Connect with us

សុខភាព

វីតាមីនសំខាន់ៗ ៣ មុខ ជួយពង្រឹងសុខភាពផ្លូវដង្ហើមពីការឆ្លងមេរោគ

បានផុស

នៅ

សុខភាព​ផ្លូវ​ដង្ហើម ជា​​ផ្នែក​មួយ​នៃ​សុខភាព​ទូទៅ គ្នា​យើង​គួរ​តែ​យក​ចិត្ត​ទុក​ដាក់​បំផុត​នៅ​ក្នុង​សម័យ​នេះ ព្រោះ​សព្វ​ថ្ងៃ​សួត​ងាយ​នឹង​ឆ្លង​មេរោគ​ផ្សេងៗ ដូច​ជា​វីរុស​កូរ៉ូណា ជា​វីរុស​កាច​សាហាវ​ប្រហារ​ប្រព័ន្ធ​ផ្លូវ​ដង្ហើម​យើង រហូត​អាច​គ្រោះ​ថ្នាក់​ដល់​ជីវិត​បាន។ គ្នា​យើង​ច្បាស់​ជា​ដឹង​ហើយ​ថា ពពួក​វីតាមីន និង​រ៉ែ​នៅ​ក្នុង​របប​អាហារ ក៏​សំខាន់​ក្នុង​ការ​ថែរក្សា​សុខភាព​យើង​ពី​ជំងឺ ហើយ​វីតាមីន​ទាំង ៣​ខាង​ក្រោម​នេះ ជួយ​ពង្រឹង​សុខភាព​ផ្លូវ​ដង្ហើម​បាន​ល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីតាមីន​ទាំង៣ ពង្រឹងសុខភាពផ្លូវដង្ហើម

១. វីតាមីន A

Vitamin A diet: Eat these top 10 food sources for glowing skin, immunity |  Health - Hindustan Times

វីតាមីនA សំខាន់​ក្នុង​ការ​ពង្រឹង​ប្រព័ន្ធ​ភាព​ស៊ាំ​រាងកាយ និង​ជួយ​បង្កើត​កោសិកា​ឡើង​វិញ​នៅ​ក្នុង​ខ្លួន​យើង។ ហេតុ​នេះ​ហើយ ទើប​ការ​ទទួល​បាន​វីតាមីន A គ្រប់គ្រាន់ មិន​ថា​ដោយ​ការ​ញ៉ាំ​អាហារ​ធម្មជាតិ ឬ​ប្រើ​វីតាមីន​បំប៉ន​ទេ អាច​ជួយ​ឲ្យ​រាងកាយ​យើង​ដំណើរការ​ជួសជុល​កោសិកា​សួត​បាន​ដោយ​ឯកឯង។ ផលិត​ផល​ធ្វើ​ពី​ទឹក​ដោះ​គោ សាច់​ត្រី ការ៉ុត ប្រូខូលី និង​ត្រសក់​ស្រូវ​ផ្អែម សុទ្ធ​តែ​ជា​ប្រភព​សម្បូរ​វីតាមីន A។

ប៉ុន្តែ​យើង​ក៏​ត្រូវ​ដឹង​តែ​ថា វីតាមីន A ក៏​ជា​​ខ្លាញ់​រលាយ មាន​ន័យ​ថា បើ​ក្នុង​ខ្លួន​យើង​លើស​វីតាមីន A វា​អាច​បណ្ដាល​ឲ្យ​ពុល និង​អាច​ប៉ះពាល់​ទៅ​ដល់​ជាលិកា​ថ្លើម និង​ឆ្អឹង​វិញ។

២. វីតាមីន C

Sources of Vitamin C Other Than Oranges

វីតាមីន C ផ្ដល់​ប្រយោជន៍​ដល់​រាងកាយ​យើង​ច្រើន ហើយ​ក្នុង​នោះ​គឺ​បង្ការ​សួត​ពី​ការ​ឆ្លង​ជំងឺ ឬ​មេរោគ​ផ្សេងៗ។ ការ​ទទួល​បាន​វីតាមីន​នេះ​គ្រប់​គ្រាន់​ជា​ប្រចាំ អាច​ពង្រឹង​ប្រព័ន្ធ​ភាព​ស៊ាំ​រាងកាយ និង​លើក​កម្ពស់​ការ​បង្កើត​ Collagen ក្នុង​ស្បែក។ វីតាមីន C ដែល​សម្បូរ​ក្នុង​ផ្លែ​ក្រូច ជួយ​ប្រឆាំង​នឹង​រ៉ាឌីកាល់​សេរី និង​ជាតិ​ពុល ហើយ​វា​ក៏​ជួយ​ឲ្យ​រាងកាយ​យើង​កម្ចាត់​ម៉ូលេគុល​ខូច​ខាត​ចោល។ សារធាតុ​ចិញ្ចឹម​សំខាន់​មួយ​មាន​ក្នុង​វីតាមីន C នោះ​គឺ​សារធាតុ​ប្រឆាំង​អុកស៊ីតកម្ម ដែល​ជួយ​ដល់​ដំណើរការ​សួត និង​កាត់​បន្ថយ​រោគសញ្ញា​សុខភាព​ផ្លូវ​ដង្ហើម​។ ផ្លែ​ក្រូច ផ្លែ​ត្របែក គីវី ប្រូខូលី និង​ពពួក​ប៊ើរី ជា​ប្រភព​សម្បូរ​វីតាមីន C។

៣. វីតាមីន D

Vitamin D and Diabetes - Types, Effects, Deficiency & Health Benefits

ក្រៅ​ពី​ជួយ​ធ្វើ​ឲ្យ​ឆ្អឹង និង​ធ្មេញ​រឹងមាំ វីតាមីន D ក៏ជួយ​ការពារ​យើង​ពី​ការ​ឆ្លង​មេរោគ​ផ្សេងៗ​លើ​សុខភាព​ផ្លូវ​ដង្ហើម និង​កាត់​បន្ថយ​ហានិភ័យ​នៃ​ជំងឺ​ស្ទះ​សួត​រ៉ាំរ៉ៃ ។ បើ​រាងកាយ​យើង​ខ្វះ​វីតាមីន D អាច​បង្កើន​ហានិភ័យ​រលាក​ទង​សួត កើត​ហឺត និង​បញ្ហា​ប្រព័ន្ធ​ផ្លូវ​ដង្ហើម​ដទៃ​ទៀត។ ហេតុ​នេះ​ហើយ ការ​បន្ថែម​វីតាមីន D ឲ្យ​គ្រប់​គ្រាន់​តាម​តម្រូវ​ការ​រាងកាយ មុខងារ​សួត​នឹង​ដំណើរ​ការ​បាន​ល្អ​ដែរ។ ត្បិត​តែ​ពន្លឺ​ព្រះ​អាទិត្យ​ជា​ប្រភព​សំខាន់​មួយ​នៃ​វីតាមីន D តែ​អាហារ​ដូចជា ត្រី​ធូណា សាល់ម៉ុន អយស្ទ័រ និង​ស៊ុត​ក្រហម​ក៏​មាន​ផ្ទុក​វីតាមីន D ​ខ្ពស់ យើង​អាច​បន្ថែម​ចូល​ទៅ​ក្នុង​របប​អាហារ​ដោយ​មិន​បាច់​ឈរ​ហាល​ក្ដៅ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ អ្នកជំនាញបកស្រាយពី​អត្ថប្រយោជន៍នៃវីតាមីន C​ ពិតជាអាចការពារកូវីដបានពិតមែនឬ យ៉ាងណា!

ចុចអាន៖ ទទួលទាន​អាហារ​ពេល​ព្រឹក​ទាំង​នេះ ដូច​ផ្ដល់​វីតាមីន C ប្រចាំ​ថ្ងៃ​ដល់​រាងកាយ​ និង​ពង្រឹង​ភាព​ស៊ាំ​អំឡុង​កូវីដ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣២ នាទី មុន

ប្រទេស ណាតូ មួយនេះមិនចូលរួមដាក់ទណ្ឌកម្មប្រឆាំង រុស្ស៊ី ដាច់ខាត

នយោបាយ៤២ នាទី មុន

លោក ប្រាក់ សុខុន ស្នើឲ្យរដ្ឋអំណាចភូមា បញ្ជូនលោកស្រីអោងសាន ស៊ូជី ត្រឡប់ទៅលំនៅដ្ឋានវិញ

កីឡា៤៨ នាទី មុន

សហព័ន្ធ​​បាល់ទះ​​ត្រៀម​​​ប្រកួត​ពាន​​​​សម្តេច​​តេជោ ក្រោយ​​ចប់​​ពាន​​​​សម្តេច​​ក្រឡា​ហោម​

សេចក្ដីជូនដំណឹង១ ម៉ោង មុន

សេចក្ដីជូនដំណឹង ស្ដីពីការអញ្ជើញចូលរួមដេញថ្លៃការផ្គត់ផ្គង់ផ្ទាំងប៉ាណូ និងបោះពុម្ពផ្សព្វផ្សាយរបស់មន្ទីរសុខាភិបាលនៃរដ្ឋបាលខេត្តបាត់ដំបង

ព័ត៌មានអន្ដរជាតិ១ ម៉ោង មុន

អាមេរិក ប្រកាសទិញប្រព័ន្ធការពារមីស៊ីលមួយទៀតឲ្យ អ៊ុយក្រែន

Sokha Hotels

ព័ត៌មានពេញនិយម