សុខភាព

ក្រោយជាសះស្បើយពីកូវីដ សួតនឹងវិលមករកភាពធម្មតាវិញឬយ៉ាងណា!

បានផុស

៥ years មុន

នៅ

ថ្ងៃព្រហស្បតិ៍ ១៥ កក្កដា ២០២១

ដោយ

អ្នកជំងឺកូវីដ ៨០ ភាគរយ មានរោគសញ្ញាតិចតួច ឬគ្មានរោគសញ្ញាអ្វីទាំងអស់។ ជំងឺនេះច្រើនតែ ចេញរោគសញ្ញា ៥ ទៅ ៦ ថ្ងៃ រហូតដល់មួយសប្ដាហ៍ ។ អ្នកជំងឺអាចមានអារម្មណ៍ថាគ្រាន់តែជាជំងឺផ្ដាសាយតិចតួច ប៉ុន្តែតាមពិត បន្ទាប់ពីរយៈពេល ៥ ទៅ ៧ ថ្ងៃនៃការឆ្លងមេរោគ នឹងឆ្លងទៅសួតភ្លាមៗ ដែលនាំឲ្យមានការឆ្លងមេរោគចូលសួត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកជំងឺខ្លះមើលទៅមានសុខភាពល្អ ប៉ុន្តែអាចនឹងកាន់តែអាក្រក់ទៅៗ ឬហៅថាគ្រោះថ្នាក់ ៣ ថ្ងៃ។ ប្រសិនបើអ្នកជំងឺមិនបានស្ថិតក្នុងការមើលថែពីវេជ្ជបណ្ឌិតឬគ្រូពេទ្យឲ្យបានដិតដល់ទេ។

សួតរបស់អ្នកដែលឆ្លង នឹងវិលមកធម្មតាវិញឬអត់ គឺអាស្រ័យលើសភាពធ្ងន់ឬស្រាល។ គ្រូពេទ្យនឹងពិនិត្យមើលក្នុងរយៈពេល ៥ ទៅ ៧ ថ្ងៃ ប្រសិនបើរកឃើញការឆ្លងមេរោគសួតតូចតាច គ្មានអ្វីត្រូវបារម្ភទេ។ រឿងនេះអាចវិលមករកភាពធម្មតាវិញ ប៉ុន្តែត្រូវចំណាយពេលរាប់សប្តាហ៍ ឬច្រើនខែ ដើម្បីឲ្យវាជាសះស្បើយ។

ចំពោះអ្នកជំងឺធ្ងន់ធ្ងរត្រូវប្រើបំពង់អុកស៊ីសែន សួតនឹងពិបាកដកដង្ហើម។ ស្ថានភាពសួតត្រូវបានបំផ្លាញយ៉ាងច្រើន ដូច្នេះ ប្រហែលជាមិនអាចវិលមករកភាពធម្មតាវិញទេ។

ដូច្នេះហើយ ក្រុមដែលមានហានិភ័យ ងាយឆ្លងកូវីដ ហើយឈានទៅរកសួតធ្ងន់ធ្ងរជាងគេគឺ ក្រុមមនុស្សមានវ័យចំណាស់ មានអាយុលើស ៦០ ឆ្នាំ។ ជាពិសេសអ្នកជំងឺទឹកនោមផ្អែម ព្រោះអ្នកជំងឺកូវីដភាគច្រើន គឺជាអ្នកជំងឺទឹកនោមផ្អែម ដែលមានអត្រាមរណភាពខ្ពស់ជាងអ្នកដទៃទៀត។ ស្ថានភាពវេជ្ជសាស្ត្រផ្សេងទៀត ដែលគួរឲ្យព្រួយបារម្ភគឺ ជំងឺរ៉ាំរ៉ៃ ជំងឺសួត ជំងឺបេះដូង តម្រងនោម ថ្លើម រួមទាំងការធាត់ជាដើម។