ថៃ បន្តរកឃើញអ្នកឆ្លងកូវីដថ្មី រហូតដល់ទៅ ៥៥៩ករណី និងស្លាប់ម្នាក់

នៅថ្ងៃសុក្រទី០៩ខែមេសានេះ មជ្ឈមណ្ឌលគ្រប់គ្រងស្ថានភាពជំងឺកូវីដ១៩របស់ប្រទេសថៃ (CCSA) បានរាយការណ៍អំពីការឆ្លងថ្មីរហូតដល់ទៅ ៥៥៩ករណី និងអ្នកស្លាប់ម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមករណីថ្មីទាំងអស់ មាន៤០១ករណីគឺជាការឆ្លងក្នុងសហគមន៍ ខណៈ១៤៨ករណីត្រូវបានរកឃើញតាមរយៈការធ្វើតេស្តសកម្ម ហើយ១០ករណី ជាការនាំចូល។

ករណីដែលត្រូវបានរកឃើញច្រើនបំផុតគឺនៅក្នុងទីក្រុងបាងកក ២៦៨ករណី បន្ទាប់មក Samut Prakan ៤៦ករណី, Chonburi ៤៦ករណី, Prachuap Khiri Khan ៣០ករណី, Sa Kaew ១៦ករណី, Pathum Thani ១២ករណី និង Nonthaburi ១០ករណី។

ស្របពេលជាមួយគ្នានោះដែរ អ្នកជំងឺចំនួន២៧នាក់បានជាសះស្បើយ។

គួរបញ្ជាក់ថា គិតត្រឹមថ្ងៃសុក្រទី ០៩ខែមេសានេះ ចំនួនករណីជំងឺកូវីដ១៩នៅក្នុងប្រទេសថៃ បានកើនឡើងដល់៣០,៨៦៩ករណី។ មនុស្សចំនួន ២៨,១២៨នាក់បានជាសះស្បើយ ហើយអ្នកស្លាប់កើនដល់៩៦នាក់៕

ប្រែសម្រួលដោយ៖ Vann Vann

ប្រភព៖ The Nation

ចុចអាន៖ មិនថមថយឡើយ! ថ្ងៃនេះ ថៃរកឃើញអ្នកឆ្លងកូវីដថ្មី រហូតដល់ទៅ ៤០៥ករណី