ព័ត៌មានអន្ដរជាតិ

ម៉ាឡេស៊ីបញ្ជាក់ថា ខ្លួនមិនបានទទួលស្គាល់របបយោធា មីយ៉ាន់ម៉ាទេ ក្រោយមានប្រជុំមួយជាមួយរដ្ឋមន្ត្រីមីយ៉ាន់ម៉ា

បានផុស

៥ years មុន

នៅ

ថ្ងៃសុក្រ ៩ មេសា ២០២១

ដោយ

រដ្ឋមន្ត្រីក្រសួងការបរទេសម៉ាឡេស៊ីបាននិយាយថា កិច្ចប្រជុំមួយរវាងឯកអគ្គរាជទូតម៉ាឡេស៊ីប្រចាំនៅប្រទេសមីយ៉ាន់ម៉ា និងសមាជិក នៃគណៈរដ្ឋមន្ត្រីរបបយោធាមីយាន់ម៉ាមិនបានទទួលស្គាល់រដ្ឋាភិបាលយោធាមីយ៉ាន់ម៉ាជារដ្ឋាភិបាលស្របច្បាប់នៃសមាជិកអាស៊ានឡើយ។

កិច្ចប្រជុំនៅថ្ងៃពុធរវាងរដ្ឋមន្ត្រីក្រសួងថាមពល និងអគ្គីសនីរបស់របបយោធាមីយ៉ាន់ម៉ាលោក U Aung Than Oo និងឯកអគ្គរាជទូតម៉ាឡេស៊ីលោក Datuk Zahairi Baharim បានជំរុញឲ្យមានការរិះគន់យ៉ាងខ្លាំងពីអ្នកគាំទ្រប្រជាធិបតេយ្យនៅប្រទេសមីយ៉ាន់ម៉ាដែលថា ម៉ាឡេស៊ីទទួលស្គាល់របបយោធាមីយ៉ាន់ម៉ា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាសែតដែលគ្រប់គ្រងដោយរបបយោធាមីយ៉ាន់ម៉ាបានអះអាងថា ភាគីទាំងពីរបានពិភាក្សាពីកិច្ចសហប្រតិបត្តិការបន្ថែមនៅក្នុងវិស័យអគ្គីសនី និងថាមពល ព្រមទាំងកាលានុវត្តភាពវិនីយោគទ្វេភាគី។

ឆ្លើយតបទៅនឹងការរិះគន់ រដ្ឋមន្ត្រីក្រសួងការបរទេសម៉ាឡេស៊ីនៅថ្ងៃព្រហស្បតិ៍បាននិយាយថា កិច្ចប្រជុំនោះត្រូវបានធ្វើឡើងដើម្បីធ្វើការសម្រេចចិត្តរបស់ក្រុមហ៊ុនម៉ាឡេស៊ី Petronas ដើម្បីផ្អាកប្រតិបត្តិការជាបណ្តោះអាសន្ននូវផ្នែកខាងលើនៃតំបន់ឧស្ម័ន Yetagun នៅសមុទ្រAndaman Sea របស់ប្រទេសមីយ៉ាន់ម៉ា។

នៅដើមខែមេសា ក្រុមហ៊ុន PC Myanmar (Hong Kong) Ltd (PCML) ដែលជាបុត្រសម្ព័ន្ធរបស់ Petronas បានអំពាវនាវឲ្យមានការផ្អាកគម្រោង Yetagun ដោយសំអាងទៅលើការផលិតឧស្ម័នថយចុះ។

រដ្ឋមន្ត្រីក្រសួងការបរទេសបាននិយាយថា កិច្ចប្រជុំមិនបានទទួលស្គាល់ក្រុមប្រឹក្សារដ្ឋបាលរដ្ឋ (SAC) ដែលជាស្ថាប័នគ្រប់គ្រងរបបយោធាមីយ៉ាន់ម៉ាដែលបានបង្កើតឡើងដោយមេដឹកនាំរដ្ឋប្រហារ បន្ទាប់ពីពួកគេកាន់អំណាចកាលពីថ្ងៃទី១កុម្ភៈឡើយ៕

ប្រែសម្រួល៖ វីរបុត្រ
ប្រភព៖ irrawaddy

Related Topics:រដ្ឋប្រហារ