ព័ត៌មានអន្ដរជាតិ

អនុវត្តទាំងអស់គ្នា! ការបន្តពាក់ម៉ាស ឬរបាំងមុខនៅទីសាធារណៈ អាចជួយកាត់បន្ថយហានិភ័យឆ្លងកូវីដ

បានផុស

៥ years មុន

នៅ

ថ្ងៃចន្ទ ១៩ មេសា ២០២១

ដោយ

ការសិក្សាមួយដែលត្រូវបានចេញផ្សាយកាលដោយ PLOS ONE បានរកឃើញថា រដ្ឋនៅសហរដ្ឋអាមេរិកដែលតម្រូវឲ្យប្រជាជនពាក់ម៉ាស់ឬរបាំងមុខនៅតាមទីសាធារណៈ ក្នុងកំឡុងពេលជំងឺរាតត្បាតរីករាលដាលបានឃើញថា អត្រាឆ្លងកូវីដមានទាបជាងអ្នកដែលមិនពាក់សោះឬមិនអនុលោមតាមវិធានការ ” ពាក់ម៉ាសជាចាំបាច់” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នកស្រាវជ្រាវនិយាយថារដ្ឋចំនួន ៨ ដែលអនុលោមតាមវិធានការ ” ពាក់ម៉ាសជាចាំបាច់” បានបង្ហាញអត្រា៧៥% ឬខ្ពស់ជាងនេះក្នុងរដូវក្ដៅនិងដើមឆ្នាំ ២០២០ ដែលមានចំនួននៃការឆ្លងខ្ពស់រហូតដល់ចុងខែតុលា។ ផ្ទុយទៅវិញរដ្ឋចំនួន ១៤ ក្នុងចំណោម ១៥ ដែលមិនតម្រូវឲ្យមនុស្សពាក់ម៉ាស់នៅទីសាធារណៈក្នុងពេលតែមួយមានអត្រាឆ្លងខ្ពស់ជាងនេះទៅទៀត។

ទិន្នន័យបានបង្ហាញថានៅពេល ” ពាក់ម៉ាសជាចាំបាច់” ចូលជាធរមាន រដ្ឋទាំងនេះមានអត្រាឆ្លងកូវីដជាមធ្យមប្រហែល ១១០ នាក់ក្នុងចំណោមប្រជាជន ១០០,០០០ នាក់ក្នុងកំឡុងពេលសិក្សា។ ការរកឃើញនេះផ្ដល់នូវភស្តុតាងថ្មីក្នុងការគាំទ្រដល់ការពាក់ម៉ាសឬរបាំងមុខ ដែលជាកត្តាដ៏សំខាន់មួយរួមចំណែកដល់ការកាត់បន្ថយអត្រាឆ្លង។

សម្រាប់ការសិក្សាមួយទៀត ក្រុមអ្នកស្រាវជ្រាវមកពីសាលាសុខភាពសាធារណៈនៃសាកលវិទ្យាល័យបូស្តុនបានវិភាគទិន្នន័យករណីកូវីដនៅគ្រប់រដ្ឋទាំង ៥០ និងនៅវ៉ាស៊ីនតោនឌីស៊ី ចន្លោះខែ ឧសភា និង តុលា ឆ្នាំ ២០២០ ។ រដ្ឋដែលគោរពតាមគោលការណ៍ពាក់ម៉ាស់ឬរបាំងមានអត្រាឆ្លងទាបជាងឬតិចជាង ២៥% នៃប្រជាជនដែលពាក់ម៉ាសជាសាធារណៈ ប្រហែល ២៤០ ករណីក្នុងចំណោម ១០០,០០០ នាក់នៃប្រជាជនទូទៅ។

ទោះបីជាការស្ទង់មតិបានរកឃើញថាប្រជាជនភាគច្រើននៅសហរដ្ឋអាមេរិកគាំទ្រការពាក់ម៉ាស ដែលជាផ្នែកមួយនៃវិធានការណ៍ដែលត្រូវបានរៀបចំឡើង ដើម្បីទប់ទល់នឹងរោគរាតត្បាតនេះក៏ដោយ តែជនជាតិភាគតិចមួយចំនួន បានធ្វើការតវ៉ាដោយលើកឡើងពីសិទ្ធិបុគ្គល។ យ៉ាងណាក៏ដោយ រដ្ឋខ្លះបានដាក់ការ” ពាក់ម៉ាសជាចាំបាច់” ដែលតម្រូវឲ្យមនុស្សពាក់ម៉ាសពេលនៅទីសាធារណៈ ដូចជាពេលចូលហាងឬទៅធ្វើការជាដើម៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖កាន់តែមានសង្ឃឹមហើយ! ថ្នាំលេបព្យាបាលកូវីដនៅ អាមេរិក កំពុងធ្វើតេស្តដំណាក់កាលចុងក្រោយ

ចុចអាន៖ក្ដីសង្ឃឹមសម្រាប់ប្រជាជនអាមេរិក! វ៉ាក់សាំង Moderna ផ្តល់ការការពារឆ្លងកូវីដរយៈពេលកន្លះឆ្នាំ