សុខភាព
ប្រុសៗកុំសាកភេសជ្ជៈប្រភេទនេះឲ្យសោះ ប៉ះពាល់មេជីវិត ធ្វើឲ្យអត់កូន
បច្ចុប្បន្ន ភេសជ្ជៈផ្អែមៗ ទឹកក្រូច ទឹកផ្លែឈើ ពិសេសភេសជ្ជៈប៉ូវកម្លាំង ពេញនិយមចំពោះប្រុសៗខ្លាំងណាស់ អ្នកខ្លះអត់មិនបានផង។ មិនមែនតែគ្រឿងស្រវឹងនោះទេ ប្រុសៗដែលញ៉ាំជាតិស្ករលើសកម្រិត ពិសេសពពួកភេសជ្ជៈប៉ូវកម្លាំង ក៏ប៉ះពាល់ដល់គុណភាពមេជីវិតដែរ។ នេះបើតាមការបញ្ជាក់របស់លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រីនៃមន្ទីរពេទ្យបង្អែកមិត្តភាពកម្ពុជា-ចិន សែនសុខ។
គ្រឿងកំប៉ុងផ្អែមៗ ពិសេសភេសជ្ជៈប៉ូវកម្លាំង មានផ្ទុកសារធាតុអីខ្លះ បានធ្វើឲ្យប៉ះពាល់មេជីវិត? លោកវេជ្ជបណ្ឌិតថា ភេសជ្ជៈប៉ូវកម្លាំងមានផ្ទុកសមាសធាតុសំខាន់ចំនួន២ គឺស្ករ និងជាតិកាហ្វេអ៊ីន។ ការដែលញ៉ាំជាតិស្ករច្រើនធ្វើឲ្យយើងធាត់ លើសគីឡូ ជួបបញ្ហាការបញ្ចេញទឹកកាម ធ្វើឲ្យគុណភាពមេជីវិតក៏ធ្លាក់ចុះទៅតាមនោះដែរ។
ចំណែកឯអំណាចនៃជាតិកាហ្វេអ៊ីនវិញ ពេលញ៉ាំច្រើនទៅ ធ្វើឲ្យបេះដូងលោតញាប់ សម្ពាធឈាមឡើងខ្ពស់ រសេះរសោះក្នុងខ្លួន ទៅជាមួម៉ៅ គេងមិនលក់ បញ្ហានេះបង្កផលប៉ះពាល់យ៉ាងធ្ងន់ធ្ងរចំពោះការគេង។ ពេលគេងមិនគ្រប់គ្រាន់ ធ្វើឲ្យបរិមាណ និងគុណភាពមេជីវិតប្រុសៗថមថយ ឬចុះខ្សោយ ដែលករណីធ្ងន់ធ្ងរខ្លះអាចអារអត់មានកូនក៏មាន។
ខាងក្រោមនេះជាបរិមាណជាតិស្ករមានក្នុងទឹកក្រូច ទឹកផ្លែឈើ និងភេសជ្ជៈប៉ូវកម្លាំង ដែលចេញដោយអង្គការសុខភាពពិភពលោក (WHO)៖
– ទឹកក្រូច ចំណុះ ៣៣០ មិល្លីលីត្រ៖ មានជាតិស្ករប្រមាណ ៨,៥ ស្លាបព្រាកាហ្វេ
– ទឹកផ្លែឈើ ចំណុះ ៣៣០ មិល្លីលីត្រ៖ មានជាតិស្ករប្រមាណ ៩,៥ ស្លាបព្រាកាហ្វេ
– ភេសជ្ជៈប៉ូវកម្លាំង ចំណុះ ៣៣០ មិល្លីលីត្រ៖ មានជាតិស្ករប្រមាណ ១០ ស្លាបព្រាកាហ្វេ។
ជំនួសឲ្យភេសជ្ជៈផ្អែមៗខាងលើនេះ ដើម្បីបង្កើនគុណភាពមេជីវិត ធ្វើឲ្យការបង្កកំណើតបានល្អ ប្រុស គួរញ៉ាំទឹកផ្លែឈើស្រស់ ឬញុំាផ្លែឈើឲ្យបានច្រើន ក្រៅពីនោះមានពពួកវីតាមីន ជាតិរ៉ែ និងអាស៊ីដខ្លាញ់។
ក្នុងនោះការសិក្សាបញ្ជាក់ថា អាស៊ីដហ្វូលិកសំខាន់បំផុត វាមិនត្រឹមតែចាំបាច់សម្រាប់ស្រីៗមានផ្ទៃពោះនោះទេ វាក៏មានសារៈសំខាន់ចំពោះសុខភាពទឹកកាម និងគុណភាពមេជីវិតឈ្មោលប្រុសៗដូចគ្នា។ ប្រុសៗដែលមានកម្រិតអាស៊ីដហ្វូលិកទាប ច្រើនមានមេជីវិតឈ្មោល មិនសូវល្អ។ យ៉ាងណា យើងអាចជួយឲ្យគុណភាពមេជីវិតឈ្មោលកាន់តែខ្លាំង តាមរយៈការញ៉ាំបន្លែបៃតង ផ្លែប៊ើរ សណ្ដែក ផ្លែឈើ និងពពួកគ្រាប់ធញ្ញជាតិ ដែលសម្បូរជាតិហ្វូឡាត ឬញ៉ាំវីតាមីនដែលមានជាតិអាស៊ីដហ្វូលិក៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ចង់រស់បានយូរ ប្រុសៗគួរពិនិត្យសុខភាពប៉ុន្មានចំណុចនេះ
ចុចអាន៖ ហេតុផលមួយចំនួន បង្ហាញថាប្រុសៗគួរកោររោមក្លៀកដូចស្រីៗដែរ
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ