ទម្លាប់ញ៉ាំអាហារ​លឿន​ៗ ប្រយ័ត្ន​នាំទុក្ខ​ដាក់​​ខ្លួនពេល​ក្រោយ
Connect with us
Helistar Cambodia - Helicopter Charter Services

សុខភាព

ទម្លាប់ញ៉ាំអាហារ​លឿន​ៗ ប្រយ័ត្ន​នាំទុក្ខ​ដាក់​​ខ្លួនពេល​ក្រោយ

បានផុស

នៅ

ញ៉ាំ​លឿន ឬ​ហៅ​បែប​សាមញ្ញ​ថា ដាក់​ញាត់ៗ ញ៉ាំ​លេបៗ អាច​ថា​ជា​ទម្លាប់​ពី​កំណើត ឬប្រឹង​​ញ៉ាំ​ជែង​គ្នា ពេល​ជុំ​គ្នា​ម្ដងៗ​ជាមួយ​មិត្តភក្ដិ។ យ៉ាង​ណា​ក៏​ដោយ តាម​ន័យ​វេជ្ជសាស្ត្រ ការ​ញ៉ាំ​លឿន​ដោយ​មិន​ទំពា​អាហារ​ឲ្យ​ហ្មត់​ល្អ មុន​លេប នឹង​នាំ​បញ្ហា​ដល់​សុខភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១- ហេតុ​ផល​ញ៉ាំ​លឿន

Premium Photo | Happy young asian woman holding fried chicken for eat.

ទម្លាប់​ញ៉ាំ​លឿន​​ភាគ​ច្រើន ដោយសារ​បរិស្ថាន​រស់​នៅ​ជុំ​វិញខ្លួន​៖
– ទម្លាប់​ញ៉ាំ​រហ័ស​តាំង​ពី​ក្មេង​​ក្នុង​គ្រួសារ
– គ្មាន​ពេល​វេលា ឬ​សន្សំ​ពេល ជា​ពិសេស​អ្នក​ធ្វើ​ការ ឬ​រៀន
– ឬបើ​មិន​អ៊ីចឹង​ទេ ដើម្បី​តាម​ទាន់​មិត្តភ័ក្ដិ​យើង ក្រែង​លោក​គេ​លត់​អស់​មុន លែង​មាន​អី​ញ៉ាំ​ទៀត។

២- បញ្ហាសុខភាពដោយសារញ៉ាំលឿន

6 Reasons Why Asian Cuisine is Good For You

– អាហារមិនរលាយ៖ ញ៉ាំ​លឿន មាន​ន័យ​ថា គ្នា​យើង​ទំពា​តិច​បំផុត មិន​បាន​ទំពា​អាហារ​ឲ្យ​ម៉ត់​នោះ​ទេ ពោល​គឺ​ស្ទើរ​តែ​ដាក់​លេបៗ​តែ​ម្ដង។ បំណែក​អាហារ​ធំៗ​ចាប់​ផ្ដើម​ផ្ដុំ​គ្នា ហើយ​ធ្វើ​ឲ្យ​កក​ស្ទះ​ក្នុង​ប្រព័ន្ធ​រំលាយ​អាហារ ដែល​ធ្វើ​ឲ្យ​យើង​ហើម​ពោះ ហើយ​ពោះ​ឡើង​រឹង។ ករណី​ធ្ងន់ធ្ងរ​មួយ​ចំនួន យើង​អាច​​ឆ្អល់​ចុង​ដង្ហើម និង​ពិបាក​ដក​ដង្ហើម។ បើ​បណ្ដោយ​ទុក​យូរ​មិន​កែ​ទម្លាប់ យូរៗ​ទៅ​អាច​នាំ​ឲ្យ​មាន​បញ្ហា​រលាក​ក្រពះនៅថ្ងៃមុខ។

– ឡើងទម្ងន់៖ អ្នក​វិទ្យាសាស្ត្រ​បង្ហាញ​ថា ចំណង់​អាហារគ្រប់គ្រង​ដោយ​ខួរ​ក្បាល មិន​មែន​ក្រពះ​នោះ​ទេ។ ខួរ​ក្បាល​​យើង ត្រូវ​ការ​ពេល​ប្រហែល ២០ នាទី ដើម្បី​ដំណើរ​ការ និង​បញ្ជូន​សញ្ញាបញ្ជាក់​ថា​យើង​ឆ្អែត។ អ៊ីចឹង​ហើយ​ទើបភាគច្រើន​បន្ទាប់​ពី​ញ៉ាំ​អាហារ​មួយ​ឆ្អែត​ល្មម​រួច​ប្រហែល​ជា ៣ នាទីក្រោយ អ្នក​ខ្លះ​មាន​អារម្មណ៍​មិន​ទាន់​ឆ្អែត និង​ចង់​ញ៉ាំ​ទៀត។ គ្នា​យើង​​ត្រូវ​ចាំ​ថា ញ៉ាំ​ច្រើន មាន​ន័យ​ថា ចំនួន​កាឡូរី​ច្រើន ហើយ​ពេល​ចំនួន​កាឡូរី​ច្រើន​ហួស វា​នឹង​ធ្វើ​ឲ្យ​យើង​ធាត់។

Asian Young Woman Travel Bangkok Thailand Beautiful Female Feeling Happy ⬇  Video by © Tirachard Stock Footage #274030908

៣- ដំណោះស្រាយ

ដើម្បី​កុំ​ឲ្យ​មាន​បញ្ហា​សុខភាព គ្នា​យើង​ដែល​ញ៉ាំ​បាយ​លឿនៗ គួរ​បន្ថយ​ល្បឿន​ញ៉ាំ​ឲ្យ​យឺត​ជាង​មុន ដោយ​ទំពា​អាហារ​ឲ្យ​ម៉ត់​សិន ចាំ​លេប​ចូល​ពោះ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ តិចនិកថែ​សុខភាព​ឲ្យ​ក្មេង​ជាង​វ័យ ជំងឺ​កាច​សាហាវ​មិន​ហ៊ាន​យាយី

ចុចអាន៖ ក្មេង​ៗគួរផឹក​ភេសជ្ជៈ​ទៅតាមវ័យ ទើបជួយ​ឲ្យ​សុខភាព​ល្អ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services