ទាហានថៃ ប្រយុទ្ធជាមួយក្រុមជួញដូរគ្រឿងញៀន សម្លាប់មនុស្ស៥នាក់ និងរឹបអូសបានមេតំហ្វេតាមីន ជាង១លានគ្រាប់

ប្រទេសថៃនៅតែពោរពេញដោយគ្រឿងញៀន ខណៈទាហានបានបើកឆាកប្រយុទ្ធជាមួយអ្នកជួញដូរ សម្លាប់មនុស្ស៥នាក់និងរឹបអូសបានថ្នាំមេតំហ្វេតាមីនប្រមាណ ១.៣៥លានគ្រាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រយុទ្ធគ្នានេះកើតឡើងនៅក្នុងស្រុក Fang នៃខេត្តឈៀងម៉ៃ កាលពីថ្ងអាទិត្យទី៣ខែសីហាឆ្នាំ២០២៥។

ក្រុមជួញដូរនោះ មានប្រដាប់ដោយអាវុធ ហើយការបាញ់តដៃគ្នាមានរយៈពេល១០នាទី។ ក្រោយការបាញ់គ្នា ទាហានថៃ រកឃើញថ្នាំញៀន៩បាវ ដែលក្នុងមួយបាវៗមានផ្ទុកមេតំហ្វេតាមីន ១៥០ ០០០គ្រាប់ បើសរុបចូលគ្នាមានចំនួន ១ ៣៥០ ០០០គ្រាប់។

ក្រៅពីនោះ ទាហានក៏បានរកឃើញកាំភ្លើងស្នប់មួយដើម កាំភ្លើងខ្លីមួយដើម និងទូរស័ព្ទដៃ២គ្រឿងផងដែរ។

ហេតុការណ៍នេះគូសបញ្ជាក់ថា ប្រទេសថៃជាសម្បុកគ្រឿងញៀននិងភាពអាណាធិបតេយ្យដែល មនុស្សមួយចំនួនអាចទិញនិងកាន់កាប់កាំភ្លើងបានយ៉ាងងាយស្រួល។

ជាក់ស្តែង ប៉ុន្មានថ្ងៃមកនេះ ប្រទេសថៃ រឹបអូសបានថ្នាំញៀននិងកើតមានហេតុការណ៍បាញ់សម្លាប់មនុស្សយ៉ាងរង្គាល ជាបន្តបន្ទាប់៕

អត្ថបទ៖ សុខ សុវណ្ណ

ចុចអាន៖ ថៃ បង្ក្រាបបណ្តាញជួញដូរគ្រឿងញៀនអន្តរជាតិ ​រឹបអូសថ្នាំមេតំហ្វេតាមីន ជិត ៤លានគ្រាប់