សុខភាព
ឆ្លៀតគេងថ្ងៃតិចៗ បានប្រយោជន៍ដល់បេះដូង ខួរក្បាល និងបន្ថយស្រ្តេស
ធ្វើការមួយព្រឹកពេញ ហើយក្រោយបានបាយថ្ងៃត្រង់រួច ប្រាកដជាល្វើយ រកតែងងុយគេង ហើយបើបានគេងមួយភ្លែត មុនធ្វើការវិញ ប្រាកដជាទីចូលចិត្តណាស់ សម្រាប់គ្នាយើង។ ថ្មីៗនេះ មានការសិក្សាបង្ហាញថា ការឆ្លៀតគេងថ្ងៃបន្តិច មិនត្រឹមតែផ្តល់ក្តីសុខដល់ខ្លួនឯងនោះទេ តែថែមទាំងទទួលបាននូវប្រយោជន៍ច្រើនដល់រាងកាយទៀតផង។
លទ្ធផលសិក្សាដែលបោះផ្សាយលើព្រឹត្តិបត្រវេជ្ជសាស្រ្តអង់គ្លេស British Medical Journal បានបង្ហាញថា ការគេងថ្ងៃបានរយៈពេលប្រមាណ ១ ម៉ោង ទៅ ១ ម៉ោងកន្លះ អាចផ្តល់ប្រយោជន៍ទៅដល់ខួរក្បាល ឱ្យមានថាមពលឡើងវិញ បង្កើនសមត្ថភាពចងចាំ វិនិច្ឆ័យ និងផ្តល់ភាពស្រស់ស្រាយ។ បន្ថែមពីនោះ លោក Bill Anthony អ្នកជំនាញចិត្តសាស្រ្ត និងជាប្រធានផ្នែកព្យាបាលសុខភាពផ្លូវចិត្ត នៃមជ្ឈមណ្ឌលវេជ្ជសាស្រ្ត សាកលវិទ្យាល័យ Harvard សហរដ្ឋអាមេរិក បានឱ្យដឹងថា ការឆ្លៀតគេងថ្ងៃ ជួយឱ្យកម្រិតអ័រម៉ូនស្រ្តេសគ័រទីសុល Cortisol (អ័រម៉ូនធ្វើឱ្យស្ត្រេស) ថមថយចុះ។
ការលើកឡើងបែបនេះ បន្ទាប់ពីការស្រាវជ្រាវឃើញថា បរិយាកាសការងារមមាញឹក និងទម្លាប់រស់នៅប្រចាំថ្ងៃ ច្រើនជួបបញ្ហាស្រ្តេស ដែលគេអាចដឹងតាមការពិនិត្យមើលកម្រិតអ័រម៉ូនខាងលើក្នុងរាងកាយ ហើយការគេងថ្ងៃ អាចជួយបន្ធូរបន្ថយអត្រាកើនឡើងនៃកម្រិតអ័រម៉ូននេះបាន ទោះបីជាបានគេងក្នុងរយៈពេលតិចតួចក៏ដោយ។
ដោយឡែក យោងតាមលទ្ធផលសិក្សាពីសាកលវិទ្យាល័យ Michigan សហរដ្ឋអាមេរិក ក៏បានបង្ហាញដែរថា ការគេងថ្ងៃបានជំរុញឱ្យលំហូរឈាមទៅក្នុងរាងកាយ បានប្រសើរឡើងវិញ (រាងកាយបានសម្រាក) ពិសេសសាច់ដុំ និងបេះដូង ព្រមទាំងជំរុញថាមពលឡើងវិញ ទាំងការចងចាំ និងស្មារតីផងដែរ។
បើផ្អែកតាមលទ្ធផលផ្សាយក្នុងព្រឹត្តិបត្រវេជ្ជសាស្រ្តខាងលើ បានបង្ហាញអំពីគុណប្រយោជន៍នៃការគេងសម្រាកពេលថ្ងៃ តាមរយៈពេលដូចខាងក្រោមនេះ៖
- ២០ នាទី៖ ជួយថាមពលខួរក្បាល ការចងចាំ និងសមត្ថភាពរៀនសូត្រអ្វីថ្មី បានឡើងវិញ។
- ២០-៣០ នាទី៖ ជួយជំរុញការចងចាំ និងគំនិតច្នៃប្រឌិតឡើងវិញ។
- ៣០-៦០ នាទី៖ ជំរុញសមត្ថភាពគិតវិនិច្ឆ័យ និងការចងចាំ។
- ៦០-៩០ នាទី៖ ផ្ដល់ថាមពលដល់ខួរក្បាលបានល្អ និងជំរុញសមត្ថភាពដោះស្រាយបញ្ហាឡើងវិញ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ គេងមិនគ្រប់គ្រាន់នៅថ្ងៃធ្វើការ អាចគេងសងនៅថ្ងៃចុងសប្ដាហ៍បានអត់?
ចុចអាន៖ មូលហេតុ យើងតែងងងុយគេងពេលបាយថ្ងៃត្រង់ ក្នុងអំឡុងម៉ោងធ្វើការ
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៦ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ