ្វើ​ឲ្យ​ក្រុម​រុក​រក​ជួយ​សង្គ្រោះ​ជួប​ការ​លំបាក​ខ្លាំង​ដើម្បី​ស្វែង​រក​អ្នក​ដែល​​កំពុង​បាត់​ខ្លួន។

អ្ន​ក​នាំ​ពាក្យ​ទី​ភ្នាក់​ងារ​គ្រប់​គ្រង​គ្រោះ​មហន្តរាយ​ឥណ្ឌូណេស៊ី​​លោក Raditya Jati បាន​និយាយ​ថា ៖«​មនុស្ស​៥៥​នាក់​បាន​ស្លាប់ ប៉ុន្តែ​ចំនួន​នេះ​នឹង​មាន​ការ​ប្រែ​ប្រួល​យ៉ាង​ពិត​ប្រាកដ ខណៈ​មនុស្ស​៤២​នាក់​កំពុង​បាត់​ខ្លួន»។

មន្ត្រី​ម្នាក់​មក​ពី​ប្រទេស​ដែល​ស្ថិត​ចន្លោះឥណ្ឌូណេស៊ី និង​អូស្ត្រាលី បាន​និយាយ​ថា យ៉ាង​ហោច​ណាស់​មនុស្ស​២១​នាក់​បាន​ស្លាប់​​នៅ​ប្រទេស​ទីម័រ​ខាង​កើត។ អ្នក​ស្លាប់​ភាគ​ច្រើន​បំផុត​នៅ​រដ្ឋធានី Dili។

នៅ​ក្នុង​តំបន់​ East Flores ជា​តំបន់​ដាច់​ស្រយាល់​របស់​ប្រទេស​ឥណ្ឌូណេស៊ី ដី​ភក់​បាន​គ្រប​ដណ្តប់​លើ​ផ្ទះ​សម្បែង ស្ពាន និង​ផ្លូវ​​ថ្នល់ ខណៈ​រលក​ខ្លាំង​ៗ​បាន​រារាំង​ដល់​​ដំណើរ​ការ​ចូល​ស្វែង​រក​របស់​ក្រុម​ជួយ​សង្គ្រោះ​ទៅ​តំបន់​រង​ការ​វាយ​ប្រហារ​ខ្លាំង។

On Lembata ជា​កោះ​មួយ​នៅ​ភាគ​ខាង​កើត​តំបន់ Flores ផ្នែក​ខ្លះ​នៃ​ភូមិ​មួយ​ចំនួន​ត្រូវ​បាន​ទឹក​​លិច និង​ដី​ភក់គ្រប​ដណ្តប់​ដែល​​​​ហូរ​ធ្លាក់​ទៅ​ឆ្នេរ​សមុទ្រ។

លោក​ប្រធានាធិបតី Joko Widdo បាន​សម្តែង​ការ​ចូល​រួម​រំលែក​ទុក្ខ​ដ៏​ជ្រាល​ជ្រៅ​ចំពោះ​គ្រោះ​​មហន្តរាយ​ដ៏​អាក្រក់​នេះ។

លោក​មាន​ប្រសាសន៍​ក្នុង​សុន្ទរកថា​ទូទាំង​ប្រទេស​ថា ៖«ខ្ញុំ​​យល់​ពី​ទុក្ខ​សោក​យ៉ាង​ជ្រាល​ជ្រៅ​ដែល​បង​ប្អូន​យើង​បាន​រង​ទុក្ខ​ពី​គ្រោះ​មហន្តរាយ»។

ស្ទើរ​ទូទាំង​តំបន់ អ្នក​ស្រុក​ដែល​ភ័យ​ខ្លាច​បាន​ប្រមូល​ផ្តុំ​គ្នា​នៅ​ទី​ជម្រក​បណ្តោះ​អាសន្ន។

លោក Alfons Hada Bethan ប្រធាន​ទីភ្នាក់​​ងារ​​គ្រោះ​មហន្តរជាតិ East Flores បាន​និយាយ​ថា ៖«មនុស្ស​រាប់​ពាន់​នាក់​ត្រូវ​បាន​ជម្លៀស ប៉ុន្តែ​នៅ​មាន​មនុស្ស​ជា​ច្រើន​ទៀត​កំពុង​ស្ថិត​នៅ​ផ្ទះ។ ពួក​គាត់ត្រូវ​​ថ្នាំ​សង្កូវ ចំណី​អាហារ និង​តង់»។

ទី​ភ្នាក់​ងារ​គ្រោះ​មហន្តរាយជាតិ​បាន​ប៉ាន់ស្មាន​ថា ពលរដ្ឋ​ឥណ្ឌូណេស៊ី​១២៥​លាន់គឺ​មាន​ពាក់​កណ្តាល​​​​រស់​នៅ​​ក្នុង​តំបន់​ដែល​ប្រឈម​នឹង​ហានិភ័យ​បាក់​ដី៕

ប្រែ​សម្រួល៖ វីរបុត្រ
ប្រភព៖ AFP

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម