សុខភាព

អ្នកជំនាញបកស្រាយពីអត្ថប្រយោជន៍នៃវីតាមីន C ពិតជាអាចការពារកូវីដបានពិតមែនឬ យ៉ាងណា!

បានផុស

៥ years មុន

នៅ

ថ្ងៃពុធ ៧ កក្កដា ២០២១

ដោយ

ក្នុងកំឡុងពេលនៃជំងឺរាតត្បាត មនុស្សជាច្រើនបានចាប់ផ្តើមស្វែងរកវីតាមីនមកបរិភោគ ដើម្បីកាត់បន្ថយហានិភ័យនៃជំងឺផ្ដាសាយ។ តើពិតជាមានវីតាមីនដែលជួយក្នុងរឿងនេះបានពិតមែន?

ស្វែងយល់អត្ថប្រយោជន៍វីតាមីន C ចំពោះរាងកាយ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីតាមីន C ជួយឲ្យសរីរាង្គទាំងនេះមានសភាពផុយស្រួយ បត់បែននិងរឹងមាំ ហើយក៏មានផ្ទុកនូវសារធាតុប្រឆាំងអុកស៊ីតកម្ម ដើម្បីបន្ថយការចុះខ្សោយនៃរាងកាយ។ វាក៏ជួយពង្រឹងប្រព័ន្ធភាពស៊ាំរបស់រាងកាយ និងកាន់តែមានប្រសិទ្ធភាព។ ជាលទ្ធផលយើងមិនឈឺឬងាយនឹងផ្តាសាយឡើយ។

សារធាតុប្រឆាំងអុកស៊ីតកម្មនៅក្នុងវីតាមីន C ជួយកាត់បន្ថយការរលាក។ វីតាមីន C ក៏ជួយពន្លឿនមុខងាររបស់ phagocytes ដែលជាកោសិកាជួយលេបបាក់តេរីនិងរាងកាយដែលអាចបង្កគ្រោះថ្នាក់ដល់យើង។ នេះបង្កើនប្រសិទ្ធភាពនៃភាពស៊ាំទៅនឹងជំងឺ។

វីតាមីន C ពិតជាអាចការពារកូវីដតើវាពិតឬអត់?

លោក M.L. Thanyapat Devakul, MD ជាពេទ្យថ្នាំបង្ការនិងថ្នាំប្រឆាំងភាពចាស់នៃមន្ទីរពេទ្យ Samitivej Srinakarin បានបញ្ជាក់ថា បច្ចុប្បន្នមិនមានរបាយការណ៍ស្រាវជ្រាវជាក់លាក់ណាមួយ ដែលបានបញ្ជាក់ ១០០% ថាការទទួលទានវីតាមីន C ប៉ុន្មាន អាចកាត់បន្ថយហានិភ័យនៃការឆ្លងមេរោគដោយផ្ទាល់ជាមួយវីរុសនេះ ឬអាចការពារកូវីដបានទេ។ មានតែលក្ខណៈសម្បត្តិនិងសារធាតុរ៉ែជាក់លាក់មួយចំនួននៃវីតាមីនប៉ុណ្ណោះ ដែលជួយស្តាប្រព័ន្ធភាពស៊ាំ និងប្រឆាំងនឹងការរលាករបស់ប្រព័ន្ធរាងកាយ។

ប៉ុន្តែសម្រាប់អត្ថបទដែលបានចុះផ្សាយក្នុងទស្សនាវដ្តី ជំងឺឆ្លងនៃសមាគមវេជ្ជសាស្ត្រចិនសៀងហៃឆ្នាំ ២០១៦ និង ២០០ បានចែងថា ការបង្កើនការទទួលទានវីតាមីន C សម្រាប់អ្នកជំងឺកូវីដ អាចជួយឲ្យសួតមានមុខងារនៃដំណើរការល្អ។

ទោះជាយ៉ាងណាក៏ដោយ ការស្រាវជ្រាវលើបញ្ហានេះគឺមិនគ្រប់គ្រាន់ ដើម្បីបង្ហាញថា វីតាមីន C អាចជួយព្យាបាលអ្នកជំងឺកូវីដបានទេ។ ជាពិសេសវីតាមីន C មិនទាន់ជាការព្យាបាលផ្លូវការពីវេជ្ជបណ្ឌិតនៅជុំវិញពិភពលោកនៅឡើយ។

ប្រុងប្រយ័ត្នក្នុងការទទួលយកវីតាមីន C

ប្រសិនបើអ្នកញ៉ាំដើម្បីមានសុខភាពល្អរាល់ថ្ងៃ ឬញ៉ាំឲ្យស្បែកស្រស់ស្អាត សូមលេបវីតាមីន C មិនលើសពី ១០០០ មីលីក្រាមក្នុងមួយថ្ងៃ ឬដើម្បីទទួលបានប្រសិទ្ធភាពទូទៅ ប្រឆាំងនឹងជំងឺផ្តាសាយឬអាឡ័កស៊ី។

សូមកុំទទួលទានច្រើនជាង ២០០០ មីលីក្រាម ក្នុងមួយថ្ងៃ។ សម្រាប់ការធ្វើសមកាលកម្មបរិមាណនិងតម្រូវការរបស់មនុស្សម្នាក់ៗប្រែប្រួលតាមភេទ។ ជាធម្មតាកុំលេបលើសពី ៤០ មីលីក្រាមក្នុងមួយថ្ងៃ។

ទោះជាយ៉ាងណាក៏ដោយ សម្រាប់ទំហំវីតាមីន C ត្រឹមត្រូវក្នុងមនុស្សម្នាក់ៗ ប្រហែលជាមិនដូចគ្នាទេ។ ដូច្នេះ ពិគ្រោះជាមួយវេជ្ជបណ្ឌិត មុនពេលញ៉ាំ៕

ប្រែសម្រួល៖ សាង ស្រីល័ក្ខ

ប្រភព៖ sanook

ចុចអាន៖កុំបារម្ភ! វ៉ាក់សាំងការពារកូវីដរបស់ រុស្ស៊ី គ្មានផលប៉ះពាល់លើមុខងារបន្តពូជរបស់បុរស និងស្ត្រីឡើយ

ចុចអាន៖រោគសញ្ញាចំនួន៤ធំៗ រកឃើញភាគច្រើនលើអ្នកចាក់វ៉ាក់សាំងគ្រប់២ដូស ហើយឆ្លងកូវីដ