ព័ត៌មានអន្ដរជាតិ
ម៉ាឡេស៊ីបញ្ជាក់ថា ខ្លួនមិនបានទទួលស្គាល់របបយោធា មីយ៉ាន់ម៉ាទេ ក្រោយមានប្រជុំមួយជាមួយរដ្ឋមន្ត្រីមីយ៉ាន់ម៉ា
រដ្ឋមន្ត្រីក្រសួងការបរទេសម៉ាឡេស៊ីបាននិយាយថា កិច្ចប្រជុំមួយរវាងឯកអគ្គរាជទូតម៉ាឡេស៊ីប្រចាំនៅប្រទេសមីយ៉ាន់ម៉ា និងសមាជិក នៃគណៈរដ្ឋមន្ត្រីរបបយោធាមីយាន់ម៉ាមិនបានទទួលស្គាល់រដ្ឋាភិបាលយោធាមីយ៉ាន់ម៉ាជារដ្ឋាភិបាលស្របច្បាប់នៃសមាជិកអាស៊ានឡើយ។
កិច្ចប្រជុំនៅថ្ងៃពុធរវាងរដ្ឋមន្ត្រីក្រសួងថាមពល និងអគ្គីសនីរបស់របបយោធាមីយ៉ាន់ម៉ាលោក U Aung Than Oo និងឯកអគ្គរាជទូតម៉ាឡេស៊ីលោក Datuk Zahairi Baharim បានជំរុញឲ្យមានការរិះគន់យ៉ាងខ្លាំងពីអ្នកគាំទ្រប្រជាធិបតេយ្យនៅប្រទេសមីយ៉ាន់ម៉ាដែលថា ម៉ាឡេស៊ីទទួលស្គាល់របបយោធាមីយ៉ាន់ម៉ា។
កាសែតដែលគ្រប់គ្រងដោយរបបយោធាមីយ៉ាន់ម៉ាបានអះអាងថា ភាគីទាំងពីរបានពិភាក្សាពីកិច្ចសហប្រតិបត្តិការបន្ថែមនៅក្នុងវិស័យអគ្គីសនី និងថាមពល ព្រមទាំងកាលានុវត្តភាពវិនីយោគទ្វេភាគី។
ឆ្លើយតបទៅនឹងការរិះគន់ រដ្ឋមន្ត្រីក្រសួងការបរទេសម៉ាឡេស៊ីនៅថ្ងៃព្រហស្បតិ៍បាននិយាយថា កិច្ចប្រជុំនោះត្រូវបានធ្វើឡើងដើម្បីធ្វើការសម្រេចចិត្តរបស់ក្រុមហ៊ុនម៉ាឡេស៊ី Petronas ដើម្បីផ្អាកប្រតិបត្តិការជាបណ្តោះអាសន្ននូវផ្នែកខាងលើនៃតំបន់ឧស្ម័ន Yetagun នៅសមុទ្រAndaman Sea របស់ប្រទេសមីយ៉ាន់ម៉ា។
នៅដើមខែមេសា ក្រុមហ៊ុន PC Myanmar (Hong Kong) Ltd (PCML) ដែលជាបុត្រសម្ព័ន្ធរបស់ Petronas បានអំពាវនាវឲ្យមានការផ្អាកគម្រោង Yetagun ដោយសំអាងទៅលើការផលិតឧស្ម័នថយចុះ។
រដ្ឋមន្ត្រីក្រសួងការបរទេសបាននិយាយថា កិច្ចប្រជុំមិនបានទទួលស្គាល់ក្រុមប្រឹក្សារដ្ឋបាលរដ្ឋ (SAC) ដែលជាស្ថាប័នគ្រប់គ្រងរបបយោធាមីយ៉ាន់ម៉ាដែលបានបង្កើតឡើងដោយមេដឹកនាំរដ្ឋប្រហារ បន្ទាប់ពីពួកគេកាន់អំណាចកាលពីថ្ងៃទី១កុម្ភៈឡើយ៕
ប្រែសម្រួល៖ វីរបុត្រ
ប្រភព៖ irrawaddy
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៣ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ